ລະອອງນໍ້າໃນອາກາດສາມາດແຜ່ເຊື້ອໄວຣັສໂຄໂຣນາໄດ້

ລະອອງນໍ້າໃນອາກາດສາມາດແຜ່ເຊື້ອໄວຣັສໂຄໂຣນາໄດ້

10th February 2020 0 By Education

ການລະບາດຂອງເຊື້ອໄວຣັສສາຍພັນໃໝ່ຢູ່ຫຼາຍປະເທດຍັງເປັນສິ່ງທີ່ຄົນທົ່ວໂລກໃຫ້ຄວາມສົນໃຈ ແລະ ເປັນກັງວົນ ຫ່ວງຈະໄດ້ຮັບການແຜ່ລະບາດເຂົ້າສູ່ປະເທດຂອງຕົນເອງ, ເວົ້າລວມ ເວົ້າສະເພາະແມ່ນ ລາວເຮົາເອງ ເຖິງແມ່ນວ່າພາກລັດຈະມີມາດຕະການເຂັ້ມງວດໃນການປ້ອງກັນເຊື້ອພະຍາດດັ່ງກ່າວ ແຕ່ການປ້ອງກັນທີ່ດີຕ້ອງເລີ່ມຈາກໂຕເຮົາເອງ.

ສໍານັກຂ່າວຊິນຫົວຂອງ ສປ ຈີນ ລາຍງານໃນວັນທີ 8 ກຸມພາ 2020 ໂດຍອີງຕາມການເຜີຍແຜ່ຂໍ້ມູນໃນງານຖະແຫຼຂ່າວຢູ່ຊຽງໄຮ ທີ່ກ່າວໂດຍທ່ານ Zeng Qun, ຮອງຫົວໜ້າສໍານັກ ກິດຈະການການບິນພົນລະເຮືອນ ຊຽງໄຮ ໃຫ້ຮູ້ວ່າ: ອີກເສັ້ນທາງການແຜ່ເຊື້ອຂອງເຊື້ອໄວຣັສໂຄໂຣນາແມ່ນເກີດຂຶ້ນຜ່ານທາງລະອອງນໍ້າໃນອາກາດ (Aerosol) ເຊິ່ງອາດເປັນຂອງແຂງແຂວນລອຍຂະໜາດນ້ອຍໃນອາກາດ ຫຼື ລະອອງນໍ້າ ຫຼື ໃນຮູບແບບທີ່ເປັນອາຍແກັສ.


ເສັ້ນທາງສາຍຫຼັກການຕິດຕໍ່ອື່ນໆ ປະກອບມີ ການແຜ່ເຊື້ອຜ່ານການສໍາຜັດ ແລະ ລະອອງຈາກລະບົບຫາຍໃຈ, ທ່ານ Zeng ຮຽກຮ້ອງໃຫ້ປະຊາຊົນຈົ່ງຮ່ວມມືກັນ ໃນການຕ້ານການແຜ່ລະບາດຂອງໂລກນີ້, ຍົກເລີກກິດຈະກໍາ ທີ່ມີການຮວມໂຕກັນຂອງຄົນໃນສັງຄົມ, ເປີດປ່ອງຢ້ຽມ ຢ່າງເປັນປົກກະຕິ ເພື່ອໃຫ້ເກີດການໝູນວຽນຂອງອາກາດ ແລະ ໝັ່ນລ້າງມືຂ້າເຊື້ອຢ່າງເປັນປະຈໍາ

ທີ່ມາ: Lao youth radio station FM 90.0 MHz