ແທ້ລະບໍນີ້ ກໍລະນີ 54 ຕາມມາ, ເຂົ້າທາງເຮືອອີກແລ້ວ

ແທ້ລະບໍນີ້ ກໍລະນີ 54 ຕາມມາ, ເຂົ້າທາງເຮືອອີກແລ້ວ

16th April 2021 0 By Education

ຕາມຂ່າວບໍ່ເປັນທາງການມື້ນີ້ ຕາມການລາຍງານຂອງແຂວງສາລະວັນແຈ້ງວ່າ ຜູ້ພົບເຊື້ອເລກທີ 54 ທີ່ເມືອງຄົງເຊໂດນ ແຂວງສາລວັນ, ຂ່າວບອກອີກວ່າຕອນນີ້ຮ້ານເຝີລວມທັງຄອບຄົວຕ້ອງກັກຕົວຍ້ອນເພິ່ນເຂົ້າມາໂດຍບໍ່ທັນກັກຕົວ.

ຜູ້ກ່ຽວອາຍຸ 32 ປີ, ບ້ານ ນາເຕ໋ຍ ເມືອງ ຄົງເຊໂດນ ແຂວງ ສາລະວັນ, ຜູ້ກ່ຽວເດີນທາງຈາກ ປະເທດໄທດ້ວຍລົດຫົວ ມາຮອດປາກແຊງ ເວລາ 20:00ໂມງ ວັນທີ 11/4/2021 ຂ້າມເຮືອມາພັກຢູ່ເຮືອນເຈົ້າ ຂອງເຮືອ (ບໍ່ຮູ້ຊື່) ມານໍາກັນ 2 ຄົນ ເປັນເພດຍິງ ຄົນສະຫວັນນະເຂດ ແຖວຫລັກ 35 ປະມານ 3 ໂມງໄກ້ແຈ້ງ, ຫລັງຈາກນັ້ນ ໄດ້ຂີ່ລົດຮຸນໃດ ມາຮອດເມືອງຄົງ ເຊໂດນ ປະມານ 4 ໂມງ 20 ນາທີ ແລ້ວລົງຢູ່ຕະຫຼາດຄິວລົດເມືອງຄົງ ເຊໂດນ ແລ້ວເມຍກັບລູກເອົາລົດຈັກມາຮັບກັບບ້ານ ນາເຕີຍ ບໍ່ໄດ້ແວ່ໃສ, ຫລັງຈາກຮອດ ເຮືອນແລ້ວໄດ້ໄປຫລີ້ນເຮືອນ ທ້າວ ຫມອມ ອາຍຸປະມານ 35 ປີ ຫ່າງຈາກເຮືອນຜູ້ກ່ຽວປະມານ 20 ແມັດ, ແລ້ວມາເຮືອນ.

ມື້ຕໍ່ມາ ວັນທີ 13. 4. 2021 ໄດ້ໄປຕະຫລາດເມືອງຄົງເຊໂດນ ກັບເມຍ ຫລັງຈາກນັ້ນ ນາຍບ້ານໂທນໍາ ກັບເມືອ ແລ້ວແວ່ຊື້ເຝີ, ມ່າເພ້ຍ ຢູ່ບ້ານ ບົວລະພາ ເມຍເປັນຜູ້ໄປຊື້ ຫຼັງຈາກນັ້ນປະມານ 10 ໂມງ ແພດໄປຮັບເຂົ້າຈຸດຈໍາກັດບໍລິເວນຂອງເມືອງ ຄົງເຊໂດນ ພ້ອມທັງເກັບຕົວຢ່າງຢູ່ຈຸດຈໍາກັດບໍລິເວນ (ບ້ານ ໂຄກສະຫວາດ) ຜູ້ສໍາພັດໄກ້ຊິດ ຄອບຄົວ 4 ຄົນ: ພໍ່ເຖົ້າ, ເມຍ, ລູກ 2 ຄົນ, – ຮ້ານຂາຍເຝີ – ຕະຫລາດເມືອງຄົງ ແຮງງານຢູ່ຈຸດຈໍາກັດບໍລິເວນໂຄກສະຫວາດ 23 ຄົນ, ຍິງ 18 ຄົນ.

ສຳລັບມາດຕະການຕອນນີ້ແມ່ນໄດ້ນໍາຜູ້ກ່ຽວມາຕິດຕາມຢູ່ໂຮງຫມໍແຂວງສາລະວັນ ພ້ອມຈໍາກັດສະມາຊິກຄອບຄົວ ແລະ ຄອບຄົວໄກ້ຄຽງທີ່ສໍາພັດຢູ່ກັບເຮືອນພ້ອມທັງເກັບຕົວຢ່າງໄປກວດວິເຄາະ, ໃນເວລາດຽວກັນໄດ້ປິດຮ້ານຂາຍເຝີ,ພ້ອມທັງຈໍາກັດບໍລິເວນເຈົ້າຂອງຮ້ານພ້ອມເກັບຕົວຢ່າງໄປກວດຊອກເຊື້ອເປັນທີ່ຮຽບຮ້ອຍແລ້ວ.

ແນວໃດກໍ່ຕາມ ທັ້ງໝົດນີ້ແມ່ນຍັງຂໍ້ມູນທີ່ບໍ່ເປັນທາງການເທື່ອ ລາຍງະອຽດເຮົາຕ້ອງຕິດຕາມການຖະແຫຼງຂອງເຈົ້າໜ້າທີ່.