ລູກທໍລະພີ! ໃຊ້ກົນລວງຕົວະພໍ່ແມ່ໂອນເງິນໃຫ້ໄປທ່ຽວກັບແຟນ ເປັນເຫດເສົ້າ ພໍ່ຄິດໜັກຕ້ອງດັບຊີວິດຕົນເອງ

ລູກທໍລະພີ! ໃຊ້ກົນລວງຕົວະພໍ່ແມ່ໂອນເງິນໃຫ້ໄປທ່ຽວກັບແຟນ ເປັນເຫດເສົ້າ ພໍ່ຄິດໜັກຕ້ອງດັບຊີວິດຕົນເອງ

7th November 2020 0 By Education

ນັບວ່າເປັນເລື່ອງສຸດສະເທືອນໃຈຫຼາຍ ເມື່ອລູກໃນໄສ້ ກໍ່ເຫດສຸດບາບກໍາຕໍ່ພໍ່ແມ່ ຕົວະໃຫ້ພວກເພິ່ນໂອນເງິນໃຫ້ຫຼາຍລ້ານ ຈົນຜູ້ເປັນພໍ່ຄິດຫຼາຍ ຕັດສິນໃຈດັບຊີວິດຕົນເອງ.

ເລື່ອງລາວທີ່ແອັດກໍາລັງຈະກ່າວເຖິງນີ້ ແມ່ນເກີດຂຶ້ນຢູ່ທີ່ປະເທດໄທ ແຕ່ແອັດຢາກຍົກຂຶ້ນມາເປັນເລື່ອງເຕືອນສະຕິໄວລຸ້ນທັງຫຼາຍ ກ່ອນຈະເຮັດຫຍັງລົງໄປ ໂດຍສະເພາະການສ້າງເລື່ອງ ຕົວະພໍ່ແມ່ນັ້ນ ຄວນຄິດໃຫ້ດີກ່ອນ ເພາະມັນເປັນສິ່ງທີ່ສ້າງບາບກໍາໃຫ້ກັບຕົນເອງ ແລະ ທີ່ສໍາຄັນມັນອາດເຮັດໃຫ້ຕົນເອງສູນເສຍບຸກຄົນສໍາຄັນໃນຄອບຄົວໄປຕະຫຼອດການດັ່ງໄວລຸ້ນໄທຄົນນີ້ກໍ່ເປັນໄດ້.

ໂດຍລາຍການເລື່ອງເລົ່າເຊົ້ານີ້ ເຜີຍໃຫ້ຮູ້ວ່າ: ໄດ້ຮັບເລື່ອງຮ້ອງຮຽນຈາກແມ່ທ່ານໜຶ່ງ ຫຼັງຮັບຮູ້ວ່າລູກສາວຖືກໂຈນຈີ້ເອົາເງິນຢູ່ປໍ້ານໍ້າມັນແຫ່ງໜຶ່ງ, ດ້ວຍຄວາມເປັນຫ່ວງແມ່ຈຶ່ງໄດ້ໄປຖອນເງິນຈາກບັນຊີເພື່ອນໍາມາໃຫ້ລູກ ປາກົດວ່າບໍ່ພໍຄາວເກີດມີພິລຸດບາງຢ່າງ ຫຼັງລູກສາວກັບໄປທ່ຽວກັບແຟນຢ່າງສຸກສະບາຍ, ເຊິ່ງແມ່ເຮັດການໂອນເງິນໃຫ້ລູກຫຼາຍຄັ້ງ ລວມແລ້ວ 8ລ້ານບາດ.

ເຊິ່ງທາງຜູ້ເປັນພໍ່ເກີດຄວາມຄຽດ ຄິດຫຼາຍ ຈົນກໍ່ເຫດແຂວນຄໍດັບຊີວິດຕົນເອງ, ເມື່ອໄດ້ເງິນມາປະກັນມາ 6ແສນ ລູກສາວກໍ່ທໍາທ່າທີຂູ່ວ່າຈະຂ້າຕົວຕາຍ ແລະ ອ້າງວ່າໄປຕິດໜີ້ພະນັນບານ ທາງຜູ້ເປັນແມ່ຈຶ່ງໃຫ້ເງິນໄປອີກ ແຕ່ຍ້ອນພິລຸດຫຼາຍຢ່າງ ຜູ້ເປັນແມ່ກໍ່ໄດ້ໄປແຈ້ງຄວາມຈັບລູກສາວເອົາໄວ້ແລ້ວ.