ຊາຍໜຸ່ມສຸດດີໃຈ ຍິ້ມໄດ້ອີກຄັ້ງ ເມື່ອຜ່າຕັດ-ປູກຖ່າຍໃບໜ້າ ແລະ ມືສໍາເລັດ ຫຼັງຢູ່ກັບໜ້າເສຍໂສມມາດົນ

ຊາຍໜຸ່ມສຸດດີໃຈ ຍິ້ມໄດ້ອີກຄັ້ງ ເມື່ອຜ່າຕັດ-ປູກຖ່າຍໃບໜ້າ ແລະ ມືສໍາເລັດ ຫຼັງຢູ່ກັບໜ້າເສຍໂສມມາດົນ

4th February 2021 0 By Education

ຊາຍໜຸ່ມ ໄດ້ຮອຍຍິ້ມກັບມາອີກຄັ້ງ ຫຼັງເຂົ້າຮັບການຜ່າຕັດໃບໜ້າ ແລະ ຝ່າມືຈາກອຸບັດເຫດຮຸນແຮງເມື່ອ 3ປີກ່ອນ ເຮັດໃຫ້ຜູ້ກ່ຽວສູນເສຍໃບໜ້າ ແລະ ຮອຍຍິ້ມໄປ, ໃນທີ່ສຸດມື້ນີ້ກໍ່ມາຮອດ ລາວໄດ້ສິ່ງເຫຼົ່ານັ້ນກັບຄືນມາເກືອບສົມບູນແລ້ວ.

ທ້າວ ​ໂຈ ດິມີ​ໂອ ອາຍຸ 22 ປີ ທີ່​ໄດ້​ຊີວິດ​ໃໝ່​ອີກ ຄັ້ງ ເມື່ອ​ໃບ​ໜ້າ ​ແລະ ມື​ຂອງ​ລາວ​ສາມາດ​ຮັບ​ຮູ້​ສຳຜັດ​ຕ່າງໆ​ໄດ້ ບໍ່​ວ່າ​ຈະ​ເປັນຄວາມ​ຮ້ອນ, ຄວາມ​ເຢັນ, ຄວາມ​ປຽກ ຫລື ສຳຜັດ​ຈາກ​ຄົນ​ອື່ນໆຕໍ່​ໃບ​ໜ້າ ​ແລະ ມື​ໃໝ່ ​ເຊິ່ງຫາ​ກໍ​ໄດ້​ມາ​ບໍ່​ຮອດ 6 ​ເດືອນ ຫລັງ​ຈາກ​ລາວ​ຜ່ານ​ການຜ່າຕັດ​ປູກ​ຖ່າຍ​ໃບ​ໜ້າ ​ແລະ ມື ​ເພາະ​ອຸປະຕິ​ເຫດ​ເຮັດ​ໃຫ້​ລາວ​ຕ້ອງ​ສູນ​ເສຍ​ນິ້ວມື ​ແລະ ​ໃບ​ໜ້າ.


ເມື່ອ​ເກືອບ 3 ປີ​ກ່ອນ, ທ້າວ ດິມີ​ໂອ ​ເກີດ​ອຸປະຕິ​ເຫດ​ລົດ​ຕຳ​ຮຸນ​ແຮງ​ຈົນ​ເກີດ​ລະ​ເບີດ​ ​ເຮັດ​ໃຫ້​ລາວ​ຖືກ​ໄຟ​ໄໝ້ຮ່າງກາຍ​ຫລາຍ​ກວ່າ 80% ​ເຊິ່ງຖື​ວ່າ​ຮຸນ​ແຮງ, ​ແຕ່​ໂຊກ​ດີ​ທີ່​ລາວລອດ​ຊີວິດ​ມາ​ໄດ້ ແຕ່ກໍ່ແລກມາດ້ວຍສະພາບໃບໜ້າ ແລະ ມືທີ່ເປັນບາດແຜໃຫຍ່ ໄໝ້ຮຸນແຮງ ຈົນແທບຈະບໍ່ເຫຼືອເຄົ້າເດີມຢູ່, ຫຼັງຈາກນັ້ນຜູ້ກ່ຽວກໍ່ໄດ້​ຮັບ​ການປິ່ນປົວ ແລະຜ່າຕັດ​ມາ​ປະມານ 20 ຄັ້ງ, ​ແຕ່​ມື ​ແລະ ​ໃບ​ໜ້າ​ຍັງ​ໃຊ້​ງານ​ບໍ່​ໄດ້​ຄື​ເກົ່າ.

