ນອນໂຮງໝໍຍາວນານ 1 ເດືອນ ມື້ນີ້ກັບສູ່ອ້ອມກອດຄອບຄົວແລ້ວ

ນອນໂຮງໝໍຍາວນານ 1 ເດືອນ ມື້ນີ້ກັບສູ່ອ້ອມກອດຄອບຄົວແລ້ວ

1st April 2021 0 By Education

ຍັງອີກພຽງ 14 ວັນຖ້າກວດຜົນເປັນລົບອີກສະແດງວ່າຜູ້ປ່ວຍໂຄວິດ-19 ລາຍທຳອິດຂອງແຂວງສະຫວັນນະເຂດຈະໄດ້ອອກໃຊ້ຊີວິດຕາມປົກກະຕິແລ້ວ ຫຼັງແພດໝໍກວດສອງຄັ້ງແລ້ວບໍ່ພົບເຊື້ອ ແລະຮ່ວມສົ່ງຜູ້ກ່ຽວກັບສູ່ຄອບຄົວເປັນທີ່ຮຽບຮ້ອຍໃນສອງວັນຜ່ານມາ.


ໂດຍຢູ່ທີ່ໂຮງໝໍແຂວງສະຫວັນນະເຂດ, ໃນວັນທີ 30 ມີນາ 2021 ຄະນະພະແນກສາທາລະ ນະສຸກແຂວງສະຫວັນນະເຂດ ເຊິ່ງນຳໂດຍ ທ່ານ ດຣ ຕຽງ ຄຳ ປ້ອງວົງສາຮອງຫົວໜ້າ ພະແນກສາທາລະນະສຸກ ແຂວງ, ທ່ານ ດຣ ນາງ ພູວິໄລ ແກ້ວມຸງຄຸນ ອຳນວຍການໂຮງໝໍ ແຂວງສະຫວັນນະເຂດ ພ້ອມດ້ວຍຄະນະແພດຜູ້ປິ່ນປົວ ໄດ້ຮ່ວມພິທີສົ່ງທ້າວ ໄໝ ປະ ຊາຊົນບ້ານໂນນຝາຍ ເມືອງ ສອງຄອນ ແຂວງສະຫວັນນະເຂດກັບຄືນ ບ້ານຂອງຕົນເປັນທີ່ຮຽບຮ້ອຍແລ້ວ.

ເຊິ່ງທ້າວໄໝເປັນຜູ້ທີ່ຕິດເຊື້ອພະຍາດໂຄວິດ-19 ກໍລະນີທຳອິດຂອງແຂວງສະຫວັນນະ ເຂດ ພາຍຫຼັງທີ່ຜູ້ກ່ຽວໄດ້ຮັບການປິ່ນປົວດີແລ້ວ. ທ້າວ ໄໝ ແມ່ນຜູ້ໃຊ້ແຮງງານຄົນລາວ ທີ່ເຄີຍໄດ້ໄປເຮັດວຽກຢູ່ປະ ເທດໄທແລ້ວກັບຄືນປະເທດຈາກນັ້ນໄດ້ເຂົ້າສູນກັກກັນທີ່ສະໜາມກິລາຫຼັກ 4 ຂອງແຂວງສະຫວັນນະເຂດ ແລະໄດ້ກວດພົບວ່າມີເຊື້ອພະຍາດ ໂຄວິດ-19 ໃນວັນທີ 9 ມີນາ 2021.

ຫຼັງຈາກນັ້ນກໍ່ໄດ້ນຳ ຕົວຜູ້ກ່ຽວເຂົ້າພັກປິ່ນປົວຢູ່ ຫ້ອງແຍກປ່ຽວຂອງໂຮງໝໍ ແຂວງສະຫວັນນະເຂດ ແລະ ຄະນະແພດຜູ້ປິ່ນປົວໄດ້ເອົາ ໃຈໃສ່ຕິດຕາມຜູ້ກ່ຽວຢ່າງໃກ້ ຊິດແຕ່ຜູ້ກ່ຽວບໍ່ມີການສະແດງ ອາການໃດໆ. ຈົນຮອດວັນທີ 23 ແລະ 24 ມີນາ, ແພດວິ ເຄາະໄດ້ກວດຫາ ເຊື້ອພະຍາດ ໂຄວິດ-19 ແຕ່ບໍ່ພົບເຊື້ອ.

ສະນັ້ນ, ມາໃນວັນທີ 30 ມີນາ 2021 ທາງຄະນະພະແນກສາ ທາລະນະສຸກແຂວງ ກໍ່ຄືໂຮງ ໝໍແຂວງສະຫວັນນະເຂດ ຈິ່ງໄດ້ສົ່ງຕົວຜູ້ກ່ຽວໃຫ້ກັບບ້ານໄດ້ ແຕ່ຍັງໄດ້ຮັບການຕິດຕາມຈາກຄະນະແພດໃນໄລຍະເວລາ 14 ວັນ./.