ພໍ່ແມ່ສົ່ງເສຍມາຮຽນ ແຕ່ຜີເກມເຂົ້າສີງລູກກາຍເປັນໂຈນ

ພໍ່ແມ່ສົ່ງເສຍມາຮຽນ ແຕ່ຜີເກມເຂົ້າສີງລູກກາຍເປັນໂຈນ

30th January 2021 0 By Education

ພໍ່ແມ່ເກີດມາຮັກດັ່ງດວງໃຈ, ເອົາໃຈໃສ່ຫາເງິນສົ່ງຄຳໃຫ້ລູກໄດ້ສຶກສາຮ່ຳຮຽນເພື່ອສາມາດລ້ຽງໂຕເອງໄດ້ໃນວັນຂ້າງໜ້າ ແຕ່ເມື່ອມາເຖິງນະຄອນຫຼວງວຽງຈັງ ທ້າວ ສີລະສອນ ຫຼື ອາກົງ ກໍ່ຫັນທິດຈາກຮຽນໄປເຂົ້າຮ້ານເກມຈົນຕິດຫຼິ້ນເກມພະນັນອອນລາຍຢ່າງຮຸນແຮງ ມົດເງິນໝົດຄຳທີ່ພໍ່ແມ່ສົ່ງໃຫ້ທ້າວກໍ່ຜັນໂຕເປັນໂຈນປຸ້ນຊັບ ກ່ອນຖືກຈັບປຸ້ນມາແລ້ວ 11 ຄັ້ງເພື່ອຫາເງິນມາຫຼິ້ນເກມພະນັນອອນລາຍ ແຕ່ກໍ່ໄປບໍ່ລອດຕອນນີ້ນອນລໍຖ້າກົດໝາຍລົງໂທດຢູ່ຄຸກ.


ພັທ ບຸນມີ ແກ້ວພົມມາ ຫົວໜ້າພະແນກຕຳຫຼວດ ປກສ ເມືອງໄຊທານີ ນະຄອນຫຼວງວຽງຈັນ ໄດ້ຖະແຫຼງຕໍ່ນັກຂ່າວ ປກສ ນວ ໃນວັນທີ 14 ມັງກອນ 2020 ວ່າ: ພາຍຫຼັງທີ່ໄດ້ຮັບແຈ້ງຄວາມ ໃນວັນທີ 20 ທັນວາ 2019 ວ່າ: ມີເຫດການປຸ້ນຊັບຢູ່ຮ້ານເກມພາຍໃນເມືອງໄຊທານີ ນະຄອນ ຫຼວງວຽງຈັນ ເກີດຂຶ້ນຢ່າງຕໍ່ເນື່ອງ ຈຶ່ງໄດ້ແຕ່ງຕັ້ງເຈົ້າໜ້າທີ່ວິຊາສະເພາະລົງກວດກາເກັບກຳຂໍ້ມູນ ເພື່ອກຳນົດ ແລະ ຄັດຈ້ອນເປົ້າໝາຍ ໂດຍໄດ້ຮັບການຊີ້ນຳຢ່າງໃກ້ຊິດຈາກຄະນະພັກ-ຄະນະບັນຊາ ປກສ ນະຄອນຫຼວງວຽຈັນ ແລະ ປກສ ເມືອງໄຊທານີ; ເຊິ່ງໃຊ້ເວລາ 19 ວັນ ຈຶ່ງຮູ້ວ່າ: ຜູ້ກໍ່ເຫດຊື່ທ້າວ ສີລະສອນ (ອາກົງ) ອາຍຸ 22 ປີ, ຢູ່ບ້ານວັງຊ້ວຍ ເມືອງ ແລະ ແຂວງໄຊຍະບູລີ ; ເຊິ່ງເປັນນັກສຶກສາປີ 4 ຢູ່ສະຖາບັນແຫ່ງໜຶ່ງໃນນະຄອນຫຼວງວຽງຈັນ, ທີ່ພັກເຊົາຢູ່ຫ້ອງເຊົ່າບ້ານໜອງວຽງຄຳ ເມືອງໄຊທານີ.


