ບັນຫາຂີ້ເຕົ່າຕິດເຄື່ອງນຸ່ງຈະໝົດໄປດ້ວຍສະໝູນໄພເຫຼົ່ານີ້

ບັນຫາຂີ້ເຕົ່າຕິດເຄື່ອງນຸ່ງຈະໝົດໄປດ້ວຍສະໝູນໄພເຫຼົ່ານີ້

11th February 2021 0 By Education

ຂີ້ເຕົ່າເປັນບັນຫາກວນໃຈຂອງທຸກໆຄົນຖ້າຫາກມີກິ່ນເຕົ່າໃຜກໍ່ບໍຢາກມາໃກ້ເຮົາ ເຮົາເອງກໍ່ຂາດຄວາມໝັ້ນໃຈບໍຢາກໄປຢູ່ປົນກັບໝູ່, ມີເສື້ອຜ້າງາມໆນຸ່ງແປບດຽວກໍ່ຕ້ອງຊັກເພາະກິ່ນຂີ້ເຕົ່າ ແຕ່ບໍ່ແມ່ນວ່າຈະບໍ່ສາມາດກຳຈັດມັນອອກໄປໄດ້ ແອັດມີວິທີມາບອກໃຫ້ຜູ້ທີ່ມີບັນຫາມາທົດລອງກັນເບິ່ງ.

ໝາກຂາມປຽກ:ຄົນທັງຫຼາຍໃຊ້ຂັດຜິວ ແຕ່ຄຸນສົມບັດໜຶ່ງຄືການກຳຈັດກິ່ນຕິດນຳເສື້ອຜ້າ ໂດຍນຳໝາກຂາມປຽກປະສົມນ້ຳຕອງກາບມັນອອກ ແລ້ວເທນ້ຳທີ່ໄດ້ມາລົງໄປໃສ່ບ່ອນເສື້ອສະເພາະບໍລິເວນທີ່ມີກິ່ນໃຫ້ຊຸ່ມ ປະໄວ້ຈັກ10ນາທີ ແລ້ວນຳໄປຊັກຕາມປົກກະຕິ.


ເກືອ: ສຳລັບຂັ້ນຕອນການກຳຈັດກິ່ນເຕົ່າຕິດເສື້ອດ້ວຍເກືອແມ່ນໃຊ້ເກືອປະມານ 1ບ່ວງຕັກແກງ ລົງລະລາຍໃນນ້ຳອຸ່ນ 1ຖ້ວຍ ສຳເລັດແລ້ວເອົາມາທາໃຫ້ທົ່ວບໍລິເວນທີ່ມີກິ່ນເຕົ່າຕິດ ປະໄວ້ 10ນາທີແລ້ວຈຶ່ງນຳໄປຊັກຕາມປົກກະຕິ.

ນ້ຳຢາຊັກເຄື່ອງ: ຖ້າເປັນຜ້າສີສາມາດກຳຈັດກິ່ນເຕົ່າຈາກເສື້ອໄດ້ດ້ວຍວິທີນີ້ເລີຍ ເລີ່ມຈາກໃຊ້ນຳຢາຊັກເຄື່ອງທາເທິງເສື້ອບໍລິເວນທີ່ມີກິ່ນ ແລ້ວຖູໃຫ້ທົ່ວປະໄວ້ 5ນາທີກ່ອນນຳໄປຊັກປົກກະຕິ ເຊິ່ງວິທີນີ້ຈະເຫັນຜົນດີກວ່າ.

ໝາກນາວ: ໝາກນາວກໍ່ເປັນອີກໜຶ່ງຕົວຊ່ວຍກຳຈັດກິ່ນເຕົ່າຕິດເສື້ອໃຫ້ຫາຍຂາດໄດ້ຄືກັນ ທີ່ສຳຄັນວິທີນີ້ບໍ່ຈຳເປັນຕ້ອງນຳໄປຊັກ ໂດຍໃຊ້ນ້ຳໝາກນາວປະສົມກັບນ້ຳສະອາດ ຈາກນັ້ນທາໃຫ້ທົ່ວບໍລິເວນທີ່ມີກິ່ນ ສຳເລັດແລ້ວກໍ່ນຳເອົາເສື້ອໄປຕາກແດດໃຫ້ແຫ້ງ ກໍ່ສາມາດນຳມານຸ່ງຕໍ່ໄດ້ເລີຍ.


ແຊ່ເຢັນ: ເນື່ອງຈາກກິ່ນໂຕເກີດຈາກແບັກທີເຣຍ ເຊິ່ງແບັກທີເຣຍເຫຼົ່ານັ້ນສາມາດທຳລາຍໄດ້ດ້ວຍການໃຊ້ຄວາມເຢັນ ສະນັ້ນຖ້າທ່ານຢູ່ໃນເງື່ອນໄຂທີ່ບໍ່ສາມາດຊັກໄດ້ໃຫ້ນຳເສື້ອທີ່ມີກິ່ນໃສ່ຖົງຢາງພາສຕິກ ແລ້ວນຳໄປແຊ່ໄວ້ປະມານ12ຊົ່ວໂມງຫຼື1ຄືນ ກ່ອນນຳມາໃສ່ຕໍ່ ພຽງເທົ່ານີ້ກໍ່ໝົດບັນຫາຂີ້ເຕົ່າຕິດເຄື່ອງແລ້ວ.