ເຊື່ອມສຳພັນສອງຄອບຄົວໃໝ່ ແອັບເປີ້ນໃບເຕີຍ

ເຊື່ອມສຳພັນສອງຄອບຄົວໃໝ່ ແອັບເປີ້ນໃບເຕີຍ

19th November 2020 0 By Education

ເມື່ອບັນດາຄົນບັນເທິງຕ່າງຄົນຕ່າງໄປມີຄອບຄົວ ເລີ່ມອອກແມ່ແຜ່ລູກກໍ່ຕ້ອງມີການເຫີ່ລູກເປັນທຳມະດາ ແລະທີ່ສຳຄັນກວ່ານັ້ນ ຜູ້ທີ່ເປັນພໍ່ແມ່ກໍ່ພາລູກໆໄປພົບໜ້າພໍ້ຕາກັນ ສານສຳພັນກັນແຕ່ຍັງນ້ອຍໆເປັນການເປີດຫູເປີດຕາແອນ້ອຍໃຫ້ຮູ້ຈັກການຢູ່ກັບສັງຄົມແຕ່ນ້ອຍອີກດ້ວຍ.

ເຊິ່ງແອັບເປີ້ນສາວລາວທີ່ໄປແຕ່ງງານຢູ່ເມືອງໄທກໍ່ເຮັດໜ້າທີ່ເຊື່ອມສຳພັນໄດ້ດີ ແຕ່ຕອນຈູນີ່(ລູກສາວກົກ)ຂອງແອັບເປີ້ນເກີດຈົນໃຫຍ່ກໍ່ມີເຫຼົ່າຄົນບັນເທິງທະຍອຍເດີນທາງເຂົ້າໄປຢ້ຽມບໍ່ຂາດສາຍ ຫຼັງຈາກນັ້ນ ສາວແອັບເປີ້ນກັບໜຸ່ມຟລຸກກໍ່ເດີນໜ້າຢ້ຽມຢາມໝູ່ເພື່ອນຄົນໃນເວດວົງດຽວກັນ ເພື່ອເພີ່ມຄວາມຮູ້ຈັກຮັກແພງໃຫ້ແໜ້ນແຟ້ນຍິ່ງຂຶ້ນ.

ຫຼ້າສຸດນີ້ ສາວແອັບປໍເປິ້ນກັບໜຸ່ມຟລຸກກໍ່ໄດ້ໄປຢ້ຽມຢາມນ້ອງເວດມົນ ລູກສາວ ສຸດທີ່ຮັກຂອງ ໃບເຕີຍອາສະຫຍາມ ຫຼັງຈາກທີ່ກ່ອນໜ້ານີ້ ໃບເຕີຍກັບດີເຈແມນໄດ້ພາເວດມົນໄປຢ້ຽມເອື້ອຍຈູນີ່ແຕ່ຢູ່ໃນທ້ອງແລ້ວ.

ຮັກໆກັນໄວ້ແຕ່ຍັງນ້ອຍນີ້ແລລູກເອີຍ