ປາດໂທ ອັນນີ້ມາໂຫດ! ໜຸ່ມໂຊເໜືອສວມວິນຍານຍອດນັກສືບ ຈັບຜິດແຟນສາວນອກໃຈດ້ວຍເງົາສະທ້ອນໃນດວງຕາ

ປາດໂທ ອັນນີ້ມາໂຫດ! ໜຸ່ມໂຊເໜືອສວມວິນຍານຍອດນັກສືບ ຈັບຜິດແຟນສາວນອກໃຈດ້ວຍເງົາສະທ້ອນໃນດວງຕາ

28th December 2020 0 By Education

ຖືວ່າເປັນອີກໜຶ່ງຂ່າວທີ່ກໍາລັງໄດ້ຮັບຄວາມສົນໃຈໃນໂລກອອນລາຍຫຼາຍໃນຕອນນີ້ ເມື່ອໃນຊ່ວງອາທິດທີ່ຜ່ານມາ ໄດ້ມີຜູ້ໃຊ້ ແອັບ tik tok ຊື່ @Samnunn4 ເປີດເຜີບວີດີໂອການຈັບຜິດແຟນນອກໃຈແບບສຸດລໍ້າ ຈົນມີໃຫ້ຄວາມສົນໃຈ ເຂົ້າເບິ່ງກວ່າ 8ແສນວິວ.

ໂດຍໃນຄລິບທີ່ຖືກນໍາມາເຜີຍແຜ່ນັ້ນ ເຫັນຜູ້ອັບຄລິບດັ່ງກ່າວກໍາລັງຖ່າຍພາບແຟນຂອງລາວລະຫວ່າງທີ່ນາງນອນຫຼິ້ນມືຖືຢູ່ເທິງຕຽງ ໂດຍຖືໂທລະສັບໃນມຸມທີ່ຝ່າຍຊາຍບໍ່ສາມາດເບິ່ງເຫັນໄດ້.

ແຕ່ເຖິງຢ່າງໃດກໍ່ຕາມ ດ້ວຍໄຫວພິບຂອງ @Samnunn4  ເຂົາກໍ່ຕັດສິນໃຈຊູມພາບເຂົ້າໄປໃນດວງຕາຂອງແຟນສາວ ຈົນເຫັນເງົາສະທ້ອນໜ້າຈໍໂທລະສັບ ແລະ ພົບວ່າ ສິ່ງທີ່ນາງກໍາລັງເຮັດຢູ່ນັ້ນ ບໍ່ແມ່ນການຫຼິ້ນເກມ ຫຼື ເລື່ອໂທລະສັບເບິ່ງຄລິບຫຼິ້ນແຕ່ຢ່າງໃດ ກົງກັນຂ້າມນາງກໍາລັງເບິ່ງພາບຜູ້ບ່າວ ໃນແອັບພລີເຄເຊິນຫາຄູ່ເດດຕ່າງຫາກ.

ໂດຍໃນຄລິບທີ່ຖືກເຜີຍແຜ່ນັ້ນ @Samnunn4  ໄດ້ຂຽນຄໍາບັນຍາຍໄວ້ວ່າ: ຂ້ອຍຄິດວ່າລາວກໍາລັງມ່ວນຢູ່ກັບການອົບເຂົ້າໜົມເສຍອີກ. ແນ່ນອນວ່າເມື່ອເລື່ອງລາວນີ້ຖືກເຜີຍແຜ່ອອກໄປ ກໍ່ມີຊາວເນັດຈໍານວນບໍ່ໜ້ອຍເລີຍທີ່ເຂົ້າມາສະແດງຄວາມຄິດເຫັນກ່ຽວກັບວີດີໂອນີ້ ເຊິ່ງຄົນສ່ວນຫຼາຍກໍ່ຈະຕື່ນເຕັ້ນກັບຄວາມສາມາດຂອງຜູ້ໂພສຄລິບດັ່ງກ່າວ ຈົນເປັນສຽງເວົ້າຢອກກັນວ່າ FBI ໜ້າຈະຮັບໜຸ່ມຄົນນີ້ໄປເຮັດວຽກນໍາ.

ທີ່ມາ:  mirror, standardmedia และ tiktok