ໝົດສະພາບ! ໜຸ່ມສາຍາຕູ້ຄໍາເຄື່ອນທີ່ ຖືກສານຕັດສິນຈໍາຄຸກ 10ປີ ພ້ອມຍຶດຊັບທັງໝົດ ຍ້ອນເຫດນີ້

ໝົດສະພາບ! ໜຸ່ມສາຍາຕູ້ຄໍາເຄື່ອນທີ່ ຖືກສານຕັດສິນຈໍາຄຸກ 10ປີ ພ້ອມຍຶດຊັບທັງໝົດ ຍ້ອນເຫດນີ້

8th November 2020 0 By Education

ເມື່ອວັນທີ 6 ພະຈິກ 20 ທີ່ຜ່ານມາ ສຳນັກຂ່າວຕ່າງປະເທດ”ຫວຽດນາມ” ໄດ້ລາຍງານວ່າ ທ້າວຈັ່ນ ຫງ໊ອກຟຸກ ອາຍຸ 38 ປີ ຫຼື ຮູ້ກັນໃນນາມ phuc xo ເຊເລັບຊື່ດັງ ລະດັບມະຫາເສດຖີ ໄດ້ຖືກຄວບຄຸມຕົວຂື້ນສານສູງສຸດ ນະຄອນໂຮຈີມິນ ໃນຄະດີຄ້າຢາແດງຜິດກົດໝາຍ.

ຊຶ່ງທ້າວຈັ່ນ ເສດຖີຫນຸ່ມຊາວຫວຽດນາມນັ້ນເປັນຄົນມັກຄຳຫລາຍ ຈົນໄດ້ສາຍາ ຕູ້ຄຳເຄື່ອນທີ່ ເພາະເວລາໄປໃສມາໃສ ກໍ່ມີແຕ່ຄຳໃສ່ໄປເຕັມໄປຫມົດທັງຕົວ ມີສ້ອຍພ້ອມຈີ້, ແຫວນ, ກຳໄລແຂນ ລົດຈັກບິ໊ກໄບປະດັບມີແຕ່ຄຳເຕັມໄປຫມົດ ແລະ ຍັງປະດັບລົດຍົນເຫລືອງອາລ່າມທັງຄັນ ຊຶ່ງເຂົາມັກສະແດງໂອ້ອວດເທີງໂລກອອນລາຍ.

ຕອນນີ້ຖືກຈັບແລ້ວ

ຈົນໃນທີ່ສຸດເຈົ້າຫນ້າຕຳຫລວດສືບຮູ້ຊາບ ທ້າວຈັ່ນ ໄດ້ເຄື່ອນໄຫວຫຍຸ້ງກ່ຽວກັບສິ່ງຜິດກົດໝາຍກັບ, ທຸລະກິດທີ່ເຂົາເຮັດນັ້ນກໍ່ເປັນພຽງເຮັດບັງຫນ້າເທົ່ານັ້ນ ແຕ່ໃນເບື້ອງຫລັງໄດ້ມົ້ວສຸມກັບຢາແດງຜິດກົດໝາຍ ເຊິ່ງຕອນນີ້ ທ້າວຈັ່ນບໍ່ເຫລືອຫຍັງອີກແລ້ວ ແມ່ນແຕ່ວ່າຄຳຈັກສະລຶງ ກໍ່ບໍ່ມີແລ້ວ ຊັບສິນຕ່າງໆກໍ່ຖືກຍຶດ ແລະ ຕ້ອງມາຖືກສານຕັດສິນໃຫ້ນອນຄຸກອີກ 10 ປີ ອີກດ້ວຍ.

ຂໍ້ມູນຈາກ:ຂ່າວຕ່າງປະເທດ