ໜຸ່ມພິການທາງສາຍຕາສູ້ຊີວິດເປີດທຸລະກິດທີ່ບ້ານເກີດ

ໜຸ່ມພິການທາງສາຍຕາສູ້ຊີວິດເປີດທຸລະກິດທີ່ບ້ານເກີດ

20th November 2020 0 By Education

ທ້າວ ຢາງເຫວີ່ຍເປັນຄົນໃນໝູ່ບ້ານຈູສືຕັງ ມົນທົນຫູໜານ ເຊິ່ງເປັນໂລກຈໍຕາມີສານສີມາແຕ່ກຳເນີດ ຈິ່ງມີບັນຫາເລື່ອງການເບິ່ງເຫັນ ເກືອບຈະເວົ້າໄດ້ວ່າເປັນຄົນຕາບອດ ແຕ່ຊີວິດຕ້ອງກ້າວເດີນຕໍ່ໄປ ຊາຍໜຸ່ມຈິ່ງຕັດສິນໃຈອອກໄປຫາວຽກຕ່າງຖິ່ນເຮັດເປັນເວລາ 10 ປີ.

ວັນເວລາຜ່ານໄປ ໃນປີ 2011 ຢາງເຫວີ່ຍໄດ້ກັບຄືນມາບ້ານເກີດ ເວລານັ້ນຊີວິດການເປັນຢູ່ຂອງຄອບຄົວແມ່ນທຸກຍາກຫຼາຍ ເພາະແມ່ຂອງລາວເປັນມະເຮັງມາຫຼາຍປີແລ້ວ ພໍ່ກໍ່ມີບັນຫາກັບຂາໄປມາບໍ່ສະດວກ  ດັ່ງນັ້ນ, ຢາງເຫວີ່ຍຈິ່ງ ຄິດວ່າຕ້ອງລົງທຶນລອງເຮັດທຸລະກິດເປັນຂອງຕົນເອງຢູ່ບ້ານເກີດຈິ່ງສາມາດເບິ່ງແຍງພໍ່ແມ່ໄດ້.

ຢາງເຫວີ່ຍໃຊ້ເງິນເບື້ອງຕົ້ນ 20 ພັນຢວນ ບວກກັບເງິນອີກ 50 ພັນຢວນທີ່ໄປກູ້ຢືມຈາກທະນາຄານມາ ລວມໆກໍ່ປະມານ 100 ລ້ານ ເປີດຟາມລ້ຽງສັດປີກຮ່ວມກັບພໍ່ ແລະນ້ອງຊາຍ ແຕ່ເນື່ອງຈາກບໍ່ມີຄວາມຮູ້ພຽງພໍຈິ່ງຕ້ອງປະສົບຄວາມລົ້ມເຫຼວ ແລະມີໜີ້ສິນຕິດຕົວຫຼວງຫຼາຍ.

ເຖິງຈະເປັນໜີ້ຈຳນວນບໍ່ໜ້ອຍແຕ່ຢາງເຫວີ່ຍກໍ່ບໍ່ທໍ້ແທ້ ຈິ່ງພະຍາຍາມສູ້ຊີວິດຕໍ່ໄປຈົນປີ 2015 ທາງການໄດ້ສົ່ງຕົວຢາງເຫວີ່ຍ ແລະເພື່ອນບ້ານໄປຮຽນຮູ້ເຕັກນິກການລ້ຽງໄກ່ ຫຼັງຈາກນັ້ນໝູ່ທີ່ຮຽນນຳກັນໄດ້ອອກທອນຊຶ້ໄກ່ 1000 ໂຕໃຫ້ຢາງເຫວີ່ຍເອົາມາລ້ຽງ ແລະຊ່ວຍຈັດການເລື່ອງການຂາຍ.


ຢາງເຫວີ່ຍ ອາໄສປະສົບການຂອງຕົນສົມທົບກັບຄວາມຮູ້ທີ່ໄດ້ຮ່ຳຮຽນມາເພີ່ມເຕີມ ເຮັດໃຫ້ປາຍປີ 2015 ລາວໄດ້ຮັບກຳໄລກ້ອນທຳອິດເປັນເງິນ 10 ພັນຢວນ ເຖິງເປັນຈຳນວນທີ່ບໍ່ຫຼາຍ ແຕ່ເປັນກຳລັງທີ່ດີສຸດໃຫ້ລາວໄດ້ສູ້ຕໍ່ໄປ ປີຕໍ່ມາລາວໄດ້ເພີ່ມຈຳນວນສັດປີກໃນຢາມອີກ ປະຈຸບັນຢາມຂອງລາວມີໄກ່ 5.000 ກວ່າໂຕ ແລະເປັດອີກ 100 ກວ່າໂຕ ມີກຳໄລສຸດທິຢູ່ທິຕໍ່ປີບໍ່ຕ່ຳກວ່າ 60.000 ຢວນ.

ອັນສຳຄັນລາວໄດ້ກາຍເປັນຕົວແບບໃຫ້ກັບອີກຫຼາຍໆຄົນ ໂດຍສະເພາະຜູ້ພິການໃນການບຸກເບີກທຸລະກິດເປັນຂອງໂຕເອງ ຢາງເຫວີ່ຍຍັງມີຄວາມຫວັງວ່າ ຈະຂະຫຍາຍຟາມໃຫ້ກວ້າງອອກ ພ້ອມເປີດເປັນສະຖານທີ່ຕ້ອນຮັບນັກທ່ອງທ່ຽວ ລາວບອກວ່າ ຂ້ອຍບໍ່ຮູ້ມື້ອື່ນຂ້ອຍຈະສາມາດມືນຕາເບິ່ງໂລກໄດ້ຫຼືບໍ ແຕ່ຂ້ອຍຢາກໃຊ້ຄວາມພະຍາຍາມຂອງຕົນລ້ຽງຄອບຄົວ ແລະຮ່ວມເປັນສ່ວນໜຶ່ງໃນການຕອບແທນສັງຄົມ.