ດ່ວນ! ອິນເດຍ ພົບພະຍາດປະຫຼາດມາໃໝ່ບໍ່ຮູ້ທີ່ມາ ຕອນນີ້ມີຜູ້ເສຍຊີວິດແລ້ວ 1ຄົນ ຫຼັງເຂົ້າໂຮງໝໍໄດ້ພຽງ 1ມື້

ດ່ວນ! ອິນເດຍ ພົບພະຍາດປະຫຼາດມາໃໝ່ບໍ່ຮູ້ທີ່ມາ ຕອນນີ້ມີຜູ້ເສຍຊີວິດແລ້ວ 1ຄົນ ຫຼັງເຂົ້າໂຮງໝໍໄດ້ພຽງ 1ມື້

8th December 2020 0 By Education

ລັດຖະບານລັດອານທອນປະເທດອິນເກຍ ລາຍງານວ່າ ພື້ນທີ່ທາງຕອນໃຕ້ຂອງລັດອານທອນປະເທດ ໄດ້ເກີດສະຖານະການກ່ຽວກັບໂລກເຈັບປ່ວຍບາງຢ່າງ ສົ່ງຜົນໃຫ້ປະຊາຊົນຊາວອິນເດຍເສຍຊີວິດຢ່າງໜ້ອຍ 1ລາຍ ແລະ 500 ລາຍຖືກຫາມສົ່ງໂຮງໝໍເພື່ອປິ່ນປົວຢ່າງຮີບດ່ວນ.

ພະຍາດເຈັບປ່ວຍດັ່ງກ່າວ ຖືກພົບເຈີເປັນຄັ້ງທໍາອິດເມື່ອວັນທີ 5 ທັນວາ 2020 ທີ່ຜ່ານມາ ທີ່ເມືອງເກົ່າແກ່ມີຊື່ວ່າ Eluru ເຊິ່ງເປັນເມືອງທີ່ມີຊື່ສຽງດ້ານການຜະລິດສິນຄ້າດ້ວຍມືຂອງລັດອານທອນປະເທດ ຜູ້ປ່ວຍໃນເມືອງດັ່ງກ່າວມີອາການຕັ້ງແຕ່ປຸ້ນທ້ອງ ແລະ ສູນເສຍຄວາມຮູ້ສຶກ.

ສໍາລັບຜູ້ເສຍຊີວິດລາຍທໍາອິດເປັນເພດຊາຍ ອາຍຸ 45ປີ ໂດຍກ່ອນເສຍຊີວິດ ໄດ້ຖືກນໍາຕົວສົ່ງໂຮງໝໍ ມີອາການຄ້າຍເປັນພະຍາດບ້າໝູ ແລະ ອາການປຸ້ນທ້ອງຢ່າງຮຸນແຮງ ໃນທີ່ສຸດຊາຍຄົນດັ່ງກ່າວກໍ່ເສຍຊີວິດໃນວັນທີ 6 ທັນວາ.

ເຈົ້າໜ້າທີ່ສາທາລະນະສຸກພະຍາຍາມກວດສອບ ແລະ ຄົ້ນຫາສາເຫດຂອງອາການເຈັບປ່ວຍດັ່ງກ່າວ ດ້ວຍການເຂົ້າເກັບຕົວຢ່າງຂອງນໍ້າໃນພື້ນທີ່ທັງໝົດໃນເມືອງດັ່ງກ່າວ ເຊິ່ງບໍ່ພົບການຕິດເຊື້ອ ແລະ ບໍ່ພົບການລະບາດຂອງພະຍາດໂຄວິດ-19 ແຕ່ຢ່າງໃດ. ແນວໃດກໍ່ຕາມ ພະຍາດດັ່ງກ່າວທີ່ເກີດຂຶ້ນ ຍັງບໍ່ສາມາດຊາບສາເຫດໄດ້ ທີມແພດຕ້ອງສືບຄົ້ນຫາຕໍ່ໄປ ເພື່ອຊອກຫາວິທີປ້ອງກັນ ແລະ ປິ່ນປົວໃຫ້ທັນເວລາ.

ທີ່ມາ: Btimes