ຂ່າວດີສຸດຂອງມື້ນີ້ ຂຶ້ນທາງດ່ວນຟຣີມີໄວ້ລໍຖ້າທ່ານຢູ່

ຂ່າວດີສຸດຂອງມື້ນີ້ ຂຶ້ນທາງດ່ວນຟຣີມີໄວ້ລໍຖ້າທ່ານຢູ່

11th December 2020 0 By Education

ຂອງຟຣີມີໜ້ອຍ ໂດຍສະເພາະສິ່ງທີາເພິ່ນສ້າງມາເພື່ອເກັບເງິນແລ້ວຈະປ່ອຍໃຫ້ຟຣີນີ້ບໍ່ຄ່ອຍມີປານໃດ ແຕ່ມື້ນີ້ມີຂ່າວດີຈາກທາງດ່ວນສາມາດຂຶ້ນຂີ່ຟຣີ ສຳຜັດກ່ອນໃຜໃນມື້ເພິ່ນເປັນບໍລິການຢ່າງເປັນທາງການ 20 ທັນວາ 2020.

ອີງຕາມແຈ້ງການຂອງຫ້ອງວ່າການສຳນັກງານນາຍົກໃນວັນທີ 11 ທັນວາ 2020 ນີ້ໃຫ້ຮູ້ວ່າ: ທ່ານນາຍົກລັດຖະມົນຕີໄດ້ຕົກລົງເຫັນດີໃຫ້ມີການເປີດນຳໃຊ້ເສັ້ນທາງດ່ວນວຽງຈັນ-ວັງວຽງຢ່າງເປັນທາງການໃນວັນທີ 20 ທັນວາ 2020 ທີ່ຈະມາເຖິງນີ້.

ໃນໄລຍະເປີດບໍລິການເສັ້ນທາງໃໝ່ນີ້ ທ່ານນາຍົກມີທິດຊີ້ນຳວ່າ ບໍ່ໃຫ້ເກັບຄ່າທຳນຽມເປັນເວລາ 3 ວັນລະຫວ່າງວັນທີ 21-23 ທັນວາ 2020 ເພື່ອເປັນການຊົດເຊີຍວັນຊາດທີ 2 ທັນວາຄົບຮອບ 45 ປີ ຕາມການສະເໜີຂອງກະຊວງແຜນການ ແລະການລົງທຶນ.

ໂດຍມອບໃຫ້ບັນດາພາກສ່ວນກ່ຽວຂ້ອງກໍ່ຄືກະຊວງແຜນການ ແລະການລົງທຶນ, ກະຊວງໂຍທາທິການ ແລະຂົນສົ່ງ, ກະຊວງການຕ່າງປະເທດ, ນະຄອນຫຼວງວຽງຈັນ ແລະແຂວງວຽງຈັນກຽມພ້ອມຮອບດ້ານເປີດນຳໃຊ້ໃຊ້ທາງດ່ວນຕາມກຳນົດເວລາທີ່ວ່ານີ້.