ໂຫດແທ້! ຊາຍໜຸ່ມຫຼົງໄຫຼການສັກລາຍ ຮ່າງກາຍບໍ່ເຫຼືອເຄົ້າເດີມ ແຖມເຮັດໂຫດຜ່າລີ້ນແຍກອອກຈາກກັນ

ໂຫດແທ້! ຊາຍໜຸ່ມຫຼົງໄຫຼການສັກລາຍ ຮ່າງກາຍບໍ່ເຫຼືອເຄົ້າເດີມ ແຖມເຮັດໂຫດຜ່າລີ້ນແຍກອອກຈາກກັນ

27th January 2021 0 By Education

ເຜີຍເລື່ອງລາວຊີວິດສຸດພິດສະດານ ຂອງ ທ້າວ ແອນໂທນີ ລອບເຟຣໂດ ຊາຍຊາວຝຣັ່ງ ອາຍຸ 32 ປີ ຜູ້ຄັ່ງໄຄ້ ແລະ ໝົກມຸ້ນກັບການສັກລາຍ, ການດັດແປງຮ່າງກາຍຕົນເອງ ຈົນຕອນນີ້ແທບບໍ່ເຫຼືອເຄົ້າເດີມຢູ່.

ແອນໂທນີ ປັບປ່ຽນຮ່າງກາຍ(Body modification) ແລະ ເປັນທີ່ຮູ້ຈັກເທິງໂລກອອນລາຍ ກ້ວຍຮູບລັກ ເອລ່ຽນດໍາ ສັກຜິວໜັງເຕັມໂຕ ລວມເຖິງດວງຕາ ອີກທັງຜ່າລີ້ນແຍກອອກເປັນ 2ຊີກ ແລະ ຝັງໂລຫະເຮັດເປັນເຂົາຢູ່ເທິງຫົວ.

ເປີດເຜີຍການປ່ຽນແປງຄັ້ງຫຼ້າສຸດທີ່ແອນໂທນີຫາກໍ່ເຮັດຄື ຕັດຮີມສົບທາງເທິງ ແລະ ຕັດປາຍດັງອອກ ເຊິ່ງມັນສົ່ງຜົນກະທົບຕໍ່ຊີວິດ ເພາະເຮັດໃຫ້ເວົ້າລໍາບາກ ແລະ ສື່ສານກັບຜູ້ອື່ນໄກ້ບາກຂຶ້ນ ແຕ່ແອນໂທນີ ກັບເບິ່ງວ່າມັນບໍ່ແມ່ນບັນຫາ ແຖມຍັງຫຼົງໄຫຼໃນການດັດແປງຮ່າງກາຍຄືເກົ່າ.

ນອກຈາກນີ້ ແອນໂທນີຍັງເຜີຍອີກວ່າ ມີຄວາມຝັນທີ່ຈະລອກຜິວໜັງທັງໝົດຂອງຮ່າງກາຍ ເພື່ອແທນທີ່ດ້ວຍໂລຫະ ນອກຈາກນີ້ ຍັງມີແຜນຈະດັດແປງຮ່າງກາຍສ່ວນຕ່າງໆເພີ່ມອີກ ເຊັ່ນ ແຂນ, ຂາ, ນິ້ວມື ແລະ ຫຼັງຫົວ.