ສຸດບີບຫົວໃຈກັບພາບທີ່ເຫັນເທື່ອລະຊິ້ນເຫດການຍົນຕົກ

ສຸດບີບຫົວໃຈກັບພາບທີ່ເຫັນເທື່ອລະຊິ້ນເຫດການຍົນຕົກ

11th January 2021 0 By Education

ຄວາມຄືບໜ້າການຄົ້ນຫາ ແລະກູ້ຊາກເຄື່ອງບິນ Srivijaya SJ182 ຂອງອິນໂດເນເຊຍມາຮອດວັນທີ 10 ມັງກອນ 2021 ຍັງສືບຕໍ່ພົບຊິ້ນສ່ວນຊາກເຄື່ອງບິນ ແລະເຄື່ອງນຸ່ງຫົ່ມຂອງຜູ້ໂດຍສານຢ່າງຕໍ່ເນື່ອງ.

ສິ່ງທີ່ບີບຫົວໃຈສຸດໃນພາລະກິດກູ້ຍົນໂດຍສານລຳດັ່ງກ່າວແມ່ນພົບເສື້ອສີຊົມພູ ມິກກິ້ເມົ້າ ທີ່ຍັງຄົງສະພາບສົມບຸນທຸກຢ່າງແຕ່ໄຮ້ຄົນທີ່ໃສ່ບໍ່ເຫັນຮອດຮ່່ອງຮອຍ ເຊິ່ງຈາກການເບິ່ງພາບເບື້ອງຫຼັງເສື້ອຜືນດັ່ງກ່າວເປັນຂອງສາວນ້ອຍໜຶ່ງໃນເດັກນ້ອຍ 7 ຄົນທີ່ຂຶ້ນຍົນລຳທີ່ເກີດເຫດ.

ພາບທີ່ບໍຢາກໃຫ້ເກີດ

ເຊິ່ງເຄື່ອງບິນ Sriwijaya Air boeing 737-500 ຖ້ຽວບິນ SJ 182 ໄດ້ຕົກຢູ່ບໍລິເວນເກາະ Kepulauan Seribu ຫຼືໝູ່ເກາະພັນເກາະຕອນເໜືອຂອງນະຄອນຫຼວງຈາກາຕາໃນເຂດນ້ຳເລີກປະມານ 20-30 ແມັດ ທີມຄົ້ນຫາໄດ້ພົບເສດຊິ້ນສ່ວນເຄື່ອງບິນກະຈາຍຢູ່ 4 ແຈຂອງເກາະດັ່ງກ່າວ ນອກນີ້ຍັງພົບຊິ້ນສ່ວນມະນຸດຈຳນວນຫຼາຍກະຈາຍຢູ່ຫ່າງກັນຕາມບໍລິເວນນັ້ນ.

ແນວໃດກໍ່ຕາມບໍລິເວນທີ່ຍົນຕົກລົງມານັ້ນນ້ຳຂ້ອນຂ້າງແຮງ ໜ່ວຍກູ້ໄພ ແລະທະຫານເຮືອລວມທັງກອງທັບອິນໂດເນເຊຍຍັງສືບຕໍ່ປະຕິບັດການຜີວນ້ຳ, ໃຕ້ນ້ຳ  ແລະອາກາດໃຫ້ພົບຊິ້ນສ່ວນໄດ້ຫຼາຍທີ່ສຸດ.

ເຮືອບິນໂດຍສານລຳທີ່ເກີດເຫດມີຜູ້ໂດຍສານພ້ອມຈຸບິນທັງໝົດ 62 ຄົນ ເບື້ອງຕົ້ນຊາບພຽງແຕ່ວ່າເຄື່ອງບິນໄດ້ຂາດການຕິດຕໍ່ຈາກຫໍຄວບຄຸມໃນເວລາ 14:40 ໂມງຂອງວັນທີ 9 ມັງກອນ 2021 ໃນລະຫວ່າງທີ່ກຳລັງບິນຂຶ້ນສູ່ເທິງຟ້າດ້ວຍຄວາມສູງ 3000 ແມັດຈາກນັ້ນກໍ່ລົງມາຢ່າງວ່ອງໄວຈົນຂາດການຕິດຕໍ່ໃນທີ່ສຸດ.