ສອງເຖົ້າສຸດໂຊກຮ້າຍ ມອບເຮືອນໃຫ້ລູກຊາຍຊາຍຫຼັງແຕ່ງງານ ເມື່ອລູກຊາຍເສຍ ລູກໃພ້ເຮັດເສັ້ນຍຶດເຮືອນເປັນຂອງຕົນເອງທັນທີ

ສອງເຖົ້າສຸດໂຊກຮ້າຍ ມອບເຮືອນໃຫ້ລູກຊາຍຊາຍຫຼັງແຕ່ງງານ ເມື່ອລູກຊາຍເສຍ ລູກໃພ້ເຮັດເສັ້ນຍຶດເຮືອນເປັນຂອງຕົນເອງທັນທີ

21st November 2020 0 By Education

ມື້ນີ້ແອັດມີເລື່ອງເລົ່າສຸດສະເທືອນໃຈມາເຜີຍແຜ່ໃຫ້ຟັງ ຂອງຄູ່ຜົວເມຍເຖົ້າຕ້ອງມາທົນທຸກຫຼັງລູກຊາຍເສຍຊີວິດ ເຮືອນທີ່ເຄີຍຢູ່ຕົກເປັນຂອງລູກໃພ້ ຈາກເຈົ້າຂອງເຮືອນຕ້ອງກັບກາຍເປັນສ່ວນເກີນທັນທີ.

ຍິ່ງຕໍ່ມາຜູ້ເປັນລູກໃພ້ມີຜົວໃໝ່ ບໍ່ວ່າຈະເຮັດຫຍັງກໍ່ຂັດຫູຂັດຕາໄປໝົດ ຖືກຈົ່ມດ່າເລື່ອງຄ່າເຂົ້າຄ່ານໍ້າຄ່າໄຟ ຈົນອຶດອັດ ຢາກຫາທາງອອກໃນບັ້ນປາຍຊີວິດ ອີກໃຈໜຶ່ງກໍ່ຫ່ວງຄູ່ຊີວິດ ຫາກໃຜຄົນໜຶ່ງເປັນຫຍັງໄປອີກຄົນຈະຊີວິດຢູ່ແບບໃດ ຕ້ອງຖືກປ່ອຍປະລະເລີຍແນ່ນອນ.

ໂດຍເລື່ອງລາວນີ້ ຖືກນໍາມາເຜີຍແຜ່ບອກເລົ່າຜ່ານຄວາມຄິດເຫັນໜຶ່ງເທິງເຟສບຸກ ພໍ່ເຖົ້າໄວກະສຽນເຂົ້າມາເລົ່າຊີວິດຂອງຕົນກັບຜູ້ເປັນເມຍ ຫຼັງຍົກເຮືອນໃຫ້ກັບລູກຊາຍທີ່ສ້າງຄອບຄົວແລ້ວ ແຕ່ວ່າບໍ່ດົນລູກກັບມາເສຍຊີວິດໄປ ເຮືອນຈຶ່ງຕົກເປັນຂອງລູກໃພ້ ພໍ່ແມ່ຜູ້ເປັນຜົວກາຍເປັນຜູ້ຢູ່ອາໄສ ຊໍ້າຮ້າຍຖືກຈົ່ມວ່າບໍ່ເວັ້ນໃນແຕ່ລະມື້ຈົນອຶດອັດ.

ແນວໃດກໍ່ຕາມ ເລື່ອງລາວທີ່ແອັດນໍາມາເຜີຍແຜ່ນີ້ ພຽງຢາກນໍາມາເປັນອຸທາຫອນໃຫ້ກັບບັນດາພໍ່ແມ່ຜູ່ຄິດຈະໂອນຊັບສິນໃດໃຫ້ລູກຫຼັງແຕ່ງງານຕ້ອງສຶກສາ ແລະ ຄິດໃຫ້ຖີ່ຖ້ວນ, ທັງນີ້ກໍ່ຝາກເປັນຂໍ້ຄິດເຕືອນໃຈເຖິງລູກຊາຍລູກສາວ, ລູກເຂີຍລູກໃພ້ ຜູ້ຈະລ້ຽງດູພໍ່ແມ່ຜູ່ຍ່າໃນຍາມເຖົ້າ ໃຫ້ຖືເອົາເລື່ອງນີ້ເປັນສິ່ງເຕືອນໃຈ ຢ່າລືມຄິດເຫັນຄວາມຮູ້ສຶກຂອງພວກເພິ່ນ.

ໝາຍເຫດ: ຮູບໃນຂ່າວເປັນພຽງພາບປະກອບເທົ່ານັ້ນບໍ່ມີສ່ວນກ່ຽວຂ້ອງກັບເນື້ອໃນຂ່າວ