ຕາມນີ້ເດີ້ພີ່ນ້ອງ! 5ເຫດຜົນ ທີ່ບໍ່ຄວນກັ້ນຕົດ ພ້ອມເຜີຍເຄັດລັບບໍ່ໃຫ້ຕົດສຽງດັງ ແລະ ມີກິ່ນເໝັນ

ຕາມນີ້ເດີ້ພີ່ນ້ອງ! 5ເຫດຜົນ ທີ່ບໍ່ຄວນກັ້ນຕົດ ພ້ອມເຜີຍເຄັດລັບບໍ່ໃຫ້ຕົດສຽງດັງ ແລະ ມີກິ່ນເໝັນ

16th November 2020 0 By Education

ຕົດ ເປັນເລື່ອງທໍາມະຊາດທີ່ບໍ່ວ່າໃຜກໍ່ມີ ແຕ່ການຕົດທີ່ບໍ່ຮູ້ບ່ອນ ບໍ່ຮູ້ເວລາ ເປັນຕົ້ນຕົດໃນລິບ ກາງບ່ອນປະຊຸມ ຫຼື ໃນສະຖານທີ່ແອອັດ ກໍລະນີເຫຼົ່ານີ້ກໍ່ອາດສ້າງຄວາມເດືອດຮ້ອນໃຫ້ແກ່ຜູ້ອື່ນໄດ້.

ໂດຍສະເລ່ຍແລ້ວ ຄົນເຮົາຈະມີການປ່ອຍລົມອອກທາງກົ້ນ ຫຼື ຕົດ ມື້ລະ 15ຄັ້ງ ຫຼື ອາດຫຼາຍກວ່າເຖິງ 40ຄັ້ງຕໍ່ມື້ເລີຍກໍ່ມີ ເຊິ່ງການຕົດຖືວ່າເປັນອີກຂະບວນການກໍາຈັດຂອງເສຍອອກຈາກຮ່າງກາຍອີກວິທີໜຶ່ງ ເຊິ່ງຖ້າທ່ານຕົດ ຂໍໃຫ້ຮູ້ໄວ້ວ່າ ທ່ານເປັນຄົນສຸຂະພາບດີ ບໍ່ມີບັນຫາເລື່ອງລະບົບການຍ່ອຍ ແລະ ການຂັບຖ່າຍ ຫາກຕັ້ງແຕ່ເກີດມາ ທ່ານບໍ່ເຄີຍຕົດແມ່ແຕ່ຄັ້ງດຽວ ກໍ່ບໍ່ແມ່ນເລື່ອງທີ່ໜ້າຄິດພໍປານໃດ ແຕ່ແນວໃດກໍ່ຕາມ ມື້ນີ້ແອັດມິນສຶກສາ-ໄອທີ ຈະນໍາສະເໜີ 5ເຫດຜົນທີ່ທຸກຄົນບໍ່ຄວນອັ້ນຕົດ ມາໃຫ້ຮູ້ນໍາກັນ.

1 ເມື່ອທ່ານບັງຄັບຕົນເອງໃຫ້ອັ້ນລົມໄວ້ ຮ່າງກາຍຈໍາເປັນທີ່ຈະຕ້ອງດູດຊັບກາສເສຍເຫຼົ່ານັ້ນເຂົ້າໄປອີກຮອບ ແລະ ປ່ຽນມາອອກທາງປາກ ແລະ ດັງຂອງທ່ານແທນ.

2 ອັ້ນຕົດດົນອາດເຮັດໃຫ້ເຈັບທ້ອງໄດ້ ເນື່ອງຈາກມີການເກັງຂອງກ້າມເນື້ອນ້າທ້ອງ ອາດເຮັດໃຫ້ທ່ານເກີດອາການເຈັບພາຍໃນຊ່ອງທ້ອງ ແລະ ເຮັດໃຫ້ອາຫານພາຍໃນກິເພາະຍ່ອຍຍາກຂຶ້ນ.

