ຊົມເຊີຍກອງປະຊຸມໃຫຍ່ຂອງພັກ ເລືອກທ່ານທອງລຸນ ສີສຸລິດເປັນເລຂາທິການໃຫຍ່

ຊົມເຊີຍກອງປະຊຸມໃຫຍ່ຂອງພັກ ເລືອກທ່ານທອງລຸນ ສີສຸລິດເປັນເລຂາທິການໃຫຍ່

15th January 2021 0 By Education

ກອງປະຊຸມໃຫຍ່ຄັ້ງທີ XI ຂອງພັກປະຊາຊົນປະຕິວັດລາວທີ່ໄດ້ເປີດຂຶ້ນ ແລະດຳເນີນມາແຕ່ວັນທີ 13-15 ມັງກອນ 2021 ໄດ້ປິດລົງດ້ວຍຜົນສຳເລັດໃນຕອນບ່າຍວັນທີ  15 ມັງກອນ ພ້ອມເລືອກເອົາຄະນະບໍລິຫານງານສູນກາງພັກສະໄໝທີ XI.

ໃນນີ້ ດ້ວຍຜົນງານ ແລະວິໄສທັດການຊີ້ນຳໆພາຄະນະລັດຖະບານ ແລະທົ່ວປະເທດໃນການສ້າງສາພັດທະນາປະເທດຊາດມາແຕ່ກອງປະຊຸມພັກຄັ້ງທີ X ມາຮອດປະຈຸບັນ, ກອງປະຊຸມໄດ້ເລືອກເອົາທ່ານ ທອງລຸນ ສີສຸລິດ ນາຍົກລັດຖະມົນຕີ ເປັນເລຂາທິການໃຫຍ່ຂອງພັກປະຊາຊົນປະຕິວັດລາວຄົນໃໝ່.

ທ່ານທອງລຸນ ສີສຸລິດ ໄດ້ກ່າວໃນບົດສູນທອນພົດ ປິດກອງປະຊຸມວ່າ: ກອງປະຊຸມຄັ້ງນີ້ໄດ້ປິດລົງແລ້ວດ້ວຍຜົນສຳເລັດຕາມລະດັບຄາດໝາຍ ແຕ່ຈາກນີ້ໄປຍັງຕ້ອງນຳເອົາຜົນຂອງກອງປະຊຸມໄປຈັດຕັ້ງຜັນຂະຫຍາຍໃຫ້ເກີດດອກອອກຜົນຕໍ່ປະເທດຊາດ ແລະປະຊາຊົນໃນຕໍ່ໜ້າ.

ເຊິ່ງກ່ອນອື່ນໝົດຕ້ອງຮ່ວມກັນຍູ້ແຮງຂະບວນການແຂ່ງຂັນຮັກຊາດ ສ້າງສາປະເທດເຮົາໃຫ້ຈະເລີນຂຶ້ນເລື້ອຍໆ, ພວກເຮົາເຊື່ອໝັ້ນວ່າ ດ້ວຍແນວທາງທີ່ພັກວາງອອກ ດ້ວຍກຳລັງແຮງສະໜັບສະໜູນຈາກທົ່ວສັງຄົມຫວັງວ່າຈະຍາດໄດ້ຜົນສຳເລັດທີ່ຍິ່ງໃຫຍ່ກວ່າເກົ່າ.