ອັບເດດເພີ່ມ ຈຸດພົບສົບພໍ່ຕູ້ພວງ! ພ້ອມລໍຖ້າຟັງຖະແຫຼງຂ່າວເຖິງສາເຫດການເສຍຊີວິດຈາກເຈົ້າໜ້າທີ່ ໄວໆນີ້

ອັບເດດເພີ່ມ ຈຸດພົບສົບພໍ່ຕູ້ພວງ! ພ້ອມລໍຖ້າຟັງຖະແຫຼງຂ່າວເຖິງສາເຫດການເສຍຊີວິດຈາກເຈົ້າໜ້າທີ່ ໄວໆນີ້

1st February 2021 0 By Education

ກ່ອນໜ້ານີ້ບໍ່ດົນ ແອັດໄດ້ນໍາສະເໜີຂ່າວກ່ຽວກັບການພົບສົບພໍ່ຕູ້ພວງ ອາຍຸ 95ປີ ຜູ້ສູນຫາຍຢູ່ແຫຼ່ງທ່ອງທ່ຽວ ນໍ້າປຽນຢໍລະປາ ທີ່ສູນຫາຍໄປແຕ່ເດືອນ ຕຸລາ 2020 ຈົນມາຮອດມື້ນີ້ເປັນເວລາ 4ເດືອນແລ້ວ ກວ່າຈະພົບເພິ່ນ ແຕ່ກໍ່ບໍ່ມີລົມຫາຍໃຈແລ້ວ.

ຂໍ້ມູນເພີ່ມເຕີມຈາກ Nam Pien Yorla Pa

ໃຫ້ຮູ້ວ່າ: ແຈ້ງຂ່າວຄວາມຄືບໜ້າການສູນຫາຍຂອງພໍ່ຕູ້ພວງ ອາຍຸ 95 ປີ, ໃນວັນທີ 31/01/2021 ມີປະຊາຊົນບ້ານຊຽງແລທ່າແຈ້ງຕໍ່ເຈົ້າໜ້າທີ່ຕຳຫຼວດວ່າ ໃດ້ເຂົ້າໄປຫາກິນໃນປ່າແລ້ວພົບຊົບຄົນເສຍຊີວິດ ຊຶ່ງຄາດວ່າຈະເປັນພໍ່ຕູ້ພວງທີ່ສູນຫາຍແຕ່ວັນທີ 02/10/2020.

ດັ່ງນັ້ນຕອນເຊົ້າຂອງມື້ຕໍ່ມາ ເຈົ້າໜ້າທີ່ຈຶ່ງໃດ້ໄປກວດສອບເບິ່ງສະຖານທີ່ຕົວຈິງ ຈຶ່ງຢືນຢັນວ່າເປັນຮ່າງການເສຍຊີວິດຂອງພໍ່ຕູ້ພວງແທ້, ເຊິ່ງຈຸດທີ່ພົບເຫັນສົບຂອງພໍ່ຕູ້ພວງແມ່ນຢູ່ນອກເຂດສະຖານທີ່ທ່ອງທ່ຽວນໍ້າປຽນ ອອກໄປທາງທິດໄຕ້ ປະມານ 6 ກິໂລແມັດ,
ສ່ວນສາຍເຫດການເສຍຊີວິດແມ່ນທາງເຈົ້າໜ້າທີ່ຈະມີການຖະແຫຼງຂ່າວເປັນທາງການ.

ຂໍສະແດງຄວາມເສຍໃຈນຳຍາດພີ່ນ້ອງຂອງພໍ່ຕູ້ພວງ.