ຝຶກແອບຈີງຈັງ ກຽມສະແດງໃນວັນຊາດປີນີ້

ຝຶກແອບຈີງຈັງ ກຽມສະແດງໃນວັນຊາດປີນີ້

30th November 2020 0 By Education

 

ວັນຊາດທີ 2 ທັນວາ ວັນແຫ່ງການສະຖາປະນາເປັນປະເທດສາທາລະນະລັດປະຊາທິປະໄຕປະຊາຊົນລາວຢ່າງແທ້ຈິງຄົບຮອບ 45 ປີຈະຈະຍິ່ງໃຫຍ່ເປັນພິເສດ ໂດຍຕອນເຊົ້າວັນທີ 30 ພະຈິກ2020ຢູ່ສະຫນາມຝຶກຊ້ອມຮົບ ວິທະຍາຄານກົມມະດຳ ມີທ່ານບຸນຍັງ ວໍລະຈິດ ເລຂາທິການໃຫຍ່ຄະນະບໍລິຫານງານສູນກາງພັກ ປະທານປະເທດ, ການນຳຂັ້ນສູງພັກລັດ, ນາຍແລະພົນທະຫານ ພ້ອມດ້ວຍແຂກຖືກເຊີນທັງພາຍໃນແລະຕ່າງປະເທດໄດ້ເຂົ້າຮ່ວມພິທີຝຶກຊ້ອມຢ່າງພ້ອມພຽງ.

ພົນຈັດຕະວາ ພັນແສງ ບຸນພັນ ຫົວຫນ້າກົມອົບຮົມກົມໃຫຍ່ເສນາທິການກອງທັບຄະນະຮັບຜິດຊອບຊີ້ນຳຫັດແອບຊ້ອມຮົບໃຫ້ຮູ້ວ່າ: ການຈັດສະແດງຊ້ອມຮົບປະສານເລົ່າຍີງລູກປືນແທ້ໃນຄັ້ງນີ້ເພື່ອສະເຫລິມສະຫລອງວັນຊາດ ທີ2ທັນວາ ຄົບຮອບ 45ປີ ໃຫ້ມີບັນ ຍາກາດຟົດຟື້ນ,ເປັນການຢັ້ງຢືນຄືນໃນການຮັດແອບຂອງພະນັກງານນັກ ຮົບ,ຕີລາຄາການບັນຊາສູ້ຮົບຂອງນາຍທະຫານບັນຊາແຕ່ລະຂັ້ນໃຫ້ມີຄວາມຊຳນານ ທັງໃນພາກທິດສະດີແລະການປະຕິບັດຕົວຈີງ ແລະ ອື່ນໆ.

ສຳລັບລາຍການສະແດງຊ້ອມຮົບປະສານເລົ່າຍິງລູກປືນແທ້ໃນຄັ້ງນີ້ປະກອບມີ 8 ລາຍການຄື: ການຍີງປືນອາກາໃສ່ເປົ້າ ໝາຍ, ຍີງປືນສັ້ນຍີງຊາຍໃສ່ເປົ້າຈານເຫລັກໄລຍະ30ແມັດແລະ 100 ແມັດ, ການສະແດງຂອງກຳລັງສືບຂ່າວສະເພາະກິດສົມທົບກັບກຳລັງທະຫານປ້ອງ ກັນອາກາດ,ກຳລັງກອງຫລອນເຮັດຫນ້າທີ່ກອບກູ້ຊ່ວຍເຫລືອຕົວປະກັນ,ການນຳໃຊ້ກຳລັງຕີພິເສດດັບສູນສັດຕູຢູ່ສະຖານທີ່ພັກຊົ່ວຄາວ.

ຈີງຈັງຂຶງຂັງທຸກກ້ອນກຳລັງ

ການນຳໃຊ້ກຳລັງທະຫານປ້ອງ ກັນອາກາດໃຊ້ເຮືອບີນຮົບຍີງເປົ້າຫມາຍຈາກເທີງອາກາດລົງສູ່ຫນ້າດີນ,ການໃຊ້ລົດຫຸ້ມເກາະຍີງເປົ້າຫມາຍເທີງອາກາດ,ການນຳໃຊ້ກຳ ລັງທະຫານຮາບລົດຫຸ້ມເກາະບຸກໂຈມຕີຖານທີ່ຫມັ້ນຂອງສັດຕູ ແລະ ການສະແດງສວນສະຫນາມຂອງເຮືອບີນຮົບຈຳນວນ 16 ລຳ.

ຂອບໃຈຂ່າວ ແລະຮູບຈາກ: Lao National Radio