ຄຳ​ສັນ​ຍາ​ໃນ​ມື້​ແຕ່ງດອງ ມີ​ພຽງ 2 ມື​ເປົ່າ ຈະຕ້ອງ​ມີ​ທຸກ​ຢ່າງ​ໃຫ້​ໄດ້ ຊົມ​ເຊີຍ​ໜຸ່ມ​ຄົນ​ນີ້​ເຮັດ​ໄດ້​ແທ້ ມີ ເຮືອນ, ມີ​ລົດ ແລະ ທາ​ຍາດ ພາຍ​ໃນ 5 ປີ

ຄຳ​ສັນ​ຍາ​ໃນ​ມື້​ແຕ່ງດອງ ມີ​ພຽງ 2 ມື​ເປົ່າ ຈະຕ້ອງ​ມີ​ທຸກ​ຢ່າງ​ໃຫ້​ໄດ້ ຊົມ​ເຊີຍ​ໜຸ່ມ​ຄົນ​ນີ້​ເຮັດ​ໄດ້​ແທ້ ມີ ເຮືອນ, ມີ​ລົດ ແລະ ທາ​ຍາດ ພາຍ​ໃນ 5 ປີ

6th January 2021 0 By Entertain

​ອ່ານໂພ​ສ​ນີ້​ຈົບ ຄົງ​ໄດ້​ຂໍ້​ຄິດ​ຫຍັງຫຼາຍໆ​ຢ່າງ​ສຳ​ລັບ​ຄົນ​ທີ່​ກຳ​ລັງ​ສ້າງ​ໂຕ ແລະ ອາ​ນາ​ຄົດ ຄຳ​ສັນ​ຍາ ໃຜ​ກໍ​ເວົ້າ​ໄດ້ ແຕ່​ຈະ​ມີ​ຈັກ​ຄົນ​ລະ​ທີ່​ເຮັດ​ໄດ້​ແທ້ ແລະ ປະ​ສົບ​ຜົນ​ສຳ​ເລັດ ຈະ​ດ້ວຍ​ຫຍັງ​ກໍ​ຕາມ​ທີ່​ເປັນ​ແຮງ​ພັກ​ດັນ​ໃຫ້​ໄປ​ເຖິງ​ຈຸດ​ໝາຍ ເປົ້າ​ໝາຍ​ທີ່​ຕັ້ງ​ໄວ້ ກໍ​ລ້ວນ​ແລ້ວ​ມາ​ຈາກ​ການ​ຄິດ ແລະ ລົງ​ມື​ເຮັດ ບວກ​ກັບ​ກຳ​ລັງ​ໃຈ ກຳ​ລັງ​ແຮງອ​ອ້ອມ​ຂ້າງ​ທີ່​ດີ

ໂພ​ສ​ນີ້​ຈາກ​ຜູ້​ໃຊ້​ເຟດ​ບຸກ Neuaaloun Sommay ທີ່​ໄດ້​ໂພ​ສເນື່ອງ​ໃນ 5 ປີ ຂອງ​ການ​ໃຊ້​ຊີ​ວິດ​ຄູ່​ກັບ ພັນ​ລະ​ຍາ ວ່າ Happy Wedding Anniversary 05-01-2015 ~ 05-01-2021

.

ຄອບຮອບວັນແຕ່ງ ງານ ກັບ ຄຳໝັ້ນສັນຍາ ທີ່ ໄດ້ສັນຍາ ເລີ່ມຕົ້ນ ດ້ວຍ ສອງມື ເປົ່າ…!!​ ກ່ອນ 30 ປີ ທີ່ຕັ້ງໄວ້. ນັບແຕ່ເລີ່ມມັດແຂນ ແຕ່ງງານ ກັນມາ ໃຊ້ຊີວິດ ທີ່ເຕັມໄປດ້ວຍ ອຸປະສັກ ແລະ ຂາດເຂີນ ສົມຄວນ ເພາະ ຫລາຍຄົນໆ ທີ່ແຕ່ງງານ ອາດຈະສົມບູນ ທຸກຢ່າງ ແຕ່ ສຳລັບຂ້ອຍ ແມ່ນ ເຮືອນ ເຊົ່າ ເຂົ້າຊື້ ຮຽນ ໄປນຳ ເຮັດວຽກ ໄປນຳ.

