ສົງສານຈັບໃຈ ລົດພ່ວງລົ້ມທັບວີໂກ້ໂຊເຟີຈາກໄປຢ່າງເຮັດຫຍັງບໍ່ໄດ້

ສົງສານຈັບໃຈ ລົດພ່ວງລົ້ມທັບວີໂກ້ໂຊເຟີຈາກໄປຢ່າງເຮັດຫຍັງບໍ່ໄດ້

11th February 2021 0 By Education

ເປັນທີ່ຮູ້ກັນອຸບັດຕິເຫດເປັນເລື່ອງທີ່ບໍ່ປາຖະໜາຂອງທຸກໆຄົນ ແຕ່ກັບເຫດການນີ້ໜ້າສົງສານເຈົ້າຂອງລົດວີໂກ້ຫຼາຍ ເພາະລາວຂັບລົດມາດີໆ ຕ້ອງຈາກໄປໃນລະຫວ່າງທາງເນື່ອງຈາກຖືກລົດພ່ວງລົ້ມທັບຈົນເຮັດຫຍັງບໍ່ໄດ້.


ເຫດການນີ້ເກີດຂຶ້ນໃນເວລາປະມານ 8ໂ ມງ 30 ນາທີ ຂອງວັນທີ 11 ກຸມພາ 2021 ນີ້ເອງໂດຍໄດ້ມີອຸປະຕິເຫດລົດຕູ້ຄອນເທນເນີ 22 ລໍ້ ໝາຍເລກທະບຽນ H8095v/HR 197 ບັນທຸກສິນຄ້າ ເຊິ່ງມີນໍ້າໜັກຫຼາຍໂຕນແລ່ນດ້ວຍຄວາມໄວຈາກດ່ານບໍ່ແຕນ ແຂວງຫຼວງນໍ້າທາ ເພື່ອນໍາສົ່ງສິນຄ້າໄປ ເຂດເສດຖະກິດພິເສດ ສາມຫຼ່ຽມຄໍາ ເມືອງຕົ້ນເຜິ້ງ ແຂວງບໍ່ແກ້ວ ແຕ່ມາເຖິງ ຈຸດທາງ 4 ແຍກ ພະແນກແຜນການ-ການລົງທຶນແຂວງ ທາງຂຶ້ນກົມການເມືອງ ຫຼື (ພູ 106). ບ້ານ ຫ້ວຍຊາຍໃຕ້ ເມືອງຫ້ວຍຊາຍ ແຂວງບໍ່ແກ້ວ. ລົດຄັນດັ່ງກ່າວໄດ້ເສຍຫຼັກລົ້ມສະແຄງທັບລົດວີໂກຄັນ 1 ທະບຽນ ບໍ່ແກ້ວ, ກກ 4675 ສະພາບຍັບເຢີນ ເຮັດໃຫ້ໂຊເຟີລົດວີໂກ ເປັນເພດຊາຍ ອາຊີບພະນັກງານ ອາຍຸ 37 ເສຍຊີວິດຄາທີ.


ຕາມການສັງລວມຂໍ້ມູນຈາກເຈົ້າໜ້າທີ່ ແລະ ພາກສ່ວນທີ່ກ່ຽວຂ້ອງແລ້ວ ຜູ້ຂັບລົດ 22 ລໍ້ ມີຊື່ວ່າ ທ້າວ ມາ ຫຸຍຢຸນ ອາຊີບ ຂັບລົດບັນທຸກ ອາຍຸ 40 ປີ ເປັນຄົນສັນຊາດຈີນ ໄດ້ບັນທຸກສິນຄ້າຂອງບໍລິສັດ ທົງສິນການຄ້າ ຂາເຂົ້າ – ຂາອອກ ແຂວງຫຼວງນໍ້າທາ ສິນຄ້າປະເພດກະສິກຳ ເຈົ້່າໜ້າທີ່ໄດ້ນຳຕົວໄປກັກຕົວ ປະຕິບັດຕາມກົດໝາຍບ້ານເມືອງ, ສ່ວນຜູ້ເສຍຊີວິດ ແມ່ນ ທ້າວ ຈິດສົມພອນ ຈັນທິວົງສີ ອາຍຸ 37 ປີ ອາຊີບ ພະນັກງານ ສັງກັດຢູ່ ພະແນກການຕ່າງປະເທດ ແຂວງບໍ່ແກ້ວ.

ເຫດການດັ່ງກ່າວທາງເຈົ້່າໜ້າທີ່ຂະແໜງການທີ່ກ່ຽວຂ້ອງສົມທັບກັບໜ່ວຍກູ້ໄພ 1625 ແຂວງບໍ່ແກ້ວ ຍາດຕິພີ່ນ້ອງຜູ້ເສຍຊິວິດໄດ້ຊ່ວຍກັນເອັາສົບອອກຈາກລົດກະບະດ້ວຍຄວາມລຳບາກ ແລະໃຊ້ເວລາ 2 ຊົ່ວໂມງກວ່າ ຈິ່ງສາມາດເອົາສົບອອກໄດ້, ສ່ວນມູນຄ່າການເສຍຢູ່ໃນກໍາລັງສັງລວມຂໍ້ມູນ.


ທ່ານ ນາງ ສີລຽມ ໄຊວົງ ແລະ ທ່ານ ຕ໋ອກ ແກ່ນລົມໄພ ພະນັກງານກາແດງ ປະຈຳສູນເລືອດ ແຂວງບໍ່ແກ້ວ ຜູ້ຢູ່ໃກ້ກັບເຫດການໄດ້ໃຫ້ສຳພາດເປັນສຽງດຽວກັນວ່າ: (ຕົນເອງໄດ້ເຮັດວຽກຫ້ອງການຕາມປົກກະຕິ ບັງເອີນໄດ້ຍິນສຽງດັງສະນັ່ນຕູມ ບໍ່ຮູ້ວ່າແມ່ນຫຍັງຈິງພາກັນອອກໄປແລ້ວເຫັນລົດຕູ້ຄອນເທນເນີ 22 ລໍ້ ໝາຍເລກທະບຽນ H8095v / HR 197ລົ້ມສະແຄງ ທັບລົດກະບະ, ດັ່ງນັ້ນ ຈິ່ງແຈ້ງໃຫ້ພາກສ່ວນກ່ຽວຂ້ອງມາຊ່ວຍເຫຼືອ, ອຸປະຕິເຫດ ຢູ່ຈຸດນີ້ແມ່ນເກີດຫຼາຍຄັ້ງແລ້ວ.

ຂ່າວ-ພາບ ຄໍາພັນ ແກ້ວມະນີ(ໜັງສືພິມ ແຂວງບໍ່ແກ້ວ)