ບາບໄລ່ເວນທັນ! ໂຈນຫຍ້າມເກົ່າຫວັງກັບມາລັກເຄື່ອງອີກຮອບ ສຸດທ້າຍຖືກຈັບພ້ອມຂອງກາງ ຄາດບໍ່ເຖິງຊິເປັນຄົນໃກ້ຕົວ

ບາບໄລ່ເວນທັນ! ໂຈນຫຍ້າມເກົ່າຫວັງກັບມາລັກເຄື່ອງອີກຮອບ ສຸດທ້າຍຖືກຈັບພ້ອມຂອງກາງ ຄາດບໍ່ເຖິງຊິເປັນຄົນໃກ້ຕົວ

12th December 2020 0 By Education

ເວົ້າເລື່ອງຂີ້ລັກ ງັດແງະ ແນ່ນອນວ່າເຮົາຍັງພົບເຫັນຢູ່ຫຼາຍ ແລະ ມັນກາຍເປັນບັນຫາປະກົດການຫຍໍ້ທໍ້ອັນຊໍາເຮື້ອ ແກ້ບໍຕົກ ຍັງມີໂຈນມືຍາວ ຫຼອຍລັກເຄື່ອງຜູ້ຄົນຢູ່ເລື້ອຍໆ ດັ່ງເຫດການຫຼ້າສຸດທີ່ເກີດຂຶ້ນ ກໍ່ມີໂຈນຫຼອຍຂຶ້ນເຮືອນມາລັກເຄື່ອງ ແຖມເປັນຄົນບ້ານດຽວກັນອີກ.

LCN ຂ່າວສານ ລາວ-ຈີນ Lao China News ລາຍງານວ່າ: ຈັບໂຈນຂີ້ລັກ ຂ້າງບ້ານເປັນຄັ້ງທີ 2 ແລ້ວ ຟ້າມີຕາຄົນເຄີຍໄດ້ກະກັບມາລັກອີກ; ໃນວັນທີ່ 10 ທັນວາ 2020 ມີເຫດໂຈນເຂົ້າເຮືອນລັກເຄື່ອງ ຄາດວ່າໄດ້ເຂົ້າມາລັກຫຼາຍເທື່ອແລ້ວ ເທື່ອນີ້ເຈົ້າຂອງເຮືອນນັ່ງຖ້າຈັບໂຈນໂດຍນັ່ງເບີ່ງກ້ອງວົງຈອນປິດ ຈົນສາມາດຈັບໄດ້ ທີ່ບ້ານ ຮ່ອງຄ້າ ເມືອງຈັນທະບູລີ ນະຄອນຫຼວງວຽງຈັນ.

ໂດຍທີ່ເຈົ້າຂອງໄດ້ໂພສວ່າ : ຄົນເຄີຍໄດ້ມັນກະກັບມາອີກ, ຂີ້ລັກເຂົ້າເຮືອນເປັນຄັ້ງທີ2ແລ້ວ ພໍດີມື້ນີ້ຟ້າມີຕາຄິດວ່າຕ້ອງແມ່ນຄົນແຖວນີ້ມັນກະເປັນຄວາມຈິງ.

ເລື້ອງຂອງເລື້ອງກ່ອນຊິຈັບໄດ້ ອ້າຍຟີ້ລາວມາເຊັກກ້ອງຍ້ອນຫລັງຄືນເບີ່ງມື້ມັນມາລັກຄັ້ງແລກ
ແຕ່ບັງເອີນທ້າວຂີ້ລັກດັນເຂົ້າມາອີກຄັ້ງທີ2ພໍດີເຮົາເບີ່ງກ້ອງຢູ່ເລີຍຈັບໄດ້.