ວ້າວ ເຫັນຜົນທັນຕາ! ໃສ່ຜ້າປຽກລົງໃນເຄື່ອງຊັກຜ້າ ຜົນຮັບທີ່ໄດ້ ໜ້າພໍໃຈຫຼາຍ

ວ້າວ ເຫັນຜົນທັນຕາ! ໃສ່ຜ້າປຽກລົງໃນເຄື່ອງຊັກຜ້າ ຜົນຮັບທີ່ໄດ້ ໜ້າພໍໃຈຫຼາຍ

12th February 2021 0 By Education

ໂດຍສະເລ່ຍຄົນທົ່ວໄປ ໃຊ້ເວລາໃນການຊັກເຄື່ອງປະມານ 4ຄັ້ງຕໍ່ອາທິດ ໃນຂະນະທີ່ຕອນນີ້ຜູ້ຄົນສະດວກສະບາຍຂຶ້ນ ເນື່ອງຈາກມີເຄື່ອງຊັກຜ້າທີ່ທັນສະໄໝ ມາເຮັດວຽກແທນ ແຕ່ເຮົາກໍສາມາດທີ່ຈະປັບປຸງຜົນຮັບຂອງການຊັກເຄື່ອງດ້ວຍຈັກໃຫ້ດີຂຶ້ນໄດ້ອີກ ດ້ວຍເຄັດລັບງ່າຍໆ ດ້ວຍການນໍາໃຊ້ຜ້າປຽກ ຫຼື ທີຊູ້ປຽກ ທີ່ມີສັບພະຄຸນຊ່ວຍກໍາຈັດຂົນ ຫຼື ເສດສໍາລີຕ່າງໆ ອອກຈາກເສື້ອຜ້າໄດ້.

ແນ່ນອນວ່າຫຼາຍທ່ານອາດຍັງສົງໃສກັບເຄັດລັບນີ້ ແລະ ອາດຕັດສິນໃຈລອງເຮັດເອງເພື່ອພິສູດເຄັດລັບນີ້ ແຕ່ເຊື່ອວ່າທ່ານຈະຕ້ອງຍອມຮັບມັນກັບຜົນໄດ້ຮັບທີ່ເກີນຄາດໝາຍແທ້ໆ.

ຜ້າປຽກ ຫຼື ທີຊູ່ປຽກ ຈະຊ່ວຍກໍາຈັດສໍາລີ ແລະ ຜົມອອກຈາກເສື້ອຜ້າທີ່ຮົາຊັກດ້ວຍເຄື່ອງຊັກຜ້າ ພວກມັນຈະເຮັດໜ້າທີ່ເປັນຕົວດູດຊັບເສດຜ້າຊີ້ນນ້ອຍໆ ລວມເຖິງຂົນ ແລະ ຜົມ ເຊິ່ງສິ່ງເຫຼົ່ານີ້ຈະຕິດຢູ່ໃນທີຊູ່ປຽກ ແລະ ເຮັດໃຫ້ເສື້ອຜ້າເບິ່ງສະອາດຂຶ້ນ ທີ່ສໍາຄັນຄືທ່ານບໍ່ຈໍາເປັນຕ້ອງຢິບຈັບເສດຊາກເຫຼົ່ານີ້ອອກດ້ວຍມືຂອງທ່ານເອງ.

ມື້ນີ້ແອັດມິນສຶກສາ-ໄອທີ ຈະນໍາເອົາວິທີການເຮັດເຄັດລັບນີ້ມາໃຫ້ແຟນເພຈລອງເຮັດຕາມເບິ່ງ ໂດຍເລີ່ມຈາກການໃສ່ທີຊູ່ປຽກລົງໃນເຄື່ອງຊັກຜ້າ ແຕ່ຫ້າມເກີນ 3ແຜ່ນ ເມື່ອຈັກຊັກຜ້າເລີ່ມເຮັດວຽກ ທີຊູ່ປຽກຈະປັ່ນປະສົມກັບເຄື່ອງ ແລະ ເກັບຜົມ, ຂົນອອກໄດ້ ເພື່ອປະສິດທິພາບທີ່ດີ ແລະ ໜ້າພໍໃຈ ທ່ານຄວນໃຊ້ທີຊູ່ປຽກຮ່ວມກັບການຊັກເຄື່ອງທຸກຄັ້ງ ພ້ອມເລືອກທີຊູ່ປຽກທີ່ຄຸນນະພາບດີ ແລະ ໝັ້ນໃຈໄດ້ວ່າມັນຈະບໍ່ຈີກຂາດໃນລະຫວ່າງການຊັກ.

ຢ່າໃຊ້ຢ່າງອື່ນແທນທີຊູ່ປຽກ: ຢ່າພະຍາຍາມໃຊ້ຢ່າງອື່ນແທນທີຊູ່ປຽກ ບໍ່ວ່າຈະເປັນກະດາດຫຼືຜ້າ

ຢ່າລືມກໍາຈັດກິ່ນຜ້າປຽກກ່ອນເອົາລົງໃນຈັກຊັກຜ້າ: ຫາກທ່ານບໍ່ຕ້ອງການໃຫ້ເສື້ອຜ້າດູດຊັບກິ່ນຂອງທີຊູ່ປຽກ ໃຫ້ເລືອກຜະລິດຕະພັນທີຊູປຽກຕ້ານເຊື້ອແບັກທີເລຍ ຫຼື ຜະລິດຕະພັນທີ່ບໍ່ມີກິ່ນ ຫຼື ທ່ານສາມາດເພີ່ມນໍ້າຢາປັບຜ້ານຸ່ມ ເພື່ອກໍາຈັດກິ່ນກໍ່ໄດ້ເຊັ່ນກັນ.