ນໍ້າຕາໄຫຼຕາມ! ແມ່ເຖົ້າໄວ 91 ແຖມປ່ວຍເປັນໂລກຫົວໃຈ ສູ້ບໍ່ຖອຍ ຍ່າງເກັບເຄື່ອງເກົ່າຂາຍຫາລ້ຽງລູກພິການ

ນໍ້າຕາໄຫຼຕາມ! ແມ່ເຖົ້າໄວ 91 ແຖມປ່ວຍເປັນໂລກຫົວໃຈ ສູ້ບໍ່ຖອຍ ຍ່າງເກັບເຄື່ອງເກົ່າຂາຍຫາລ້ຽງລູກພິການ

23rd November 2020 0 By Education

ບາງຄັ້ງຫົນທາງເດີນທີ່ເອີ້ນວ່າເສັ້ນທາງຊີວິດຂອງແຕ່ລະຄົນອາດບໍ່ສວຍງາມ ຕ່າງຄົນຕ່າງມີວິທີການດໍາເນີນຊີວິດ ຫຼື ເລືອກທາງເດີນແຕກຕ່າງກັນ ຫຼື ບໍ່ສາມາດເລືອກໄດ້ເລີຍ ດັ່ງເລື່ອງລາວທີ່ຈະນໍາສະເໜີໃນມື້ນີ້ ຖືເປັນເລື່ອງລາວສ້າງຄວາມປະທັບໃຈໃຫ້ຊາວເນັດເປັນຈໍານວນຫຼາຍ ເມື່ອຜູ້ໃຊ້ເຟສບຸກຊື່ ອາລົງກອນ ພະຍັກບູລະພາ ໄດ້ເຜີຍແຜ່ເລື່ອງລາວທີ່ພົບເຈີແມ່ເຖົ້າຄົນໜື່ງຕ້ອງເກັບເຄື່ອງເກົ່າຂາຍ ທັ້ງທີ່ຕົນເອງເປັນໂລກຫົວໃຈ ແຕ່ທັງໝົດນີ້ກໍ່ເພື່ອຫາລ້ຽງລູກພິການ.

ໂດຍເຟສບຸກດັ່ງກ່າວເຜີຍເລື່ອງລາວໄວ້ວ່າ: ຜ່ານໄປໄກຫຼາຍແລ້ວ ແຕ່ຍັງດີທີ່ໄດ້ຕັດສິນໃຈກັບມາຫາແມ່ເຖົ້າ ຊື່ແມ່ເຖົ້າບຸນຊູ ອາຍຸ 91ປີ ເປັນໂລກຫົວໃຈ ຍູ້ລໍ້ເກັບເຄື່ອງເກົ່າໄປຂາຍ.

ໂດຍຜູ້ກ່ຽວໄດ້ຈອດລົດນັ່ງໂອ້ລົມກັບແມ່ເຖົ້າ ເຊິ່ງຂະນະທີ່ນັ່ງລົມກັນແມ່ເຖົ້າຍັງມີອາການຫາຍໃຈຫອບ ເພາະຫາກໍ່ໄດ້ຢຸດຍ່າງ ເຫັນແລ້ວສົງສານຈັບໃຈ ຈຶ່ງຕັດສິນໃຈແບ່ງປັນນໍ້າໃຈຕາມກໍາລັງທີ່ຕົນເອງມີໃຫ້ເພິ່ນ

ແນວໃດກໍ່ຕາມ ເມື່ອໂພສດັ່ງກ່າວຖືກເຜີຍແຜ່ອອກໄປ ກໍ່ມີຊາວເນັດເຂົ້າມາສະແດງຄວາມຄິດເຫັນສອບຖາມຫາບ່ອນຢູ່ຂອງແມ່ເຖົ້າ ເພື່ອຢາກນໍາເອົາເຄື່ອງຂອງໄປຊ່ວຍເຫຼືອ. ສິ່ງນີ້ມັນສະແດງໃຫ້ເຫັນເຖິງນໍ້າໃຈໄມຕີຈິດຂອງເພື່ອນຮ່ວມຊາດທີ່ມີຕໍ່ກັນ ເຊິ່ງຖືເປັນເລື່ອງທີ່ດີຫຼາຍ.