ພະຄຸ້ມຄອງອີຫຼີໄດນີ້

ພະຄຸ້ມຄອງອີຫຼີໄດນີ້

9th November 2020 0 By Education

ເລື່ອງນີ້ເກີດຂຶ້ນຢູ່ປະເທດໄທ ເກີດອຸບັດເຫດລົດບັນທຸກ 22 ລໍ້ ບັນທຸກເບຍເຕັມຄັນກຳລັງເດີນທາງຈາກຈັງຫວັດປະທຸມທານີໄປຍັງຫາດໃຫຍ່ ແຕ່ໄດ້ໄປຂົນທ້າຍລົດ 10 ລໍ້ຫຍຸມໄປທັ້ງຄັນ ສະພາບລົດແຍກອອກເປັນ 3 ສ່ວນ ຫາກຄົນຂັບລົດບໍ່ໄດ້ຮັບບາດເຈັບເລີຍ ເຊື່ອວ່າແມ່ນພະທີ່ແຂວນຄໍຢູ່ຊ່ວຍໄວ້ແທ້ໆ.

ເຫດການເກີດຂຶ້ນໃນເວລາ 21:00 ຂອງວັນທີ 6 ພະຈິກ 2020 ນີ້ ເຊິ່ງອຸບັດຕິເຫດເປັນລົດ 22 ລໍ້ຊົນກັບ 10 ລໍ້ຢ່າງຮຸນແຮງຈົນຫົວລາກຂາດອອກຈາກຕົວພ່ວງລົ່ນລົງໄປຢູ່ໃນຮ່ອງກາງຂອງຖະໜົນ, ສ່ວນຫົວ ຫ້ອງຂັບຜູ້ໂດຍສານກະເດັນອອກຈາກຄັນລົດໄປຕົກກາງຖະໜົນເຊັ່ນກັນ, ຈາກນີ້ຍັງມີສ່ວນໂຕພ່ວງທີ່ບັນທຸກສິນຄ້າພັດລຸດພິກສະແຄງຢູ່ຂ້າງຖະໜົນ, ເບຍທີ່ບັນທຸກມາເຕັມຄັນນ້ຳໜັກ 32 ກິໂລແຕກກະແຈກກະຈາຍຢູ່ເຕັມຖະໜົນ.

ທ້າວ ຈະເລີນທຳ ອາຍຸ 45 ປີ ຄົນຂັບລົດພ່ວງເລົ່າວ່າ: ມາຮອດຈຸດເກີດເຫດບໍຮູ້ເປັນຫຍັງເບິ່ງບໍ່ເຫັນທາງໜ້າຈິ່ງຊົນ 10 ລໍ້ຢ່າງແຮງຈົນກະເດັນອອກຂ້າງທາງເຂົ້າໄປໃນປ່າ ທັນໃດນັ້ນຕົນໄດ້ພະຍາຍາມບັງຄັບລົດ ແຕ່ເອົາບໍຢູ່ເນື່ອງຈາກນ້ຳໜັກຂອງເບຍຫຼາຍເກີນ ນີ້ເປັນເຫດໃຫ້ລົດເສຍຫຼັກແຕ່ລະສ່ວນແຍກສະລັກຫັກພັງໄປໝົດ ສ່ວນຕົນເອງເຊິ່ງເປັນຄົນຂັບກະເດັນໄປກັບສ່ວນຫົວແລະໂຊກດີບໍ່ໄດ້ຮັບບາດເຈັບໃດໆທັ້ງສິ້ນ.

ທ້າວຈະເລີນທຳເຊື່ອວ່າ: ທີ່ຕົນເອງໂຊກດີເທື່ອນີ້ອາດເປັນຍ້ອນບຸນປາລະມີຂອງພະສົມເດັດທີ່ຮ້ອຍຄໍຢູ່ຊ່ວຍຊີວິດໄວ້ ເຮັດໃຫ້ຕົນລອດໄດ້ຢ່າງວຸດວິດ ເພາະມາເບິ່ງສະພາບແລ້ວເປັນໄປໄດ້ຍາກທີ່ຈະລອດຊີວິດໄດ້ ເນື່ອງຈາກລົດເປ່ເພເສຍຫາຍເປັນເສດເຫຼັກໄປໝົດບໍ່ສາມາດໃຊ້ງານໄດ້ອີກແລ້ວ.