ເອົາອີກແລ້ວ! ມາອີກກໍລະນີ ຖືກຕົວະໂອນເງິນຊື້ລົດ ຫຼັງໄດ້ເງິນມິດສາຊີບໜີຈ້ອຍ

ເອົາອີກແລ້ວ! ມາອີກກໍລະນີ ຖືກຕົວະໂອນເງິນຊື້ລົດ ຫຼັງໄດ້ເງິນມິດສາຊີບໜີຈ້ອຍ

12th March 2021 0 By Education

ມາອີກປະເດັນ ເຫດການປະກົດການຫຍໍ້ທໍ້ ຖືກຕວະຊື້ລົດຈັກລາຄາຖືກຜ່ານທາງອອນລາຍ ຜູ້ເສຍຫາຍຫຼົງເຊື່ອໂອນເງິນໃຫ້ ສຸດທ້າຍ ມິດສາຊີບມິດຈ້ອຍໜີຫາຍເຂົ້າກີບເມກ ພ້ອມຫອບເງິນ 6ລ້ານໜີຫາຍ.

ໂດຍມີຜູ້ໃຊ້ເຟສບຸກທ່ານໜຶ່ງອອກມາໂພສພາບພ້ອມລະບຸຂໍ້ຄວາມກ່ຽວກັບວິທີການຕົວະຂອງມິດສາຊີບນີ້ໄວ້ວ່າ: ວິທີການຕົວະຂອງມິດສາຊີບນີ້ແມ່ນ ໂພສຂາຍລົດລາຄາຖືກມີຄົນສົນໃຈກໍ່ໃຫ້ໂອນເງິນມາ ຜູ້ເສຍຫາຍໂອນງ່າຍຍ້ອນເຫັນວ່າລົດລາຄາຖືກຄວາມຢາກໄດ້ບັງເຫດຜົນຕ່າງໆຈົນຫມົດ.

ໂດຍໃຫ້ໂອນຫາຄົນທີ່ຮັບໂອນເງິນໄປໄທ ຫລື ຮ້ານແລກປ່ຽນເງິນຕາ ຜູ້ເສຍຫາຍໂອນເງິນເຂົ້າເຂົາກໍ່ໃຫ້ບຸກຄົນ ຫລື ຮ້ານໂອນໄປໄທ ແລະ ກະບັອກຜູ້ເສຍຫາຍຫນີ (ຜູ້ທີ່ຕົ້ມແມ່ນຄົນໄທຍາກໃນການຕິດຕາມດຳເນີນຄະດີ).

ແນວໃດກໍ່ຕາມ ຝາກທຸກຄົນທີ່ເຊື່ອຄົນງ່າຍ ຫຼື ມັກຊື່ເຄື່ອງຜ່ານທາງອອນລາຍ ໃຫ້ມີສະຕິລະວັງຕົວ ກວດສອບໃຫ້ດີ ບໍ່ດັ່ງນັ້ນ ທ່ານອາດຖືກຕົວະຄືກັບກໍລະນີນີ້.