ໄທເປີດຮຽນມື້ທຳອິດເດັກຕິດໂຄວິດ 5 ລາຍຕ້ອງສັ່ງປິດໂຮງຮຽນດ່ວນ

ໄທເປີດຮຽນມື້ທຳອິດເດັກຕິດໂຄວິດ 5 ລາຍຕ້ອງສັ່ງປິດໂຮງຮຽນດ່ວນ

1st February 2021 0 By Education

ເວົ້າໄດ້ວ່າພະຍາດລະບາດໂຄວິດ-19 ແມ່ນປະໝາດບໍໄດ້ເລີຍວ່າມັນຈະມາເມື່ອໃດເກີດຢູ່ໃສກັບໃຜ ການໃຊ້ຊີວິດປົກກະຕິແບບໃໝ່ຈະສາມາດຊ່ວຍໄດ້ລະດັບໜຶ່ງ ແຕ່ກໍປາສະຈາກບໍໄດ້ວ່າຄົນທີ່ເຮົາຢູ່ໃກ້ຈະປອດເຊື້ອຈິ່ງເກີດເລື່ອງແບບນີ້ຂຶ້ນເດັກນ້ອຍນັກຮຽນກໍຕິດໂຄວິດ.

ເດັກນ້ອຍເປັນກຸ່ມທີ່ໜ້າເປັນຫ່ວງ ເນື່ອງຈາກເດັກຈຳນວນໜຶ່ງບໍ່ຍອມໃຫ້ຄົນອື່ນປ້ອນເຂົ້າ, ບໍ່ຮັບເຄື່ອງຂອງຈາກຄົນແປກໜ້າ ນອກຈາກພໍ່ແມ່ ແລະຄູທີ່ຢູ່ນຳປະຈຳເທົ່ານັ້ນ ແຕ່ໂຄວິດເປັນໂລກຕ້ອງຫ້າມໃນການດູແລຢ້ຽມຢາມ ຈິ່ງເປັນການຍາກຖ້າຫາກວ່າເດັກຕິດໂຄວິດຂຶ້ນມາ.

ເປັນເລື່ອງໜ້າເສົ້າທີ່ຈັງຫວັດຈາກຂອງໄທ ໃນອຳເພີ ແມ່ສອດ ພົບເດັກນ້ອຍຕິດໂຄວິດ-19 ພຽງໃນວັນດຽວທີ່ເປີດເທີມໃໝ່ ເຮັດໃຫ້ຜູ້ວ່າຈັງຫວັດຕາກຕ້ອງສັ່ງປິດໂຮງຮຽນຢ່າງບໍ່ມີກຳນົດຈົນກວ່າຈະສືບສວນຫາທີ່ມາຂອງເຊື້ອພະຍາດໄດ້ສຳເລັດ.

ໃນວັນທີ 1 ກຸມພາ 2021 ພາຍຫຼັງທີ່ລັດຖະບານຜ່ອນຜັນໃຫ້ເປີດໂຮງຮຽນໃນທົ່ວປະເທດ ແຕ່ໃນຊຸມຊົນແມ່ສອດຕ້ອງປິດໂຮງຮຽນຄືນເຖິງ 15 ແຫ່ງຢ່າງບໍ່ມີກຳນົດ ພາຍຫຼັງທີ່ກວດພົບເດັກນັກຮຽນ 5 ຄົນວ່າຕິດເຊື້ອໂຄວິດ-19.

ໂດຍສື່ໄທລາຍງານວ່າ ເດັກທີ່ຕິດເຊື້ອນັ້ນຕາມຜົນເບື້ອງຕົ້ນແມ່ນຕິດມາຈາກຜູ້ສູງອາຍຸໃນຊຸມຊົນອິສລາມຂອງແມ່ສອດ ລາວຂາຍເຄື່ອງຢູ່ໃນຕະຫຼາດ ລູກຫຼານຂອງລາວມີທາມໄລໄປທົ່ວແມ່ສອດ ຈິ່ງໄປຕິດໃສ່ພະຍາບານ ແລະ ຖືກກັກຕົວ 25 ຄົນ ໂດຍຜູ້ຕິດເຊື້ອທັງໝົດ 5 ຄົນທີ່ເປັນເດັກນັ້ນແມ່ນຫຼານຂອງຜູ້ສູງອາຍຸທີ່ວ່ານັ້ນ ແຕ່ທີ່ຕ້ອງປິດໂຮງຮຽນ ເນື່ອງຈາກຜູ້ຕິດເຊື້ອໄດ້ເຄື່ອນໄຫວໄປຍັງຫຼາຍຈຸດ.