3 ການຕົດຈະຊ່ວຍລົດຄວາມດັນໃນລໍາໄສ້ ເຊິ່ງການອັ້ນຕົດ ອາດຈະເຮັດໃຫ້ລໍາໄສ້ເກີດການບີບຕົວຢ່່າງໜັກ ແລະ ນໍາໄປສູ່ໂລກລິດສີດວງທະວານ

4 ການອັ້ນຕົດຈະເຮັດໃຫ້ທ່ານທ້ອງອືດ ແລະ ຮູ້ສຶກອຶດອັດ ເຊິ່ງອາການເຫຼົ່ານີ້ ອາດເຮັດໃຫ້ທ່ານເສຍຄວາມໝັ້ນໃຈ ແລະ ຮູ້ສຶກບໍ່ລ່າເລີງໃນການໃຊ້ຊີວິດປະຈໍາວັນ.

5 ກິ່ນຕົດສາມາດບອກອາການປ່ວຍຂອງຮ່າງກາຍໄດ້ ເຊັ່ນອາການປ້ວຍຈາກອາຫານເປັນພິດ ຫຼື ສຸຂະພາບຂອງລະບົບຍ່ອຍອາຫານ ເຊັ່ນ ການຕົດທີ່ມີສຽງດັງ ແລະ ກິ່ນເໝັນອາຫານທີ່ບໍ່ໄດ້ຮັບການຍ່ອຍເທົ່າທີ່ຄວນ ຫຼື ຮູ້ສຶກເຈັບເວລາຕົດນັ້ນຫຼາຍຄວາມວ່າທ່ານຄວນໄປປຶກສາແພດກ່ຽວກັບລະບົບທາງເດີນອາຫານແລ້ວນັ້ນເອງ.

ແນວໃດກໍ່ຕາມ ສໍາລັບໃຜທີ່ບໍ່ຢາກຕົດສຽງດັງ ແລະ ມີກິ່ນເໝັນເຮົາມີເຄັດລັບງ່າຍໆມາຝາກກັນ ນັ້ນກໍ່ຄື: ການຫຼີກລ່ຽງດຄື່ອງດື່ມທີ່ມີສ່ວນປະສົມຂອງຄາບໍເນດ ເຊັ່ນນໍ້າອັດລົມ ແລະ ໂຊດາ; ຄ້ຽວອາຫານມຫ້ລະອຽດ ແລະ ຊ້າລົງເພື່ອຊ່ວຍໃຫ້ກະເພາະ ແລະ ລໍາໄສ້ບໍ່ຕ້ອງເຮັດວຽກໜັກ; ຮັບປະທານເມນູທີ່ມີກາກໃຍອາຫານເຊັ່ນ ກ້ວຍ, ມັນຝຣັ່ງ, ໝາກກ້ຽງ ເຫຼົ່ານີ້ເປັນຕົ້ນ ເນື່ອງຈາກອາຫານເຫຼົ່ານີ້ສາມາດເຮັດໃຫ້ກິ່ນຕົດຂອງເຮົາເບົາບາງລົງໄດ້.

ນອກຈາກນີ້ ແມ່ນຫຼີກລ່ຽງ ການນໍາເອົາລົມເຂົ້າຮ່າງກາຍເຊັ່ນ ຄ້ຽວຊິງໂກມດ ກິນໄວ, ທັງວກິນທັງເວົ້າ, ສູບຢາ, ພ້ອມນີ້ກໍ່ໃຫ້ຫຼຸດປະລິມານເນື້ອສັດ ແລະ ເພີ່ມການກິນຜັກ ແລະ ໝາກໄມ້ ພະຍາຍາມຖ່າຍໜັກທຸກເຊົ້າ ເພື່ອກໍາຈັດຂອງເສຍ ຈະສາມາດຊ່ວຍຫຼຸດຄວາມເໝັນຂອງກິ່ນຕົດໄດ້.