ອຸຕຸເຕືອນມື້ນີ້ ຝົນຈະລົງມາອີກ ສະຫວັນ, ຄຳມ່ວນ ໜັກ

ອຸຕຸເຕືອນມື້ນີ້ ຝົນຈະລົງມາອີກ ສະຫວັນ, ຄຳມ່ວນ ໜັກ

26th October 2020 0 By Education

ເອົາໃຈຊ່ວຍພີ່ນ້ອງທາງສະຫວັນນະເຂດ ແລະ ແຂວງຄຳມ່ວນ ນ້ຳຖ້ວມໜັກຫາກໍ່ເລີ່ມຫບົກລົງ ພາຍຸໜ່ຳໃສ່ໃໝ່ ອຸຕຸເຕືອນມື້ນີ້ ພາຍຸດີເປຼຊັ່ນຈາກປະເທດຈີນໄດ້ອ່ອນກຳລັງລົງ ແລະມາປົກຄຸມປະເທດລາວ ເຊິ່ງຈະເຮັດໃຫ້ມີຝົນຕົກໜັກຕື່ມອີກຢູ່ສອງແຂວງທາງພາກກາງຄື ສະຫວັນນະເຂດ ແລະຄຳມ່ວນ.

ໂດຍພະຍາກອນອາກາດປະຈໍາວັນທີ 26 ຕຸລາ 2020 ແຈ້ງວ່າ: ພາຍຸດີເປຼຊັນໄດ້ອ່ອນກໍາລັງລົງກາຍເປັນຍ່ອມຄວາມກົດດັນອາກາດຕໍ່າທີ່ມີກໍາລັງປານກາງປົກຄຸມຢູ່ແຂວງພາກກາງ ແລະ ພາກໃຕ້, ແລະ ຄວາມກົດດັນສູງຂອງອາກາດເຢັນທີ່ປະເທດຈີນໄດ້ປົກຄຸມຢູ່ແຂວງພາກເໜືອຂອງປະເທດລາວ.

ພ້ອມດຽວກັນນີ້ ລົມຕາເວັນອອກ- ຕາເວັນອອກສ່ຽງເໜືອພັດປົກຄຸມເປັນສ່ວນໃຫຍ່, ຊຶ່ງຍັງຈະເຮັດໃຫ້ອາກາດເຢັນໃນຕອນເຊົ້້າຢູ່ທົ່ວໄປ ແລະ ຍັງມີຝົນຕົກໃນລະດັບຄ່ອຍ ແລະ ຕົກປານກາງ ຫາ ໜັກ ພ້ອມມີລົມພັດແຮງຢູ່ແຂວງພາກກາງ ແລະ ພາກໃຕ້.

ດັ່ງນັ້ນ, ຈຶ່ງຂໍແຈ້ງເຕືອນເຖິງປະຊາຊົນບັນດາເຜົ່າ ແລະ ອົງການປົກຄອງທ້ອງຖິ່ນ ທຸກພາກສ່ວນທີ່ອາໄສຢູ່ແຂວງ ພາກກາງເຊັ່ນ: ຄໍາມ່ວນ ແລະ ສະຫວັນນະເຂດ ຈົ່ງມີສະຕິລະມັດລະວັງຕໍ່ສະພາບຝົນຕົກໜັກ ແລະ ລົມພັດແຮງ ທີ່ຈະເຮັດໃຫ້ລະດັບນໍ້າສາຂາ ສືບຕໍ່ສູງຂຶ້ນຕື່ມອີກ ແລະ ຈະເຮັດໃຫ້ມີນໍ້າຖ້ວມຊຸ ແລະ ນໍ້າຖ້ວມອັ່ງ ພ້ອມນີ້ໃຫ້ຍົກຍ້າຍວັດຖຸສິ່ງຂອງ ແລະ ສັດລ້ຽງໄປໄວ້ບ່ອນທີ່ປອດໄພ ແລະ ຂໍໃຫ້ຕິດຕາມການແຈ້ງເຕືອນໄພຈາກກົມອຸຕຸນິຍົມ ແລະ ອຸທົກກະສາດ ຢ່າງຕໍ່ເນື່ອງ.