ຢ່າ​ຫາ​ທຳ! ດ່ານປິດຄິດລັກຂ້າມແດນ ຊາວລາວ 7 ຄົນ ຖືກຈັບ

ຢ່າ​ຫາ​ທຳ! ດ່ານປິດຄິດລັກຂ້າມແດນ ຊາວລາວ 7 ຄົນ ຖືກຈັບ

3rd December 2020 0 By Entertain

ວັນທີ 2 ທັນວາ 20 ເວລາປະມານ 14:00 ນາທີ ທີ່ຜ່ານມາ ເຈົ້າຫນ້າທີ່ຂອງໄທ ໄດ້ຈັບກຸມຕົວ ຊາວລາວ ທີ່ລັກລອບເດີນທາງເຂົ້າໄທໂດຍບໍ່ໄດ້ຮັບອະນຸຍາດ ໂດຍເດີນທາງຜ່ານເຂົ້າທາງທຳມະຊາດ ໂດຍນັ່ງເຮືອຫາງຍາວ ຂ້າມຈາກ ແຂວງສະຫວັນນະເຂດ ເດີນທາງເຂົ້າໃນພື້ນທີ່ ບ້ານນາສີນວນ ຕຳບົນສີນວນ ອຳເພີເມືອງມຸກດາຫານ (ໄທ)

.
ເຈົ້າຫນ້າທີ່ໄທ ຈັບໄດ້ທັງຫມົດ 7 ຄົນ ເປັນເພດຊາຍ 3 ຄົນ ຍິງ 4 ຄົນ ທັງຫມົດເປັນຊາວລາວ ເຈົ້າຫນ້າທີ່ຈຶ່ງໄດ້ຄວບຄຸມຕົວໄປຍັງສະຖານີເຮືອມຸກດາຫານ ແລະແຈກແມັດ ແລະ ວັດອຸນຫະພູມ ຄວາມຮ້ອນໃນຮ່າງກາຍເພື່ອກວດຫາໄຂ້


ຈາກການສອບສວນໃນເບື້ອງຕົ້ນ ຊາບວ່າກຸ່ມບຸກຄົນທີ່ຂື້ນເຮືອຫາງຍາວແມ່ນໄດ້ເດີນທາງມາຈາກຝັ່ງ ສະຫວັນນະເຂດ (ສປປ.ລາວ) ເຂົ້າຝັ່ງໄທ ເພື່ອຈະເດີນທາງໄປຈຸດຫມາຍປາຍທາງຄື ກຣຸງເທບມະຫານະຄອນ ໂດຍຈະມີຜູ້ຕິດຕໍ່ນຳລົດຕູ້ມາຮັບ ເພື່ອໄປສົ່ງທຳງານທີ່ ກຣຸງເທບ ຊຶ່ງກ່ອນຫນ້ານີ້ໄດ້ມີການຈ່າຍເງີນຄ່າເດີນທາງໃຫ້ກັບນາຍຫນ້າທີ່ຢູ່ຝັ່ງລາວ ເປັນເງີນ 4,700 ບາດ ເພື່ອນຳພາເຂົ້າໄປ ກຣຸງເທບ ຕາມທີ່ຕົກລົງກັນໄວ້ ແຕ່ມາຖືກຈັບເສຍກ່ອນ

.

ຊາວລາວທີ່ຖືກຈັບ ຄື:
1 ທ້າວພອນໄຊ ແກ້ວລຳພອນ ອາຍຸ 21 ປີ ເປັນພົນລະເມືອງ ບ້ານປ່າຫນາມ ເມືອງອຸທຸມພອນ ແຂວງສະຫວັນນະເຂດ
2ທ້າວບຸນເອື້ອ ສຸພະໄສ ອາຍຸ 25 ປີ ເປັນພົນລະເມືອງ ບ້ານປ່າຫນາມ ເມືອງອຸທຸມພອນ ແຂວງສະຫວັນນະເຂດ
3 ທ້າວດວງ ສີສຸກ ອາຍຸ 20 ປີ ເປັນພົນລະເມືອງ ບ້ານຜັກຂະສົ້ມປ່ອຍ ເມືອງໄກສອນພົມວິຫານ ແຂວງສະຫວັນນະເຂດ
4 ນາງພິດສະໄຫມ ລົດສຸລິນ ອາຍຸ 24 ປີ ເປັນພົນລະເມືອງ ບ້ານເຊໂນ ເມືອງອຸທຸມພອນ ແຂວງສະຫວັນນະເຂດ


5 ນາງນ້ອຍ (ບໍ່ຮູ້ນາມສະກຸນ) ອາຍຸ 20 ປີ ເປັນພົນລະເມືອງ ບ້ານພະລານໄຊ ເມືອງພະລານໄຊ ແຂວງສະຫວັນນະເຂດ.
6 ນາງນາງ(ບໍ່ຮູ້ນາມສະກຸນ) ອາຍຸ 40 ປີ ເປັນພົນລະເມືອງ ບ້ານພະລານໄຊ ເມືອງພະລານໄຊ ແຂວງ ສະຫວັນນະເຂດ.
7 ນາງບົວພັນ (ບໍ່ຮູ້ນາມສະກຸນ) ບໍ່ຮູ້ອາຍຸ ເປັນພົນລະເມືອງ ບ້ານປ່າຫນາມ ເມືອງອຸທຸມພອນ ແຂວງສະຫວັນນະເຂດ.

.

ເຈົ້າຫນ້າທີ່ຊຸດຈັບກຸມໄດ້ສອບສວນເບື້ອງຕົ້ນ ເພື່ອຫາຕົວຜູ້ຮ່ວມຂະບວນການ ພ້ອມຕັ້ງຂໍ້ຫາເຂົ້າເມືອງໂດຍຜິດກົດຫມາຍ ພ້ອມນຳສົ່ງໄປ ດ່ານກວດຄົນເຂົ້າເມືອງມຸກດາຫານ ເພື່ອທຳການກັກຕົວ ແລະດຳເນີນຄະດີຕາມກົດຫມາຍ ກ່ອນຈະຜັກດັນກັບປະເທດຕົ້ນທາງຕໍ່ໄປ.

ພີ່ນ້ອງລາວຈົງມີສະຕິ “ໂຄວິດຍັງບໍ່ຫມົດ ດ່ານຍັງບໍ່ເປີດ” ຈົງຢ່າຫລົງເຊື່ອນາຍຫນ້າ ເພາະທ່ານອາດຈະຖືກຈັບ ແລະ ຈະຖືກດຳເນີນຄະດີຕາມກົດຫມາຍ

ຈາກ​: ไล่ตามกระแสข่าว ลาว-ไทย