ຍາມລໍາບາກຊ່ວຍເຫຼືອກັນ ມອບເງິນຊ່ວຍເຫລືອຊາວເມືອງອູຮັ່ນ ແລະ ປະຊາຊົນຈີນ

ຍາມລໍາບາກຊ່ວຍເຫຼືອກັນ ມອບເງິນຊ່ວຍເຫລືອຊາວເມືອງອູຮັ່ນ ແລະ ປະຊາຊົນຈີນ

12th February 2020 0 By Entertain

ສະມາຄົມມິດຕະພາບລາວ-ຈີນ ຮ່ວມກັບ ນະຄອນ ຫລວງວຽງຈັນ ຈັດງານລະດົມທຶນ ເພື່ອຊ່ວຍເຫລືອຜູ້ເຄາະຮ້າຍ ທີ່ຕິດເຊື້ອພະຍາດອັກເສບປອດ ຈາກເຊື້ອຈຸລະໂລກ ສາຍພັນໃໝ່ ຫລື ເຊື້ອໄວຣັສໂຄໂຣນາ ຢູ່ ສປ ຈີນ ໃນວັນທີ11 ກຸມພາ 2020 ຢູ່ທີ່ ໂຮງແຮມ ແລນມາກ ໂດຍການເຂົ້າຮ່ວມຂອງທ່ານ ສົມດີ ດວງດີ ຮອງນາຍົກລັດຖະມົນຕີ, ລັດຖະມົນຕີກະຊວງການເງິນ, ທ່ານ ສິນລະວົງ ຄຸດໄພທູນ ເຈົ້າຄອງນະຄອນຫລວງວຽງຈັນ ພ້ອມດ້ວຍພາກສ່ວນກ່ຽວຂ້ອງ.

ເງິນທີ່ໄດ້ຈາກການລະດົມທຶນໃນຄັ້ງນີ້, ຈະນຳໄປຊື້ອຸປະກອນທີ່ຈຳເປັນ ເພື່ອນຳໄປຊ່ວຍເຫລືອປະຊາຊົນຈີນ ທີ່ໄດ້ຮັບຜົນກະທົບຈາກເຊື້ອໄວຣັສດັ່ງກ່າວ ທັງນີ້ເພື່ອສະແດງໃຫ້ເຫັນເຖິງນໍ້າໃຈ, ຄວາມເປັນຫ່ວງເປັນໃຍ ແລະ ແບ່ງເບົາຄວາມທຸກໂສກຂອງປະເທດເພື່ອນມິດ ລວມເຖິງແຂວງ ສປ ຈີນແຮກສ່ຽວ ກັບນະຄອນຫລວງວຽງຈັນ.

ການລະດົມທຶນຍັງຈະສຶບຕໍ່ດຳເນີນໄປອີກ ເປັນເວລາ1ອາທິດ ເຊິ່ງບຸກກຄົນໃດຫາກມີຄວາມຕ້ອງການ ຢາກຈະປະກອບສ່ວນໃນການບໍລິຈາກໃນຄັ້ງນີ້ ສາມາດໄປບໍລິຈາກໄດ້ທີ່ ກະຊວງພະລັງງານ ແລະ ບໍ່ແຮ່ ແລະ ຫ້ອງວ່າການປົກຄອງນະຄອນຫລວງວຽງຈັນ ສຳລັບ ຕ່າງແຂວງ ກໍ່ສາມາດໄປບໍລິຈາກໄດ້ທີ ພະແນກການຕ່າງປະເທດ ແລະ ພະແນກພະລັງງານ ແລະ ບໍ່ແຮ່ ປະຈຳແຂວງ ໃນຂອບເຂດທົ່ວປະເທດ.

.

.

ຈາກ: VTE9