ຈົບພຽງປະຖົມບໍ່ເປັນບັນຫາ! ສະໝັກທຶນນີ້ໄດ້ ແຖມຮຽນຟຣີອີກ

ຈົບພຽງປະຖົມບໍ່ເປັນບັນຫາ! ສະໝັກທຶນນີ້ໄດ້ ແຖມຮຽນຟຣີອີກ

30th January 2020 0 By Education

ຂ່າວດີ ສຳລັບນ້ອງໆທີ່ດ້ອຍໂອກາດໃນການສຶກສາໃນຊັ້ນມັດທະຍົມສຶກສາ ຫຼື ຜູ້ທີ່ບໍ່ມີວິຊາອາຊີບຕິດໂຕ ໃນການຫາລ້ຽງຊີບແລ້ວ ເນື່ອງຈາກວ່າວິທະຍາໄລ (ວລ) ເຕັກນິກ ແຂວງວຽງຈັນ ໄດ້ເປີດຮັບນັກຮຽນທີ່ຈົບປະຖົມ (ປໍ 5) ຂຶ້ນໄປ ໃນຂອບເຂດທົ່ວປະເທດ ເຂົ້າຮຽນວິຊາຊີບຊັ້ນຕົ້ນ ລະດັບ1 (C1) ພາຍໃຕ້ໂຄງການ sstvet ສົກຮຽນ 2019-2020. ໂດຍບໍ່ໄດ້ເສຍຄ່າຮຽນ ພ້ອມທັງໄດ້ຮັບດອກເບ້ຍ 620 ພັນກີບ ຕໍ່ຄົນຕໍ່ເດືອນຈົນຈົບ. ໃນ 7 ສາຂາອາຊີບ ຈຳນວນ 160 ຄົນ.

ในภาพอาจจะมี 1 คน, กำลังนั่ง, กำลังรับประทาน, ตาราง และ สถานที่กลางแจ้ง

ອີງຕາມແຈ້ງການ ຂອງ ວິທະຍາໄລ ເຕັກນິກ ແຂວງວຽງຈັນ ວັນທີ 30 ມັງກອນ 2020 ເຖິງ ຊາວໜຸ່ມ ທີ່ຈົບປະຖົມຂຶ້ນໄປ (ປໍ 5) ທີ່ບໍ່ມີອາຊີບ ມາສະໝັກເຂົ້າຮຽນວິຊາຊີບຊັ້ນຕົ້ນ ລະດັບ1 (C1) ທີ່ວິທະຍາໄລເຕັກນິກ ແຂວງວຽງຈັນ ພາຍໃຕ້ໂຄງການ sstvet ສົກຮຽນ 2019-2020.

ในภาพอาจจะมี 2 คน, ผู้คนกำลังนั่ง

ຜູ້ອຳນວຍການ ວິທະຍາໄລ ເຕັກນິກ ແຂວງວຽງຈັນ ຂໍຖືເປັນກຽດແຈ້ງມາຍັງ ຊາວໜຸ່ມນັກຮຽນ ທີ່ຈົບປະຖົມຂຶ້ນໄປ ຊາບວ່າ: ວິທະຍາໄລພວກເຮົາມີແຜນດຳເນີນການຮຽນ-ການສອນ ຫຼັກສູດວິຊາຊີບຊັ້ນຕົ້ນ ລະດັບ1 (C1) ໄລຍະ 3 ເດືອນ  ( 4 ເດືອນ ໃນບາງສາຂາ) ໃນສາຂາຮຽນທີ່ວິທະຍາໄລເຕັກນິກແຂວງວຽງຈັນ ມີຄວາມພ້ອມດ້ານຕ່າງໆ.

ในภาพอาจจะมี ฝูงชน

ສະນັ້ນ, ທາງວິທະຍາໄລ ຈຶ່ງໄດ້ເປີດຮັບນັກຮຽນທີ່ຈົບປະຖົມຂຶ້ນໄປ ຈຳນວນ 160 ຄົນ ເຂົ້າຮຽນ ໃນ 7 ຂາຂາອາຊີບ ຄື: ສາຂາອາຊີບ ສ້ອມແປງ ແລະ ບຳລຸງຮັກສາເຄື່ອງເຢັນ ຈຳນວນ 30 ຄົນ ເຂົ້າຮຽນລະດັບ C1 (4 ເດືອນ); ເສີມສວຍ ຈຳນວນ 20 ຄົນ, ເຂົ້າຮຽນລະດັບ C1 (3ເດືອນ); ອອກແບບ ແລະ ຕິດຕັ້ງງານເຫຼັກ (ຊ່າງຈອດ) 25 ຄົນ ເຂົ້າຮຽນລະດັບ C1 (3ເດືອນ); ສ້ອມແປງລົດຈັກ 25 ຄົນ ເຂົ້າຮຽນລະດັບ C1 (3ເດືອນ); ຊ່າງກໍ່-ໂບກ 20 ຄົນ,ເຂົ້າຮຽນລະດັບ C1 (3ເດືອນ); ຊ່າງໄມ້ 20 ຄົນ, ເຂົ້າຮຽນລະດັບ C1 (3ເດືອນ); ປູກເຫັດ 20 ຄົນ, ເຂົ້າຮຽນລະດັບ C1 (3ເດືອນ).

ในภาพอาจจะมี หนึ่งคนขึ้นไป, ตาราง, สถานที่ในร่ม และ สถานที่กลางแจ้ง

ສຳລັບ ເງື່ອນໄຂຜູ້ສະໝັກ: ຊາວໜ່ມອາຍຸຕັ້ງແຕ່ 15 -35 ປີ ທີ່ຈົບປະຖົມຂຶ້ນໄປ, ບໍ່ມີວຽກເຮັດງານທຳ ລວມທັງຄູສັນຍາຈ້າງ ແລະ ອາສາສະໝັກໃນໂຮງຮຽນຕ່າງໆ; ມາພົວພັນເອົາແບບຟອມສະໝັກ ແລະ ສົ່ງແບບຟອມສະໝັກທີ່ວິທະຍາໄລເຕັກນິກແຂວງວຽງຈັນ ( ພະແນກວິຊາການ) ໃນໂມງລັດຖະການ ຫຼື ຕາມບັນດາຫ້ອງການສຶກສາທິການ ແລະ ກິລາ ເມືອງຕ່າງໆ.

ไม่มีคำอธิบายรูปภาพ

ເລີ່ມຮັບສະໝັກ ແຕ່ວັນທີ 3 ຫາ 21 ກຸມພາ 2020 ນີ້ ແລະ ເລີ່ມເປີດການຮຽນ-ການສອນ ໃນວັນທີ 2 ມີນາ 2020 ເປັນຕົ້ນໄປ; ສຳລັບຜູ້ທີມີຄວາມສົນໃຈ ແມ່ນສາມາດ ເຂົ້າໄປຕິດຕໍ່ພົວພັນ ໄດ້ທີ່ວິທະຍາໄລ ເຕັກນິກ ແຂວງວຽງຈັນ ຫຼື ສາມາດ ສອບຖາມໄດ້ທີ່ ເບີ 020  5575 2380 ແລະ 023 400152

ในภาพอาจจะมี หนึ่งคนขึ้นไป, ผู้คนกำลังนั่ง, รองเท้า และ สถานที่ในร่ม