ຫິມະມາ ຫວຽດນາມປັບໂຕບໍ່ທັນຕອນນີ້ຕ້ອງເລັ່ງຊ່ວຍສັດລ້ຽງ

ຫິມະມາ ຫວຽດນາມປັບໂຕບໍ່ທັນຕອນນີ້ຕ້ອງເລັ່ງຊ່ວຍສັດລ້ຽງ

14th January 2021 0 By Education

ຫວຽດນາມກໍ່ຄືກັບປະເທດເຮົາ ມີຫຼາຍແຂວງລ້ຽງສັດໃຫຍ່ເປັນອາຊີບເມື່ອໜາວມາກໍ່ປາສະຈາກບໍໄດ້ບັນຫາສັດທົນຕໍ່ຄວາມໜາວບໍໄດ້ແລະສ່ຽງຊີວິດ, ສະເພາະປີນີ້ມີສັດລ້ຽງຫຼາຍໂຕໄດ້ຕາຍໄປເພາະຄວາມໜາວຈາກຫິມະລົງແບບບໍ່ໄດ້ຕັ້ງຕົວເຈົ້າໜ້າທີ່ລວມທັ້ງເຈົ້າຂອງສັດຈິ່ງຕ້ອງຮີບຮ້ອນໃຫ້ການຊ່ວຍເຫຼືອ.

ດົນໆເທື່ອຕັ້ງຕົວບໍ່ທັນແທ້

ຕາມຂ່າວຕ່າງປະເທດລາຍງານວ່າຫິມະປີນີ້ໃນແຂວງຫຼ່າວກ່າຍ(ຊາປາ) ເຊິ່ງເປັນພື້ນທີ່ສູງ ຫິມະເລີ່ມລົງມາແຕ່ວັນທີ 12 ມັງກອນສະສົມຄວາມໜາໄດ້ 10 ຊັງຕີແມັດ ເຮັດໃຫ້ເກີດຄວາມວຸ້ນວາຍໄປທົ່ວບໍ່ວ່າຄົນຫຼືສັດ.

ຕ້ອງຊ່ວຍກັນຄົນລະໄມ້ລະມື

ພິລຶກອາກາດແບບນີ້

ຄວາມເສຍຫາຍຈາກຫິມະລົງຄັ້ງນີ້ເຮັດໃຫ້ເກີດອຸບັດຕິເຫດທາງທ້ອງຖະໜົນຢ່າງຫຼວງຫຼາຍ ຈາກນີ້ກໍ່ມີສັດປະເພດງົວ, ຄວາຍຕາຍໄປແລ້ວ 45 ໂຕ ເນື່ອງຈາກປັບຕໍ່ສະພາບອາກາດບໍ່ທັນ ພ້ອມດຽວກັນພືດຜັກສວນຄົວກໍ່ເສຍຫາຍຫຼາຍພໍສົມຄວນຕອນນີ້ຍັງບໍ່ສາມາດປະເມີນມູນຄ່າໄດ້.

ສັດລ້ຽງຫຼືຄົນກໍ່ລ້ວນຕ້ອງການຄວາມອົບອຸ່ນ

ເຊິ່ງອຸຕຸນິຍົມຍັງຄາດວ່າອາກາດຢູ່ຫວຽດນາມຍັງຈະສືບຕໍ່ຜັນຜວນ ມີຫິມະລົງ ແລະອາກາດເຢັນຕະຫຼອດອາທິດນີ້ ອຸນຫະພູມຈະຕິດລົບເຖິງ 3 ອົງສາ ແຖມບາງພື້ນທີ່ມີຝົນຜົນມານຳຈິ່ງຕ້ອງເບິ່ງແຍງສຸຂະພາບເປັນພິເສດ ໂດຍສະເພາະສັດລ້ຽງທີ່ຊ່ວຍໂຕເອງບໍ່ເປັນ.

ໜາວປີນີ້ຊາວກະສິກອນເສຍຫາຍຫຼາຍ

ພຽງເບິ່ງກໍ່ໜາວແລ້ວ