ເຕືອນໄພ! ຍິງໄວກາງຄົນເຈັບຕາ ແພດກວດພົບສິ່ງນີ້ຕົກຄ້າງໃນດວງຕາຈໍານວນຫຼາຍ…ໃຜມັກໃຊ້ຕ້ອງລະວັງ

ເຕືອນໄພ! ຍິງໄວກາງຄົນເຈັບຕາ ແພດກວດພົບສິ່ງນີ້ຕົກຄ້າງໃນດວງຕາຈໍານວນຫຼາຍ…ໃຜມັກໃຊ້ຕ້ອງລະວັງ

28th October 2020 0 By Education

ເວົ້າເລື່ອງຄວາມສວຍງາມ ແນ່ນອນເປັນຂອງຄູ່ກັບແມ່ຍິງຢູ່ແລ້ວ ແຕ່ທັງນີ້ທັງນັ້ນ ການເສີມແຕ່ງສິ່ງຕ່າງໆເຂົ້າມາໃນຮ່າງກາຍນັ້ນກໍ່ຕ້ອງເບິ່ງຕາມຄວາມເໝາະສົມ, ເສີມໄດ້ໃຫ້ປອດໄພ ແລະ ບໍ່ເປັນອັນຕະລາຍຕໍ່ຕົນເອງ ບໍ່ດັ່ງນັ້ນອາດເປັນດັ່ງສາວສູງໄວຄົນນີ້ ຍາມສາວມັກໃສ່ຄອນແທັກເລນ ຈົນເປັນເຫດໃຫ້ມັນຕົກຄ້າງໃນຕາມາດົນເຖິງ 35ປີ.

ເລື່ອງລາວທີ່ແອັດກໍາລັງຈະເວົ້າເຖິງນີ້ແມ່ນເກີດຂຶ້ນຢູ່ຕ່າງປະເທດ ແຕ່ເຫັນວ່າມັນເປັນເລື່ອງໃກ້ຕົວ ຈຶ່ງຢາກຍົກຂຶ້ນມາເປັນອຸທາຫອນເຕືອນຜູ້ມັກເສີມຄວາມງາມທັງຫຼາຍນໍາກັນ. ແຫຼ່ງຂ່າວເຜີຍວ່າ: ແພດຊາວອັງກິດໄດ້ທໍາການປິ່ນປົວດວງຕາ ຂອງຄົນໄຂ້ຍິງໄວ 67 ປີ ຄົນໜຶ່ງ ຫຼັງມີບັນຫາກ່ຽວກັບການເບິ່ງເຫັນ ໂດຍເມື່ອປາຍປີຜ່ານມາ ໄດ້ທໍາການຜ່າຕັດ ຕໍ້ກະຈົກຕາແກ້ຄົນໄຂ້ ແຕ່ປາກົດວ່າແພດຕ້ອງພົບກັບສິ່ງທີ່ບໍ່ຄາດຄິດ ເພາະມີຄອນແທັກເລນຕົກຄ້າງຢູ່ໃນດວງຕາເປັນຈໍານວນຫຼາຍຊິ້ນ.

ຄົນໄຂ້ຍິງລາຍນີ້ ເຂົ້າພົບແພດຍ້ອນມີບັນຫາສາຍຕາມົວ ຄ້າຍກັບຕາບອດສີ ເບື້ອງຕົ້ນລາວເຂົ້າໃຈວ່າອາດເປັນຍ້ອນອາຍຸຫຼາຍຂຶ້ນ ຈຶ່ງເຮັດໃຫ້ມີບັນຫາກ່ຽວກັບສາຍຕາຕາມໄວ ສໍາລັບກໍລະນີນີ້ ຫາກໍ່ໄດ້ຮັບການເປີດເຜີຍຈາກອົງກອນແພດຂອງອັງກິດ ຫາກຜ່າຕັດແລ້ວຈະມີຄວາມສ່ຽງເພີ່ມຫຼາຍຂຶ້ນ ແລະ ອາດເຮັດໃຫ້ເຖິງຂັ້ນຕາບອດໄດ້.

ຂໍ້ມູນໃຫ້ຮູ້ອີກວ່າ ໃນຕອນທີ່ໄປພົບແພດຄັ້ງທໍາອິດ ພົບຄອນແທັກເລນຕົກຄ້າງຢູ່ 17ຊິ້ນ ໃນລັກສະນະເປັນເມືອກລຽນຊັ້ນທັບກັນຢູ່ ກ່ອນທີ່ໃນເວລາຕໍ່ມາຈະພົບອີກ 10ຊິ້ນ ແພດຈຶ່ງທໍາການຄີບອອກມາ ເຄສແບບນີ້ແພດບໍ່ເຄີຍພົບມາກ່ອນ ແລະ ຖືເປັນເລື່ອງແປກທີ່ພົບຄອນແທັກເລນໃນດວງຕາຫຼາຍປານນີ້.

ທັ້ງນີ້, ຫຼັງຈາກການຄົ້ນພົບຈຶ່ງໄດ້ທໍາການເຊັກປະຫວັດຄົນໄຂ້ ກ່ອນພົບວ່າຜູ້ກ່ຽວໄດ້ສວມໃສ່ຄອນເແທັກເລນແບບໃຊ້ແລ້ວຖິ້ມມາຕະຫຼອດໄລຍະເວລາ 35ປີ ກ່ອນສາຍຕາຈະເລີ່ມມີບັນຫາໃນດ້ານການເບິ່ງເຫັນ ໂດຍສະເພາະດວງຕາເບື້ອງຂວາ ອີກທັ້ງຍັງຮູ້ສຶກເຈັບປວດເຂົ້າໃນເບົ້າຕາຢູ່ຕະຫຼອດ.