ສາມຫຼ່ຽມຄຳສຸ່ມກວດພະນັກງານທີ່ມີຄວາມສ່ຽງຕິດໂຄວິດ

ສາມຫຼ່ຽມຄຳສຸ່ມກວດພະນັກງານທີ່ມີຄວາມສ່ຽງຕິດໂຄວິດ

9th December 2020 0 By Education

ດັ່ງທີ່ຮູ້ນຳກັນແລ້ວວ່າ ປະຈຸບັນເມືອງຕົ້ນເຜິ້ງ ແຂວງບໍ່ແກ້ວແມ່ນໄດ້ມີການລັອກດາວໄປເປັນທີ່ຮຽບຮ້ອຍແລ້ວ ໃນນັ້ນ ເຂດເສດຖະກິດພິເສດສາມຫຼ່ຽມຄຳແມ່ນນອນຢູ່ໃນເມືອງຕົ້ນເຜິ້ງ ແລະເປັນຈຸດທີ່ມີຄົນເຂົ້າ-ອອກຫຼາຍ ຈິ່ງບໍ່ແປກທີ່ທີ່ນີ້ຈະເປັນຈຸດທີ່ມີຄວາມສ່ຽງ ແລະຕ້ອງເອົາໃຈໃສ່ເປັນພິເສດ.

ດັ່ງນັ້ນ, ເພຶ່ອເປັນການປ້ອງກັນ ແລະ ສະກັດກັ້ນໃນວັນທີ 9 ທັນວາ 2020, ອົງການອະນາໄມໂລກປະຈຳລາວ, ສູນວິເຄາະ ແລະ ລະບາດວິທະຍາ ພ້ອມດ້ວຍສາທາແຂວງ ແລະ ເມືອງໄດ້ເຂົ້າຊົມລະບົບການບໍລິຫານ,ການບໍລິການ,ມາດຕະການຄວບຄຸມ ແລະ ການກຽມພ້ອມຮອງຮັບຄົນເຈັບພະຍາດໂຄວິດ-19, ການປະສານງານກັບໂຮງໝໍລັດຂອງໂຮງໝໍສາກົນທິດຕາເວັນອອກລາວ (ໂຮງໝໍສາກົນສິງກະໂປ).

ທັງໝົດນີ້ແມ່ນເພື່ອຢາກສຸ່ມເກັບເອົາຕົວຢ່າງຈາກພະນັກງານທີ່ເຮັດວຽກໃນຄາສິໂນ ທີ່ເຫັນວ່າມີຄວາມສ່ຽງ ເຊັ່ນ: ພະນັກງານຮັບຕ້ອນ, ພະນັກງານຢາຍໄພ້, ຜູ້ເຮັດວຽກຢູ່ຫ້ອງອາຫານ, ກຳມະກອນ…ເພື່ອນຳສົ່ງໄປກວດຫາເຊື້ອພະຍາດໂຄວິດທີ່ ສູນວິເຄາະ ແລະ ລະບາດວິທະຍາ.

ແນວໃດກໍ່ຕາມ ສຳລັບຄົນພາຍໃນເຂດເສດຖະກິດພິເສດສາມຫຼ່ຽມຄຳມາຮອດປັດຈຸບັນແມ່ນຍັງບໍ່ມີຜູ້ຕິດເຊື້ອເທື່ອ.


ຂ່າວໂດຍ: ວາເລັນທາຍ ຍົດທະວົງ