ເຊົ່າຫ້ອງນ້ອຍໆ ໃຊ້ເວລາ ເກືອບ 4 ປີ ທີ່ ເຊົ່າຫ່້ອງຢູ່ ຄ່ອຍຂະຫຍັບ ຂະຫຍາຍ ຄ່ອຍເກັບ ຄ່ອຍຫາ ຄ່ອຍສ້າງ ອຸປະສັກ ເກີດຂື້ນ ສະເໝີ ເພື່ອ ທົດລອງ ຊິວິດຄູ່ ບາງຄັ້ງ ເງິນບໍ່ມີ ເງິນບໍ່ທັນ ຄ່າເຊົ່າຫ້ອງ ປະຫຍັດກິນ ຫລາຍປັດຈັຍ, ເຊີ່ງຫລາຍໆ ຄົນອາດຈະເຫັນ ວ່າ ຂ້ອຍມັກເຮັດແຕ່ວຽກ ບໍ່ຄ່ອຍເຂົ້າສັງຄົມ ຄືໝູ່ ເພາະຂ້ອຍ ຕັ້ງປະຕິທານ ກັບຕົວເອງ ແລ້ວວ່າ ພຽງ 5 ປີເທົ່ານັ້ນ ຂ້ອຍຈະປ່ຽນ ແລະ ສ້າງທຸກຢ່າງ ດ້ວຍ ສອງມືເປົ່າ ນີ້ ໃຫ້ກັບການສ້າງຄອບຄົວ ມີຄົບໃຫ້ ໄດ້ ນັ້ນ ຄື :

1 ດິນ 2 ເຮືອນ 3 ລຸກ 4 ລົດ 5 Passive Income ທີ່ປ່ຽນ ຈາກ Active Action ຂອງຕົນເອງ ແລ້ວ ກາຍມາໃຫ້ ມັນເປັນ Passive Income ຂອງປະຈຸບັນໃຫ້ ໄດ້

ເຊີ່ງ ທັ້ງ 5 ຢ່າງ ແມ່ນຂ້ອຍ ສາມາດເຮັດຄົບໄດ້ ໝົດແລ້ວ ແລະ ຕົນເອງກະດີໃຈ ສຸດ ທີ່ ທີ່ຮັກ ຂອງຕົນ ຫລື ແມ່ສາຍຟ້າ ຢື້ນຄ້ຽງຂ້າງ ສະເໝີ ມາ ເຖິງວ່າ ໝູ່ໆ ຫລາຍຄົນ ເຂົາຈະມີ ພຽບພ້ອມ ທຸກຢ່າງ ບາງຄັ້ງ ກະຄິດ ອ້າຍເວລາ ໄປຫາ ໝູ່ ເຂົາມີລົດ ໃຫຍ່ ແຕ່ເຮົາກະຍັງຂີ່ ລົດຈັກ ຢ້ານເຂົາດູຖູກ ຢ້ານເຂົາເບີ່ງເຮົາໃນທາງ ທີ່ລົບ. ແຕ່ນັ້ນ ຄືສີ່ງພິສູດໃຫ້ເຫັນ ວ່າ ການທີ່ ເຮົາວ່າງເປົ້າໝາຍ ໃຫ້ ຕົນເອງ ແລະ ເຮັດມັນຢ່າງຈິງຈັງ ແລະ ເຊື່ອໝັ້ນ ກັບຕົນເອງ ແລະ ຄູ່ຊິວິດອີກດ້ວຍ.

