ນ້ອງໄບ້ເສຍໃຈສຸດໃນຊີວິດ ແມ່ຈາກໄປຢ່າງບໍ່ມີວັນກັບຄືນມາ

ນ້ອງໄບ້ເສຍໃຈສຸດໃນຊີວິດ ແມ່ຈາກໄປຢ່າງບໍ່ມີວັນກັບຄືນມາ

23rd March 2021 0 By Education

ສຸດທີ່ຈະອາໄລຫາແມ່ນ້ອງໄບ້ ພິທີກອນຂ່າວຄູ່ຂັວນຂອງ ສໍລະຍຸດ ທີ່ຈາກໄປຢ່າງບໍ່ມີວັນກັບຄືນມາໃນວັນທີ 23 ມີນາ 2021 ນີ້ ທ່າມກາງຄວາມເສຍໃຈຂອງຄອບຄົວ ພາຍຫຼັງປ່ວຍເປັນມະເຮັງພະຍາດທີ່ຍາກທີ່ຈະເອົາຢູ່.

ນ້ອງໄບ້ໄລຍະຫຼັງມານີ້ບາງວັນໄດ້ຫາຍຈາກໜ້າຈໍຂ່າວ ຍ້ອນຕ້ອງໄປເບິ່ງແຍງແມ່ທີ່ປ່ວຍຕິດຕຽງ ເຮັດໜ້າທີ່ລູກໃຫ້ດີທີ່ສຸດຫວັງໃຫ້ແມ່ໄດ້ຢູ່ນຳລູກໄປດົນໆ ແຕ່ສຸດທ້າຍກໍ່ບໍ່ສາມາດຍື້ຊີວິດເພິ່ນໄດ້.

ສຳລັບແມ່ຂອງນ້ອງໄບ້ແລ້ວ ໃນທຸກຊ່ວງເວລາດີໆກໍ່ມີເພິ່ນຢູ່ຄຽງຂ້າງສະໝີແມ່ນແຕ່ເວລາໜຸ່ມໂຕ໋ສັກສິດ ມາຂໍແຕ່ງງານແມ່ປ່ວຍຕິດຕຽງບໍ່ສາມາດເມືອເຮືອນໄດ້ພໍ່ພາກັນຈັດພິທີຂໍໝັ້ນຢູ່ໂຮງໝໍໃຫ້ມີແມ່ຮ່ວມພິທີນຳ ມີແມ່ເປັນບຸກຄົນສຳຄັນໃນງານໝັ້ນໝາຍໃຫ້ເພິ່ນດີໃຈລູກສາວຜູ້ທີ່ຮັກດັ່ງດວງໃຈເປັນຝ່ັງເປັນຝາແລ້ວ.

ນ້ອງໄບ້ເຄີຍບອກວ່າ ແມ່ຍາມໃດກໍ່ຄືແມ່ແມ່ນວ່າລູກຈະໃຫຍ່ເປັນສາວຮອດໄວທີ່ຕ້ອງດູແລເບິ່ງແຍງແມ່ແລ້ວແຕ່ແມ່ຍັງຄອຍຫ່ວງໃຍສະເໝີ ໃນຕອນທີ່ແມ່ຍັງແຂງແຮງເຖິງລູກຈະທຳມາຫາກິນເປັນແລ້ວ ແມ່ຍັງແຕ່ງກິນໃຫ້ທຸກວັນຢ້ານໄປອາກິນອາຫານຂ້າງນອກບໍສະອາດບໍຄືທີ່ແມ່ເຮັດ, ທຸກວັນແມ່ຕ້ອງຫາເຂົ້າປາອາຫານລວມເຖິງນ້ຳດື່ມສະໝູນໄພໃຫ້ນ້ອງໄບ້ຫໍ່ໄປຫ້ອງການນຳ.

ການສູນເສຍຄັ້ງນີ້ຄົງເປັນເຫດການທີ່ເສົ້າສຸດສຳລັບລູກຄົນໜຶ່ງທີ່ຕ້ອງເສຍແມ່ຜູ້ບັງເກີດເກົ້າໄປຕະຫຼອດການ ຄວາມຮັກທີ່ແມ່ມີໃຫ້ກໍ່ຍັງໄວ້ເປັນພຽງຄວາມຊົງຈຳໃຫ້ລູກຫຼານ ແລະບໍ່ມີອີກແລ້ວຜູ້ຈະມາຄອຍຫ່ວງໃຍຄືກັບແມ່