ເຕືອນໄພຜູ້ໃຊ້ແກັສ! ສອງແມ່ລູກໄດ້ຮັບບາດເຈັບ ຫຼັງແກັສໃນເຮືອນຄົວລະເບີດ

ເຕືອນໄພຜູ້ໃຊ້ແກັສ! ສອງແມ່ລູກໄດ້ຮັບບາດເຈັບ ຫຼັງແກັສໃນເຮືອນຄົວລະເບີດ

18th December 2020 0 By Education

ນັບວ່າເປັນອີກເລື່ອງລາວທີ່ຄວນລະວັງ ໂດຍສະເພາະຜູ້ໃຊ້ແກັສເປັນວັດຖຸເຊື້ອເພີງແຕ່ງຢູ່ຄົວດິນພາຍໃນເຮືອນ ເພາະມັນເປັນວັດຖຸໄວໄຟ ຕ້ອງຮູ້ໃຊ້ໃຫ້ຖືກວິທີ ແລະ ລະມັດລະວັງເປັນຢ່າງຍິ່ງ ບໍ່ດັ່ງນັ້ນ ອາດໂຊກຮ້າຍຄືກັບສອງແມ່ລູກນີ້ ທີ່ໄດ້ຮັບບາດເຈັບຍ້ອນແກັສລະເບີດ.

ເຫດການທີ່ແອັດກ່າວມາຂ້າງເທິງແມ່ນເກີດຂຶ້ນທີ່ປະເທດໄທ ແຕ່ຍ້ອນເຫັນວ່າມັນເປັນເລື່ອງທີ່ໃກ້ຕົວແອັດເລີຍຢາກຍົກມາເຕືອນສະຕິຄົນລາວເຮົາ, ໂດຍເມື່ອເວລາປະມານ 11:50ໂມງ ເກີດເຫເດແກັສລະເບີດຢູ່ພາຍໃນເຮືອນຫຼັງໜຶ່ງທີ່ໝູ່ບ້ານຊີວາໂຮມ ຊອຍປະຊາອຸທິດ 90 ອໍາເພີພະສະມຸດເຈດີ ຈັງຫວັດສະມຸດປາການ ມີຜູ້ໄດ້ຮັບບາດເຈັບ 2ຄົນເປັນແມ່ ແລະ ເດັກ ອາສາກູ້ໄພເຂົ້າຊ່ວຍເຫຼືອ ພ້ອມນໍາສົ່ງໂຮງໝໍທັນທີ.

ຂະນະດຽວກັນ ເຄື່ອງຂອງພາຍໃນເຮືອນຖືກແຮງລະເບີດໄດ້ຮັບຄວາມເສຍຫາຍ ສ່ວນສາເຫດຢູ່ລະຫວ່າງການສອບສວນ ແລະ ໃຫ້ເຈົ້າໜ້າທີ່ພິສູດຫຼັກຖານເຂົ້າກວດສອບຄຸນນະພາບ.

ແນວໃດກໍ່ຕາມ ຂໍໃຫ້ຜູ້ໃຊ້ແກັສ ມີສະຕິລະວັງຕົວ ນໍາໃຊ້ຢ່າງລະມັດລະວັງ ຢ່າປະໝາດເດັດຂາດ.