ສຽວໄປທຸກບ່ອນໂຄວິດມາຄາວນີ້

ສຽວໄປທຸກບ່ອນໂຄວິດມາຄາວນີ້

6th January 2021 0 By Education

ໄລຍະນີ້ໂຄວິດກັບມາລະບາດແຮງຢູ່ບັນດາປະເທດໃກ້ຄຽງ ພີ່ນ້ອງເຮົາຕ້ອງມີສະຕິໃນການໃຊ້ຊີວິດໃຫ້ຫຼາຍຂຶ້ນ ຫຼ້າສຸດມີລາຍງານປະເທດໄທພົບຜູ້ຕິດໂຄວິດໃນໂຮງງານແຫ່ງໜຶ່ງມີຍອດສະສົມເຖິງ 900 ລາຍ.

ຕາມລາຍງານຂ່າວຂອງສື່ໄທແຈ້ງໃນວັນທີ 6 ມັງກອນ 2021 ນີ້ວ່າ: ທາງການໄດ້ພົບແຮງງານທີ່ເຮັດວຽກໃນໂຮງງານຜະລິດປາກະປ໋ອງແຫ່ງໜຶ່ງໃນຈັງຫວັດສະມຸດສາຄອນ ຕິດເຊື້ອພະຍາດໂຄວິດ-19 ຫຼາຍເຖິງ 900 ລາຍ ດັ່ງນັ້ນ, ຈິ່ງຕ້ອງຮີບຮ້ອນກັກຕົວພະນັກງານທີ່ນັ້ນທັງໝົດໂດຍບໍ່ມີການຄັດກອງໃດໆທັ້ງສິ້ນ.

ແນວໃດກໍ່ຕາມ ຕາມລາຍງານຂອງເຈົ້າໜ້າທີ່ຈັງຫວັດແຈ້ງວ່າ ຈຳນວນແຮງງານ 900 ຄົນທີ່ຕິດໂຄວິດນັ້ນແມ່ນພົບຈາກການສຸ່ມກວດຈາກ 3.800 ຄົນຂອງເຈົ້າໜ້າທີ່ກ່ຽວຂ້ອງ ເຊິ່ງບໍ່ແມ່ນໂຮງງານດຽວ ແຕ່ເປັນການກວດຕໍ່ເນື່ອງ ແລະກວດພົບຫຼາຍຄັ້ງບໍ່ແມ່ນພົບບາດດຽວ 900 ຄົນ.



ທ່ານຫົວໜ້າກົມຄວບຄຸມພະຍາດຕິດຕໍ່ຂອງໄທຍັງແຈ້ງອີກວ່າ ຕອນນີ້ຈັງຫວັດສະມຸດສາຄອນແມ່ນມີຍອດຜູ້ປ່ວຍໂຄວິດສະສົມ 2.296 ຄົນແລ້ວ ຫຼັງທາງການໄດ້ມີການສຸ່ມກວດບັນດາແຮງງານອຸດສາຫະກຳ ດ້ວຍເຫດນີ້ຕ້ອງໄດ້ເລັ່ງຕັ້ງໂຮງໝໍພາກສະໜາມເພື່ອທຳການຮັກສາ ຂະນະທີ່ຜູ້ຕິດເຊື້ອຈຳນວນຫຼາຍໃນໂຮງງານແມ່ນຕ້ອງໄດ້ດັດແປງໂຮງງານເປັນສະຖານທີ່ກັກກັນເລີຍ ມີພຽງແຕ່ລາຍທີ່ມີອາການໜັກຈິ່ງໃຫ້ເຂົ້ານອນປິ່ນປົວໃນໂຮງໝໍ.