ຍິນດີນຳ ນັດ ເທບຫັດສະດິນ ດາວຮ້າຍໃນລະຄອນທີ່ໄດ້ລູກສາວມາເຊີຍຊົມແລ້ວ

ຍິນດີນຳ ນັດ ເທບຫັດສະດິນ ດາວຮ້າຍໃນລະຄອນທີ່ໄດ້ລູກສາວມາເຊີຍຊົມແລ້ວ

16th March 2021 0 By Education

ນັດ ເທບຫັດສະດິນ ຫຼາຍຄົນອາດບໍ່ຮູ້ຊື່ເພິ່ນແຕ່ເປັນທີ່ຄຸ້ນຕາໃນນາມດາວຮ້າຍໃນລະຄອນໄທຫຼາຍເລື່ອງ ຫາກຊີວິດຈີງກໍ່ເປັນພະເອກທີ່ຫຼາຍໆຄົນຕ້ອງອິດສາ ເຊິ່ງຫຼັງຈາກທີ່ໜຸ່ມນັດໄດ້ເຂົ້າປະຕູວິວາກັບສາວ ນານ່າ ທັນຍາ ໃນເດືອນກໍລະກົດປີ 2019 ທັງສອງກໍ່ວາງແຜນໃຫ້ມີທາຍາດໂດຍໄວທີ່ສຸດ ແລະສຸດທ້າຍກໍ່ສົມຫວັງ ດຽວນີ້ລູກສາວຄົນທຳອິດໄດ້ອອກມາໃຫ້ຮັກໃຫ້ແພງກັນແລ້ວ.

ເອີ້ນວ່າພໍ່ນັດ ຕື່ນເຕັ້ນເປັນທີ່ສຸດເພາະວັນເວລາຜ່ານໄປຕັ້ງ 37 ປີຫາກໍ່ໄດ້ທາຍາດຄົນທຳອິດຂອງຕົນມາໃຫ້ເຊີຍຊົມ ຈິ່ງບໍ່ແປກທີ່ທັນທີເຫັນໜ້າລູກ ນັດໃຫ້ສັນຍາວ່າຈະດູແລລູກສາວຄົນນີ້ທັ້ງຊີວິດ.

ສຳລັບລູກສາວຂອງນັດ ແລະ ນານ່າ ແມ່ນໄດ້ອອກມາລາຍງານຕົວໃນວັນທີ 14 ມີນາ 2021 ຜ່ານມານີ້ເອງ ທັງສອງຕັ້ງຊື່ໃຫ້ລູກວ່າ ທັນຍາລັດ ເທບຫັດສະດິນ ຊື່ຫຼິ້ນວ່າ ນ້ອງ ເນລ່າ.

ໜຸ່ມນັດໄດ້ໂພສລົງໃນເຟສບຸກສ່ວນຕົວວ່າ: ຮັກແລກພົບກອດແລກຂອງພໍ່ຕື່ນເຕັ້ນດີໃຈ ຕື້ນຕັນຈົນນ້ຳຕາໄຫຼອະທິບາຍບໍ່ຖືກ ພໍ່ຈະຮັກດູແລ ແລະປົກປ້ອງລູກກັບແມ່ໝົດທັ້ງຊີວິດ ດີໃຈທີ່ເຮົາໄດ້ພົບກັນສະທີນະລູກສາວຄົນງາມຂອງພໍ່.

ຂະນະທີ່ນານ່າເອງກໍ່ໂພສລະບຸວ່າ: ນ້ອງມາແລ້ວເດີ້ ຮູ້ສຶກມີຄວາມສຸກຢ່າງບອກບໍຖືກ ມາແບບບໍ່ທັນຕັ້ງຕົວເລີຍ ຄວາມຈີງຄວນເປັນອາທິດໜ້າ ແຕ່ເພິ່ນມາໄວກວ່າແຜນພໍດີຖືກໃຈ ແດັດດີ໋ເພິ່ນທີ່ເຝົ້າລໍວັນຢາກພົບເນລ່າໃຈຈະຂາດ ລູກເນລ່າແມ່ນແຂງແຮງ ໄຫ້ສຽງດັງຟັງຊັດຕັ້ງແຕ່ອອກມາຈາກທ້ອງມາມີ້ ຮັກທີ່ສຸດນະເນລ່າ….

ຍິນດີນຳທັງສອງຄົນເດີ້