ສີ່ງສຳຄັນ ທີ່ສຸດ ຂອງຊີວິດ ຂ້ອຍ ວ່າ ເວລາ ແລະ ໂອກາດ ທີ່ມີເຂົ້າມາໃນຊີວິດ ແລ້ວເຈົ້າຄາ ແຕ່ຢ້ານ ແລະ ບໍ່ລົງມືເຮັດ ມັນກໍບໍ່ເກີດ ສະນັ້ນ ຂອບໃຈ ອ້າຍໆ ເອື້ອຍໆ ທີ່ໃຫ້ ໂອກາດ ນ້ອງ ບອກນ້ອງ ສອນນ້ອງ ແລະ ວ່າງແນວທາງ ການບໍລິຫານ ຄຸນຄ່າ ຂອງຕົນເອງ.
ທ້າຍສຸດ ຂອບໃຈ ຜູ້ຍິງ ຄົນນີ້ Phuangkham Psb ທີ່ ເຊື່ອໝັ້ນ ແລະ ຄຽງຄູ່ ຜ່ານຜາ ອູປະສັກ ນຳກັນມາ ຕະຫລອດ 6 ປີ ຮ່ວມສຸກ ເຮົາທຸກ ຜ້າຫົ່ມ ຜືນດ່ຽວ ນອນຫ້ອງເຊົ່າ ຫ້ອງນ້ອຍໆ ບໍ່ມີຮອດ ຫ້ອງນອນແຍກ ແຕ່ກະຍັງ ຮັກ ແລະ ເຊື່ອໝັ້ນ ກັນສະເຫມີມາ ຮ່ວມກັນຜ່ານຜາ ອຸປະສັກ ການໃຊ້ຊິວິດ ຈົນມາຮອດ ທຸກວັນ ນີ້. ຂ້ອຍດີໃຈສຸດໆ ແລ້ວ ທີ່ ຜູ້ຊາຍທຳມະດາ ທີ່ບໍ່ມີຫຍັງ ແຕ່ມີເຈົ້າຄຽງຂ້າງ ຮ່ວມຊິວີດ ແລະ ສັນຍາວ່າ ຈະເປັນຜົວ ທີ່ດີ ແລະ ພໍ່ທີ່ດີ ຂອງລູກ ຕະຫລອດໄປ ຈະສັດຊື່ ແລະ ຜົວດ່ຽວ ເມຍດ່ຽວ ຕະຫລອດໄປ.

.

.

ຮັກຕະຫລອດໄປ Phuangkham Psb ອີກ 5 ປີຈະມາ ອັບເດດໃຫມ່ ຫະຫະ

ອ່ານ​ແລ້ວ​ຍິງຫຼາຍໆ​​ຄົນ​ຄົງປາດ​ຖະ​ໜາ​​ຢາກ​ໄດ້ຊາຍ​ແບບ​ນີ້​ມາ​ເປັນ​ຄູ່​ຄອງ ຄູ່​ຊີ​ວິດ​ແມ່ນ​ບໍ່ ແຕ່​ຊີ​ວິດ​ຄົນ​ເຮົາ​ມີ​ໂອ​ກາດ​ຄື​ກັນ ແຕ່​ຕ່າງ​ກັນ, ເພາະ​ສະ​ນັ້ນ​ແລ້ວ​ທຸກ​ຢ່າງ​ກໍ​ຂຶ້ນ​ກັບ​ໂຕ​ເຮົາ​ພ້ອມ ບໍ່​ວ່າ​ຈະ​ຍິງ ຫຼື ໍ​ຊາຍ ຫາກ​ມີ​ຊ່ອງ​ທາງ​ຫາ​ເງິນ​ໄດ້ ກໍ​ຕ້ອງ​ຮູ້​ເກັບ ທ້ອນ ຄິດ​ເຫັນ​ອາ​ນາ​ຄົດ ແລະ ມີ​ແບບ​ແຜນ​ຊີ​ວິດ​ເພື່ອ​ຊີ​ວິດ​ທີ່​ດີ​ຂອງ​ເຮົາ​ເອງ ແລະ ຄົນ​ທີ່​ທ່ານ​ຮັກ