ອ້າວ ກໍານົດງານວັງວຽງເຟສອາທິດນີ້ ອາດບໍ່ເກີດ! ຫຼັງກະຊວງ ຖວທ ແຈ້ງໃຫ້ເລື່ອນງານໄປກ່ອນ

ອ້າວ ກໍານົດງານວັງວຽງເຟສອາທິດນີ້ ອາດບໍ່ເກີດ! ຫຼັງກະຊວງ ຖວທ ແຈ້ງໃຫ້ເລື່ອນງານໄປກ່ອນ

16th December 2020 0 By Education

ຜິດຫວັງໄປຕາມໆກັນ ສໍາລັບໃຜທີ່ກຽມພ້ອມຈະໄປຮ່ວມງານVangVieng fest 2020 ຫຼັງກະຊວງ ຖະແຫຼງຂ່າວວັດທະນະທໍາ ແລະ ທ່ອງທ່ຽວ ອອກແຈ້ງການໃຫ້ເລື່ອນການຈັດງານດັ່ງກ່າວອອກໄປກ່ອນ ເພາະມີຄວາມສ່ຽງສູງ ຕໍ່ການແຜ່ລະບາດຂອງພະຍາໂຄວິດ-19 ຈົນກວ່າຈະມີຄວາມພ້ອມ ແລະ ຮັບປະກັນຄວາມປອດໄພໄດ້.

ອີງຈາມແຈ້ງການຂອງກະຊວງຖະແຫຼງຂ່າວ ວັດທະນະທໍາ ແລະ ທ່ອງທ່ຽວ ສະບັບເລກທີ 452/ຖວທ, ລົງວັນທີ  16 ທັນວາ 2020 ເລື່ອງຄໍາເຫັນກ່ຽວກັບ ການຈັດງານ VangVieng fest 2020 ໃຫ້ຮູ້ວ່າ: ກ່ຽວກັບການຈັດງານ VangVieng fest 2020. ໂດຍອີງຕາມທິດຊີ້ນໍາຂອງຫ້ອງວ່າການສໍານັກງານ ນາຍົກລັດຖະມົນຕີ ແມ່ນເຫັນດີໃຫ້ເລື່ອນການຈັດງານ VangVieng fast 2020 ໄປກ່ອນເນື່ອງຈາກການຈັດງານດັ່ງກ່າວ ມີ ຄວາມສ່ຽງສູງຕໍ່ການແຜ່ລະບາດຂອງເຊື້ອພະຍາດໂຄວິດ-19; ເຊິ່ງໃນໄລຍະນີ້ພະຍາດດັ່ງກ່າວໄດ້ແຜ່ລະບາດເຂົ້າມາເຂດຊາຍແດນ ທາງພາກເຫນືອຂອງລາວ ແລະ ມີການແຜ່ລະບາດຢູ່ບັນດາປະເທດໃກ້ຄຽງ.

ສະນັ້ນ, ຈຶ່ງມອບໃຫ້ທາງແຂວງສົມທົບກັບ ບໍລິສັດ ສາມາດ ອີເວັ້ນ ອໍການາຍເຊີ ຄົ້ນຄວ້າເລື່ອນການຈັດງານໄປກ່ອນ ຈົນກວ່າຈະມີຄວາມພ້ອມ ແລະ ຮັບປະກັນຄວາມປອດໄພໄດ້. ດັ່ງນັ້ນ, ຈຶ່ງແຈ້ງການມາຍັງທ່ານ ເພື່ອຊາບ ແລະ ດໍາເນີນການຕາມທິດຊີ້ນໍາດັ່ງກ່າວດ້ວຍ.