ອຸບັດເຫດທາງດ່ວນອີກລາຍ! ດ້ານຜູ້ປະສົບເຫດເອງບອກ ທາງດ່ວນຕ້ອງຮັບປະກັນຄວາມປອດໄພກວ່ານີ້

ອຸບັດເຫດທາງດ່ວນອີກລາຍ! ດ້ານຜູ້ປະສົບເຫດເອງບອກ ທາງດ່ວນຕ້ອງຮັບປະກັນຄວາມປອດໄພກວ່ານີ້

24th December 2020 0 By Education

ເປັນກະແສທີ່ກໍາລັງມາແຮງຫຼາຍ ສໍາລັບເລື່ອງການເປີດນໍາໃຊ້ທາງດ່ວນ ໄດ້ພຽງບໍ່ເທົ່າໃດມື້ ກໍ່ມີຫຼາຍເລື່ອງຫຼາຍເຫດການເກີດຂຶ້ນ ບໍ່ວ່າຈະເປັນລົດຕິດຢູ່ທາງດ່ວນ ແລະ ອີກບັນຫາທີ່ບໍ່ເວົ້າເຖິງບໍ່ໄດ້ແມ່ນ ອຸບັດເຫດຈາກສັດລ້ຽງຂອງປະຊາຊົນ ທີ່ເຂົ້າມາໃນເຂດທາງດ່ວນ ຈົນເຮັດໃຫ້ຜູ້ສັນຈອນຫຼາຍຄົນອອກມາຕັ້ງຄໍາຖາມ ເຖິງຄວາມປອດໄພໃນເສັ້ນທາງດັ່ງກ່າວ.

ພາບປະກອບຂ່າວເທົ່ານັ້ນ

ຫຼ້າສຸດ, ຜູ້ໃຊ້ເຟສບຸກທ່ານໜຶ່ງທີ່ໄດ້ນໍາໃຊ້ເສັ້ນທາງດ່ວນວຽງຈັນ-ວັງວຽງ ກໍ່ໄດ້ອອກມາໂພສພາບລົດທີ່ເກີດອຸບັດເຫດພ້ອມຂໍ້ຄວາມກ່ຽວກັບເຫດການທີ່ເກີດຂຶ້ນ ເມື່ອວັນທີ 23 ທັນວາ 2020 ທີ່ຜ່ານມາ ວ່າ: ທາງດ່ວນ ລາວ-ຈີນ! ທາງດ່ວນຕ້ອງ(ຕ້ອງ)ຮັບປະກັນຄວາມປອດໄພກວ່ານີ້ ຕ້ອງບໍ່ມີງົວ ຕ້ອງບໍ່ມີສັດອື່ນໆມາເລາະຢູ່ຕາມທາງດ່ວນ.

ພາບປະກອບຂ່າວເທົ່ານັ້ນ

ມື້ວານເຫັນຢູ່ facebook ເຫັນມີຄົນເອົາຮູບງົວຢູ່ທາງດ່ວນລົງ ຄິດວ່າແມ່ນຮູບຕອນເຂົາກໍ່ສ້າງ ຈົນໄດ້ມາເຫັນດ້ວຍຕາໂຕເອງ ຈົນປະສົບອຸບັດຕິເຫດດ້ວຍຕົນເອງຈຶ່ງຮູ້ວ່າທີ່ເຂົາເອົາລົງນັ້ນແມ່ນຄວາມຈິງ. ໃຜຈະໄປບອກໃຫ້ຜູ້ລົງທຶນສ້າງທາງດ່ວນຕ້ອງປັບປຸງ? ບໍ່ເປັນຫຍັງຫຼາຍ ລົດເພ ແຕ່ໝາຕາຍ.