ພໍ່ລ້ຽງອໍາມະຫິດ! ຕີລູກອາຍຸພຽງ 1ປີ ຈົນເສຍຊີວິດ ເຫດຍ້ອນຄິດວ່າເມຍນອກໃຈ

ພໍ່ລ້ຽງອໍາມະຫິດ! ຕີລູກອາຍຸພຽງ 1ປີ ຈົນເສຍຊີວິດ ເຫດຍ້ອນຄິດວ່າເມຍນອກໃຈ

10th February 2021 0 By Education

ນັບເປັນອີກເລື່ອງເສົ້າ ທີ່ເກີດຂຶ້ນໃນສັງຄົມ ແລະ ເປັນເຫດເສົ້າທີ່ບໍ່ມີໃຜຢາກໃຫ້ເກີດ ກັບເຫດການ ພໍ່ລ້ຽງໃຈອໍາມະຫິດ ກໍໍເຫດທຸບຕີລູກສາວຈົນເສຍຊີວິດ ຍ້ອນຄິດວ່າເມຍລັກນອກໃຈ.

ເຫດການທີ່ແອັດກ່າວມາຂ້າງເທິງແມ່ນເກີດຂຶ້ນຢູ່ປະເທດໄທ ແຕ່ແອັດຢາກຍົກເອົາມາເປັນອຸທາຫອນ ຫຼື ສິ່ງເຕືອນໃຈທຸກຄົນໃນສັງຄົມ ຢ່າໃຊ້ອາລົມຕັດສິນບັນຫາ ຫຼື ໃຊ້ຄວາມຮຸນແຮງເປັນທາງອອກ ຫຼື ບ່ອນລະບາຍ, ຄວນມີຈິດສໍານຶກຂອງຄວາມເປັນຄົນຢູ່ສະເໝີ ເພາະບໍ່ດັ່ງນັ້ນ ເຫດຮ້າຍກໍ່ຈະຕາມມມາແບບນີ້.

ເຫດການດັ່ງກ່າວເກີດຂຶ້ນເມື່ອວັນທີ 9 ກຸມພາ ທີ່ຜ່ານມາ ຢູ່ ຮ້ານສ້ອມແປງລົດ 10ລໍ້ ພາຍໃນຫ້ອງພັກ ພົບຮ່າງໄຮ້ວິນຍາຂອງນາງ ພາວ ອາຍຸ 1ປີ ໂດຍສະພາບຮ່າງກາຍຂຽວຊໍ້າໄປທົ່ວຮ່າງກາຍ ມີບາດແຜຈາກການທຸບຕີຈໍານວນຫຼາຍ, ດ້ານຜູ້ເປັນແມ່ຢືນຖ້າໃຫ້ປາກຄໍາກັບຕໍາຫຼວດ ໂດຍລະບຸວ່າ ຜູ້ກໍ່ເຫດແມ່ນ ທ້າວ ວໍລະລິດ  ຫຼື ເກມ ຈິດປະສົງ ອາຍຸ 2ຄປີ ສາມີໃໝ່ຂອງ ຕົນ ເຊິ່ງເປັນພໍ່ລ້ຽງຂອງເດັກນ້ອຍຜູ້ເສຍຊີວິດ.

ທັ້ງນີ້ ນາງ ວະລາງຄະນາ ແມ່ເດັກນ້ອຍຜູ້ໂຊກຮ້າຍ ບອກອີກວ່າ ຕັ້ງແຕ່ຕົນເອງເລີກກັບສາມີເກົ່າ ເຊິ່ງມີລູກນໍາກັນ ກໍ່ຄື ນ້ອງພາວ ຫຼັງຈາກນັ້ນ ຕົນກໍ່ໄດ້ມາຢູ່ກິນກັບ ທ້າວເກມ ຜູ້ກໍ່ເຫດ ໄດ້ປະມານ 1 ປີ ຜູ້ກ່ຽວກໍ່ເລີ່ມມີອາການຫຶງຫວງ ກ່າວຫາວ່າຕົນໄປມີຊາຍອື່ນ ແລະ ຄິດຮອດສາມີເກົ່າ ຈົນເລີ່ມທຸບຕີຕົນເອງ ອີກທັ້ງ ເມື່ອ 2 ອາທິດຜ່ານມາ ເລີ່ມໜັກຂຶ້ນ ທຸບຕີລູກສາວຕົນເອງ ດ້ວຍກັງແຂວນເສື້ອ ທຸກມື້ ຈົນກະທັ້ງນ້ອງເສຍສຊີວິດລົງ.

ແນວໃດກໍ່ຕາມ ໃນເບື້ອງຕົ້ນ ເຈົ້າໜ໊າທີ່ຕໍາຫຼວດ ໄດ້ເຂົ້າກວດສອບບ່ອນເກີດເຫດ ພ້ອມສອບປາກຄໍາຜູ້ກໍ່ເຫດ ແລະ ແມ່ເດັກ ທັ້ງນີ້ ໄດ້ນໍາຫຼັກຖານເປັນກັງແຂວນເສື້ອ ສົ່ງພະນັກງານສອບສວນ ພ້ອມແຈ້ງຂໍ້ຫາທໍາຮ້າຍຜູ້ອື່ນຈົນເປັນເຫດໃຫ້ເສຍຊີວິດ ແລ້ວນໍາຕົວສົ່ງດໍາເນີນຄະດີຕາມກົດໝາຍຕໍ່ໄປ.