ສູດເດັດຊ່ວຍແມ່ບ້ານໃຫ້ໄດ້ໝໍ້ໃໝ່ກັບຄືນມາ

ສູດເດັດຊ່ວຍແມ່ບ້ານໃຫ້ໄດ້ໝໍ້ໃໝ່ກັບຄືນມາ

17th February 2021 0 By Education

ການປະກອບອາຫານກວ່າຈະສຸກໄດ້ໃນແຕ່ລະມື້ແມ່ນໃຊ້ເວລາ ໄດ້ເຜົາມັນດ້ວຍຄວາມຮ້ອຍສູງ ເມື່ອເຜົາດົນໄປໝໍ້ກໍ່ມີຄາບຝັງແໜ້ນຫຼາຍຂຶ້ນທຸກວັນ ມີແມ່ບ້ານຫຼາຍທ່ານທີ່ມັກສະອາດກໍ່ໃຊ້ນ້ຳຢາລ້າງຈານຖູໃຫ້ສະອາດທີ່ສຸດ ແຕ່ກໍ່ຍັງມີຄາບດຳໆຢູ່ນັ້ນແລ ມື້ນີ້ແອັດສືກສາ-ໄອທີ ພໍ້ເຄັດລັບດີໆຈິ່ງເກັບມາຝາກ.


ການລ້າງຄາບເປື້ອຍເຫຼົ້ານັ້ນຕ້ອງໃຊ້ອຸວັດຖຸ ແລະສິ່ງຂອງບາງຢ່າງເຊັ່ນ: ນຳແປ້ງສາລີ 1 ບ່ວງ(ບ່ວງກິນເຂົ້າ)ມາປະສົມກັບເກືອແລ້ວເອົານ້ຳສົ່ມສາຍຊູ1 ບ່ວງ ມາທາປະສົມກັນໃສ່ກົ້ນໝໍ້ບ່ອນເຮົາຈະທຳຄວາມສະອາດ ຫຼັງຈາກນັ້ນໃຊ້ຟອງນ້ຳເຊັດໃຫ້ທົ່ວແລ້ວລ້າງອອກດ້ວຍນ້ຳຮ້ອນທີ່ປະສົມນ້ຳຢາລ້າງຈານ ພຽງເທົ່ານີ້ໝໍ້ດຳໆເກົ່າໆກັບມາໃໝາແນ່ນອນ.


ກໍລະນີເປັນໝໍ້ສະແຈນເລດຫາກຕ້ອງການກຳຈັດຄາບໄໝ້ໃຫ້ຂາວເປັນເງົາງາມ ກ່ອນອື່ນໃຫ້ເອົາໝໍ້ທີ່ເປື້ອນຢູ່ນັ້ນລົງໄປໃນນ້ຳຮ້ອນທີ່ປະສົມນ້ຳຢາລ້າງຈານກ່ອນ ເພື່ອກຳຈັດຄາບມັນ ຫຼັງຈາກນັ້ນນຳຂຶ້ນມາໂຮຍດ້ວຍແບັກກິ້ງໂຊດາແລ້ວຕາມດ້ວຍການໃຊ້ຟອຍລ້າງຖ້ວຍຖູທັງຖູທັງລ້າງນ້ຳອຸ່ນປະສົມນ້ຳຢາລ້າງຈານແລ້ວລ້າງອອກດ້ວຍນ້ຳສະອາດ ເທົ່ານີ້ແລບໍ່ມີຫຍັງຍາກຖ້າຢາກໃຫ້ໝໍ້ຊາວເງົາງາມລອງເອົາໄປປະຕິບັດ.

ບັດນີ້ສຳລັບຜູ້ທີ່ນິຍົມໃຊ້ໝໍ້ທອງແດງ ແອັດມິນສຶກສາ-ໄອທີບອກເລີຍງ່າຍສຸດ ມີແຕ່ເອົາຊັອດໝາກເລັ່ນເທລົງໃສ່ກົ້ນໝໍ້ປະໄວ້ປະມານ 10 ນາທີ ຫຼື ຖ້າຄາບເປື້ອນຫຼາຍເກີນໄປກໍ່ປ່ອຍຊັອດໃຫ້ດົນຂຶ້ນ ຫຼັງຈາກນັ້ນຈິ່ງຄັດອອກ, ຊັອດໝາກເລັ່ນສາມາດກັດຮອຍເປື້ອຍເຫຼົ່ານັ້ນອອກຢ່າງງ່າຍດາຍທີ່ສຸດ.


ຖ້າກໍລະນີໝໍ້ໄໝ້ທັງດ້ານໃນ ແລະດ້ານນອກ ກໍ່ແກ້ດ້ວຍການເທແບັກກິ້ງໂຊດາ 4-5 ບ່ວງລົງໃນຊາມຄົນສ່ວນປະກອບເຂົ້າກັນແລ້ວເອົາໝໍ້ທີ່ເປື້ອນຄາບນັ້ນລົງຊາມປະມານປະມານເຄິ່ງຊົ່ວໂມງຂຶ້ນໄປຫາ 50 ນາທີ ຈິ່ງເອົາກັບມາຂັດຖູ ເທົ່ານີ້ແລສະອາດສວຍງາມແລ້ວ.