ປະກາດປິດ ນະຄອນຫຼວງໝົດເດືອນນີ້ຍົກເວັ້ນແຕ່ຜູ້ເຈັບປ່ວຍ

ປະກາດປິດ ນະຄອນຫຼວງໝົດເດືອນນີ້ຍົກເວັ້ນແຕ່ຜູ້ເຈັບປ່ວຍ

13th April 2021 0 By Education

ດັ່ງທີ່ໄດ້ລາຍງານຂ່າວໄປກ່ອນໜ້ານີ້ ເຊິ່ງໃນວັນທີ 11 ເມສາຜ່ານມາ ປະເທດເຮົາໄດ້ກວດພົບຜູ້ຕິດເຊື້ອສອງຄົນ ໜຶ່ງໃນນັ້ນເປັນບຸກຄົນທີ່ມີປະຫວັດເຄື່ອນໄຫວຫຼາຍບ່ອນ ສະນັ້ນ ເພື່ອຄວາມປອດໄພ ນະຄອນຫຼວງວຽງຈັນກຽມຈະລັອກດາວຕະຫຼອດເດືອນນີ້ບໍ່ໃຫ້ມີການເດີນທາງເຂົ້າ-ອອກ.


ເຊິ່ງນະຄອນຫຼວງວຽງຈັນໄດ້ມີການລາຍງານຫາສຳນັກງານນາຍົກລັດຖະມົນຕີ ເພື່ອປິດການເດີນທາງທ່ອງທ່ຽວເຂົ້າ-ອອກ (Lock down)ນະຄອນຫຼວງນັບແຕ່ວັນທີ 13-30 ເມສານີ້.


ໃນແຈ້ງການລະບຸວ່າ: ພາຍຫຼັງກວດພົບເຊື້ອພະຍາດ Cavid-19 ໃນວັນທີ 11 ເມສາ 2011 ຜູ້ປ່ວຍເຊິ່ງເປັນນັກທຸລະກິດ ໄດ້ເຄື່ອນໄຫວໃນຊຸມນະຄອນຫຼວງວຽງຈັນ ຢູ່ຫຼາຍແຫ່ງ, ຄະນະສະເພາະກິດນະຄອນຫຼວງ ໄດ້ສັ່ງປິດ ຮ້ານອິນເຕີເນັດກາເຟ່ໃນມື້ດຽວກັນ ຢູ່ທົ່ວເມືອງຈັນທະບູລື ແລະ ມື້ຕໍ່ມາ ໄດ້ສັ່ງປິດທົ່ວນະຄອນຫຼວງວຽງຈັນ, ສ່ວນ ຜູ້ກ່ຽວ ໄດ້ເອົາເຂົ້າຕິດຕາມອາການ ແລະ ປິ່ນປົວຢູ່ໂຮງຫມໍມິດຕະພາບ, ສໍາລັບແຟນສາວ ແລະ ພະນັກງານ 6 ຄົນ, ຍິງ 3 ຄົນ ໃນຮ້ານອິນເຕີເນັດກາເຟຂອງຜູ້ກ່ຽວ ໄດ້ເອົາໄປກວດເລືອດດ່ວນ ຜົນກວດອອກມາແມ່ນເປັນລົບ, ປະຈຸບັນໄດ້ ນໍາໄປຈຳກັດບໍລິເວນ, ສ່ວນຜູ້ທີ່ພົວພັນໃກ້ສິດກັບແຟນສາວ ແລະ ພະນັກງານຮ້ານອິນເຕີເນັດກາເຟ ແມ່ນໄດ້ ສັ່ງໃຫ້ກັກກັນຕົນເອງຢູ່ກັບເຮືອນ ແລະ ມອບໃຫ້ກອງຫຼອນ, ປກສ ບ້ານ ສະກັດກັ້ນບໍ່ໃຫ້ຄົນໃນອອກ ແລະ ຕົ້ນທາງ ນອກເຂົ້າໄປໃນບ້ານເຮືອນຂອງພວກກ່ຽວ.


ເນື່ອງຈາກວ່າຜູ້ຕິດເຊື້ອພະຍາດ Covid-19 ເປັນການກວດພົບເຫັນໃນຊຸມຊົນນະຄອນຫຼວງວຽງຈັນ ຊຶ່ງ ການເຄື່ອນໄຫວຂອງຜູ້ຕິດເຊື້ອມີຂອບເຂດກວ້າງຂວາງໃນຫຼາຍແຫ່ງ, ຫຼາຍສະຖານທີ່ ແລະ ຊ່ວງນີ້ມວນຊົນຊາວ ນະຄອນຫຼວງວຽງຈັນ ພວມສະຫຼອງຫຼິ້ນທ່ຽວບຸນປີໃຫມ່ລາວ ຄາດວ່າຈະມີຜູ້ເດີນທາງໄປທຸກໆແຂວງ ໃນທົ່ວປະເທດ ແລະ ຈະມີນັກທ່ອງທ່ຽວພາຍໃນ ຈາກທົ່ວປະເທດ ມາຫຼິ້ນທ່ຽວຢູ່ນະຄອນຫຼວງວຽງຈັນ, ສະນັ້ນ ນະຄອນຫຼວງວຽງຈັນ ຈຶ່ງຂໍອະນຸມັດປີດການເດີນທາງທ່ອງທ່ຽວເຂົ້າ-ອອກ (Lock down) ນະຄອນຫຼວງວຽງຈັນ ນັບແຕ່ວັນທີ 13-30 ເມສາ 2021 ໄວ້ກ່ອນ.

ຍົກເວັ້ນການຂົນສົ່ງສິນຄ້າ, ຄົນເຈັບ ແລະ ຄົນເກີດອຸປະຕິເຫດ, ເພື່ອເປັນມາດຕະການສູງສຸດ ບໍ່ໃຫ້ມີ ການແຜ່ເຊື້ອພະຍາດ Covid-19 ຈາກຊຸມຊົນນະຄອນຫຼວງວຽງຈັນ ອອກໄປຍັງແຂວງອື່ນໆ.
, ສໍາລັບມາດຕະການສັງ ຫ້າມ, ສັ່ງປິດ, ສັ່ງງົດອື່ນໆ ຕາມຄໍາສັ່ງຂອງຄະນະສະເພາະກິດສູນກາງ ແລະ ນະຄອນຫຼວງວຽງຈັນ ພວມຈັດຕັ້ງປະຕິບັດ ຢູ່ໃນປະຈຸບັນນີ້ ແມ່ນຍັງຈະສືບຕໍ່ຈັດຕັ້ງປະຕິບັດຢ່າງເຂັ້ນງວດຕໍ່ໄປ.