ລອດຕາຍປະຕິຫານ! ເດັກນ້ອຍຕົກຕຶກສູງ 12ແມັດ ແຕ່ບໍ່ເປັນຫຍັງຍ້ອນສິ່ງນີ້

ລອດຕາຍປະຕິຫານ! ເດັກນ້ອຍຕົກຕຶກສູງ 12ແມັດ ແຕ່ບໍ່ເປັນຫຍັງຍ້ອນສິ່ງນີ້

24th November 2020 0 By Education

ໃນວັນທີ 23 ພະຈິກ 2020 ທີ່ຜ່ານມາ ສໍານັກຂ່າວ ອີສທູເວທນິວ ລາຍງານໃຫ້ຮູ້ວ່າ: ເກີດປະຕິຫານ ເດັກຍິງໄວ 6ປີ ລອດຊີວິດຫຼັງຕົກລະບຽງສູງປະມານ 12ແມັດ ແຕ່ໂຊກດີທີ່ກອງຫິມະໜາຢູ່ລຸ່ມຊ່ວຍຮັບແຮງກະແທກ ເຮັດໃຫ້ເດັກຍິງຄົນນີ້ລຸກຂື້ນມາສັ່ນຫິມະອອກຈາກຄີງ ແລະ ຍ່າງກັບເຮືອນໄປຄືກັບບໍ່ມີຫຍັງເກີດຂຶ້ນ ທັ້ງທີ່ຮ່າງກາຍໄດ້ຮັບການກະທົບກະເທືອນ.

ກ້ອງວົງຈອນປິດ ບັນທຶກເຫດການເມື່ອຄໍ່າວັນທີ 22 ພະຈິກ 2020 ເດັກຍິງຕົກມາຈາກລະບຽງຊັ້ນ 4 ຂອງອາຕານແຟລຕ ຂະນະຢູ່ຕາມລໍາພັງ ປົກກະຕິຈະຢູ່ກັບແມ່ ແຕ່ມື້ເກີດເຫດແມ່ນແມ່ບໍ່ຢູ່ນໍາ.

ເດັກຍິງສວມເສື້ອສີຂາວ, ໂສ້ງຂາຍາວ ແລະ ຫຼອງເທົ້າ ບໍ່ເໜັງຕີງໃດໆ ຫຼັງພັດຕົກລົງມາທ່າມກາງອາກາດທີ່ມີອຸນຫະພູມຕໍ່າກວ່າຈຸດໜາວເຢັນ -6ອົງສເຊ ແຕ່ບໍ່ພຽງເທົ່າໃດວິນາທີ ເດັກຄົນນີ້ກໍ່ລຸກຂຶ້ນຍ່າງມາເອງໄດ້ ປີນຂ້າມຮົ້ວ ແລະ ຍ່າງກັບໄປຢ່າງຊ້າໆ ເພື່ອເປີດປະຕູອາຄານຫ້ອງພັກກັບຂຶ້ນຫ້ອງ.

ແນວໃດກໍ່ຕາມ ພົນລະເມືອງດີ ໂທແຈ້ງລົດສຸກເສີນ ມາຮັບເດັກຍິງຄົນນີ້ໄປສົ່ງໂຮງໝໍ ໄດ້ຮັບການປິ່ນປົວ 1ຄືນ ໃນຫ້ອງຜູ້ປ່ວຍໄອຊີຢູ ກ່ອນຍ້າຍມາຫ້ອງຜູ້ປ່ວຍທໍາມະດາ, ພາຍຫຼັງທີ່ແພດສາມາດປິ່ນປົວອາການບາດເຈັບຂອງເດັກນ້ອຍ ກັບມາຊົງຕົວໄດ້ ແຕ່ອັດສະຈັນຫຼາຍທີ່ກະດູກບໍ່ຫັກເລີຍ ເຖິງແມ່ນວ່າຈະຕົກມາຈາກບ່ອນສູງ 12 ແມັດ.