ຕົກມາຮອດວັນທີ 09 ມັງກອນ 2020, ເວລາ 17:00 ໂມງ ເຈົ້າໜ້າທີ່ ປກສ ເມືອງໄຊທານີ ກໍໄດ້ເຂົ້າກັບຕົວຜູ້ກ່ຽວໃນຫ້ອງເຊົ່າ ພ້ອມຂອງກາງລົດຈັກ 2 ຄັນ ແລະ ເງິນ 50.000 ບາດ. ຫຼັງຈາກນັ້ນ, ເຈົ້າໜ້າທີ່ກໍສືບຕໍ່ເກັບກູ້ຂອງກາງຢູ່ເສັ້ນທາງບ້ານໜອງວຽງຄຳລວມມີໜວກກັນກະທົບ 2 ໜ່ວຍ ມາສືບສວນຂະຫຍາຍຜົນ.


ທ້າວ ສີລະສອນ ຫຼື ອາກົງ ໄດ້ໃຫ້ການຮັບສາລະພາບວ່າ: ໃນປີ 2016,ຜູ້ກ່ຽວໄດ້ລົງມາຮຽນຢູ່ສະຖາບັນແຫ່ງໜຶ່ງໃນນະຄອນຫຼວງວຽງຈັນ. ມາຮອດປີ 2018, ກໍໄດ້ຕິດຫຼິ້ນເກມພະນັນອອນລາຍຢ່າງແຮງ ແລະ ເສຍເງິນເປັນຈຳນວນຫຼວງ ຫຼາຍ; ທັງມີໜີ້ສິນຈຳນວນໜຶ່ງ ຈຶ່ງເຮັດໃຫ້ຜູ້ກ່ຽວມີແນວຄວາມຄິດຢາກໄດ້ເງິນຄືນຈາກຮ້ານເກມເຫຼົ່ານັ້ນ, ຈຶ່ງໄດ້ວາງແຜນຊອກຫາທຸກວິທີທາງ ເພື່ອຈະເອົາເງິນຄືນ ໂດຍເບື້ອງຕົ້ນໄດ້ໄປຊື້ປືນປອມມາດັດແປງ.

ຫຼັງຜູ້ກ່ຶ່, ວັນທີ 20 ທັນວາ 2019, ຈຶ່ງໄດ້ລົງມືກໍ່ເຫດປຸ້ນຮ້ານເກມຢູ່ເຂດບ້ານດົງໂດກ ແລະ ຫຼາຍຮ້ານໃນເມືອງໄຊທານີລວມມີ 10 ຮ້ານ ແລະ ເມືອງສີສັດຕະນາກ 1 ຮ້ານ (ຮ້ານແລກປ່ຽນເງິນຕາ) ໄດ້ເງິນທັງໝົດ 50.000.000 ກີບ, ເງິນບາດ 30.0000 ບາດ; ເຊິ່ງແຕ່ລະຄັ້ງທີ່ລົງມືກໍ່ເຫດແມ່ນໄດ້ໃສ່ຊຸດສີດຳ, ໜວກກັນກະທົບສີດຳ ແລະ ມີຖົງສີດຳ ພ້ອມປືນປອມສີຂາວ 1 ກະບອກ.

ເມື່ອໄດ້ເງິນມາແລ້ວຕົນເອງກໍໄປຊື້ລົດຈັກ 2 ຄັນຄື: ລົດຈັກຍີ່ຫໍ້ YAMAHA R 15 ສີດຳ ແລະ ລົດຈັກຍີ່ຫໍ້ Z 800 ແລ້ວເອົາໄປຫຼິ້ນເກມພະນັນອອນລາຍ ແລະ ຮັກສາໄວ້ຈຳນວນໜື່ງ, ສ່ວນປືນທີ່ໃຊ້ໃນການກໍ່ເຫດຕົນໄດ້ນຳໄປຖິ້ມລົງໜອງນ້ຳເຂດບ້ານໜອງວຽງຄຳ ຍ້ອນຕົນເອງໄດ້ສັ່ງຊື້ປືນແທ້ ເພື່ອນຳໃຊ້ເຂົ້າໃນການກໍ່ເຫດຄັ້ງຕໍ່ໄປ.
ປັດຈຸບັນຄະດີນີ້, ເຈົ້າໜ້າທີ່ພວມສະຫຼຸບສຳນວນສົ່ງຫາໄອຍະການ ເພື່ອສັ່ງຟ້ອງຂຶ້ນສານຕັດສິນຕາມກົດໝາຍຕໍ່ໄປ