ລາວ​​ໂຊກ​ດີ​ອີກ​ເທື່ອ​ໜຶ່ງ ​ໂດຍ​​ໃນ​ເດືອນ​ມີນາ 2019 ລາວ​ຖືກ​ສົ່ງ​ໄປ​ຫາ​ສັນລະຍະ​ແພດ​ຝີ​ມື​ດີ ຂອງ​ສະ​ຖາ​ບັນ​ການ​ແພດ ​ເອັນ​ວາຍ​ຢູ ​ແລງ​ກອນ ​ເຮ​ລ ​ໃນ​ນິວຢອກ ​ແລະ ຍັງ​ໄດ້​ອະ​ໄວ​ຍະ​ວະ​ຈາກ​ຜູ້​ບໍລິຈາກ.


ໃນທີ່ສຸດ ເດືອນ ​ສິງຫາ 2020 ການປູກຖ່າຍຜ່າຕັດ ມື ແລະ ໃບໜ້າສໍາເລັດ ເຊິ່ງນັບວ່າລາວເປັນຄົນທໍາອິດຂອງໂລກທີ່ໄດ້ຮັບການປູກຖ່າຍໃບໜ້າ ແລະ ມື ສໍາເລັດ. ໂດຍໃນຫຼາຍປີທີ່ຜ່ານມາ ເຄີບມີການພະຍາຍາມຜ່າຕັດປູກຖ່າຍໃບ ແລະ ມື ໃຫ້ຄົນເຈັບມາແລ້ວ 2ຄັ້ງ ແຕ່ກໍ່ບໍ່ສໍາເລັດ.


ທັ້ງນີ້ ໃນການຜ່າຕັດມີທີ​ມງານ​ຫລາຍ​ກວ່າ 140 ຄົນ ທັງ​ສັນລະຍະ​ແພດ, ພະຍາບານ ​ແລະ ​ເຈົ້າໜ້າ​ທີ່​ອື່ນໆ ​ໄດ້​ຮ່ວມ​ກັນ​ຜ່າຕັດ​ປູກ​ຖ່າຍ​ໃບ​ໜ້າ ​ແລະ ມື​ທັງ​ສອງ​ໃຫ້​ລາວ​ສຳ​ເລັດ ​ໂດຍ​ໃຊ້​ເວລາ​ຜ່າຕັດ 23 ຊົ່ວ​ໂມງ.

ທາງດ້ານ ດຣ ເອໂດຣາໂດ ໂຣດຣິເກຊ ຜູ້ຮັບຜິດຊອບຜ່າຕັດໃຫ້ໃນຄັ້ງນີ້ ເຜີຍວ່າ ຕັ້ງແຕ່ເຂົາພົບຜູ້ປ່ວຍມາ ໂຈຖືວ່າເປັນຜູ້ປ່ວຍທີ່ມີແຮງຈູງໃຈສູງທີ່ສຸດ ເຖິງຈະເບິ່ງຄືເລັກນ້ອຍ ແຕ່ຖືວ່າເປັນສິ່ງສໍາຄັນທີ່ຊ່ວຍໃຫ່ການຜ່າຕັດມີໂອກາດສໍາເລັດສູງຂຶ້ນ ແຕ່ການເຮັດວຽກກໍ່ບໍ່ໄດ້ງ່າຍ ເພາະທີມຜ່າຕັດຕ້ອງລະວັງການຕິດເຊື້ອໃຫ້ໄດ້ດີທີ່ສຸດ ແລະ ໄວທີ່ສຸດ.