ແຈ້ງເຕືອນ! ລະວັງຖືກຕົ້ມເປັນຕຳຫຼວດ ຕມ

ແຈ້ງເຕືອນ! ລະວັງຖືກຕົ້ມເປັນຕຳຫຼວດ ຕມ

25th November 2020 0 By Education

ປະຈຸບັນນີ້ຫຼາຍຜູ້ຫຼາຍຄົນກຳລັງດິ້ນຮົນກັບຊີວິດການຫາເງິນຫາຄຳ ໂດຍສະເພາະຄົນບ້ານເຮົາທີ່ມັກໄປຫາເຮັດວຽກຢູ່ຕ່າງປະເທດ ຢ່າງປະເທດໄທ ໃນຂະນະທີ່ທຸກປະເທດຍັງປິດດ່ານຢູ່ຫຼາຍຄົນຈິ່ງລັກໄປ ຫຼື ຢູ່ເກີນກຳນົດ ນັ້ນເປັນຊ່ອງວ່າງໃຫ້ກຸ່ມມິສາຊີບສວຍໂອກາດເຂົ້າໄປປິດຮຽກໄຖ່ເງິນໄດ້ງ່າຍ ກໍລະນີໃໝ່ນີ້ອ້າງໂຕເປັນຕຳຫຼວດ (ຕມ ປອມ).

ປະຈຸບັນຢູ່ລາຊະອານາຈັກໄທກຳລັງນຳຈັບກຸ່ມຊາຍທີ່ອ້າງຕົວເປັນຕຳຫຼວດກວດກາຄົນເຂົ້າ-ອອກເມືອງ(ຕມ) ເນື່ອງຈາກມີຜູ້ເສຍຫາຍຈຳນວນຫຼາຍເຂົ້າແຈ້ງຄວາມຫຼັງຕົກເປັນເຫຍື່ອຂອງກຖ່ມດັ່ງກ່າວ.

ຕາມຂ່າວລາຍງານມື້ນີ້ລະບຸວ່າ ໄດ້ເບາະແສກຸ່ມ ຕມ ປອມດັ່ງກ່າວຈາກຈັງຫວັດລະຢອງຂອງໄທ ເຊິ່ງມີການແບ່ງວຽກກັນຢ່າງຄັກແນ່ ເຮັດເປັນຂະບວນໃຫຍ່ ແຕ່ຕອນນີ້ຍັງຢູ່ລະຫວ່າງການຕິດຕາມນຳຈັບຢູ່ຈິ່ງແຈ້ງເຕືອນພໍ່ແມ່ປະຊາຊົນໃຫ້ມີສະຕິຢ່າຫຼົງເຊືື່ອໂດຍເດັດຂາດ.

ຮູບປະກອບຂ່າວ

 

ໂດຍເຫດການດັ່ງກ່າວສືບເນື່ອງມາຈາກກ້ອງວົງຈອນປິດແຫ່ງໜຶ່ງໃນລະຍອງບັນທຶກພາບໄດ້ຊາຍສະກັນ 6 ຄົນເຂົ້າກວດອອກເມືອງບຸກເຂົ້າກວດຄົ້ນຮ້ານພ້ອມຮຽເອົາເງິນເຈົ້າຂອງຮ້ານໃນວັນທີ 15 ພະຈິກຜ່ານມາ.

ຜູ້ເສຍຫາຍເລົ່າວ່າ ຂະນະເກີດເຫດໄດ້ມີຊາຍ 6 ຄົນຂັບລົດມາຈອດໜ້າຮ້ານ ແຕ່ງກາຍຄ້າຍຄືຕຳຫຼວດອ້າງຕົວເປັນຕຳຫຼວດກວດກາຄົນເຂົ້າອອກເມືອງມາຈາກສູນກາງ ຂໍກວດສອບລູກຈ້າງເຊິ່ງເປັນແຮງງານປະເທດເພື່ອນບ້ານ ກ່ອນຮຽກເອົາເງິນຈຳນວນ 20.000 ບາດ ແລກກັບການບໍ່ດຳເນີນຄະດີ ຕໍ່ມາຈິ່ງຮູ້ວ່າກຸ່ມນີ້ບໍ່ແມ່ນຕຳຫຼວດ ແລະນຳເອົາເລື່ອງໄປແຈ້ງຕໍ່ເຈົ້າໜ້າທີ່ຕຳຫຼວດ.

ຂ່າວຍັງລາຍງານອີກວ່າຫ່າງຈາກນັ້ນບໍ່ເທົ່າໃດແມັດໄດ້ເກີດເຫດຄ້າຍໆກັນ ໃນຮ້ານຂາຍນ້ຳກ້ອນແຫ່ງໜຶ່ງກຸ່ມຊາຍດັ່ງກ່າວອ້າງຕົວເປັນຕຳຫຼວດເຂົ້າໄປກວດຄົ້ນ ແລະຈັບແຮງງານຄົນໜຶ່ງຂຶ້ນລົດແລ້ວເອີ້ນເອົາຄ່າປ່ອຍຕົວຈາກເຈົ້າຂອງຮ້ານເພື່ອແລກກັບການປ່ອຍໂຕຄົນງານດັ່ງກ່າວ.

ຕາມລາຍງານຫຼ້າສຸດໃຫ້ຮູ້ວ່າ ຊາຍກຸ່ມດັ່ງກ່າວຖືກຈັບໄດ້ແລ້ວ 3 ຄົນ ພ້ອມສືບສວນຮູ້ວ່າ ພວກເພິ່ນຫາກິນແບບນີ້ມາດົນກວ່າ 2 ປີແລ້ວ, ເຈົ້າໜ້າທີ່ຈິ່ງແນະນຳໃຫ້ເຈົ້າສະຖານທີ່ລວມທັງແຮງງານເອງ ຫາກມີການເຂົ້າມາກວດລັກສະນະນີ້ອີກຖ້າບໍ່ໝັ້ນໃຈໃຫ້ຖາມຫາບັດປະຈຳຕົວ ແລະສິ່ງຢືນຢັນຕົວຕົນສາກ່ອນຈິ່ງໃຫ້ກວດຄົ້ນ.