ພາບທີ່ຫາໄດ້ຍາກ ການສ້າງບ້ານປ້ອມໝັ້ນຝຶກໃຫ້ປະຊາຊົນຮູ້ປ້ອງກັນຕົນເອງ

ພາບທີ່ຫາໄດ້ຍາກ ການສ້າງບ້ານປ້ອມໝັ້ນຝຶກໃຫ້ປະຊາຊົນຮູ້ປ້ອງກັນຕົນເອງ

19th April 2021 0 By Education

ບໍອີຫຼີບໍໄດ້ເຫັນສຳລັບໄທເຮົາເຈົ້າຂ້ອຍ ໃນການຝືກສ້າງບ້ານປ້ອມໝັ້ນ ແລະສູ້ຮົບເອກະລາດ ເຊິ່ງ ບ້ານຫ້ວຍໄລ່ ເມືອງຫົງສາ ແຂວງໄຊຍະບູລີປະຕິບັດໄດ້ດີງາມຫຼາຍ ປະຊາຊົນກໍ່ໃຫ້ຄວາມຮ່ວມມືຝືກກັນຢ່າງຄືກຄື້ນ ຕອນນີ້ເປັນຍາມສັນຕິພາບ, ເຫັນມຸມແບບນີ້ເຮັດໃຫ້ຜູ້ອາວຸໂສຫຼາຍຄົນນຶກເຫັນພາບໃນອະດີດ ຂະນະທີ່ຄົນໜຸ່ມສາວຕື່ນເຕັ້ນທີ່ໄດ້ຮູ້ຮູບແບບການປ້ອງກັນຕົນເອງໃນນາມບ້ານທີ່ເປັນອົງປະກອບສຳຄັນຂອງເມືອງ. 

ສະຫາຍ ຮັອ ສິງນະ ຄຳປະເສີດ ຫົວໜ້າຂະແໜງການທະຫານທ້ອງຖິ່ນ ກອງບັນຊາການທະຫານເມືອງຫົງສາ ໄດ້ລາຍງານໃຫ້ຮູ້ວ່າ: ບ້ານຫ້ວຍໂລ່ໄດ້ໃຊ້ເວລາໃນການຝຶກອົບຮົມຍາວນານເຖິງ 7 ວັນຈິ່ງສຳເລັດລົງ ຕະຫລອດໄລຍະຝຶກແອບໄດ້ນໍາພານັກສໍາມະນະກອນກໍາລັງກອງຫລອນ ແລະ ປກສ ພາຍໃນບ້ານ ຈໍານວນ 16 ສະຫາຍ ເຊື່ອມຊຶມບັນດາເອກະສານຕ່າງໆ ເຊັ່ນ: ເອກະສານການຫັນປ່ຽນໂດຍສັນຕິຂອງສັດຕູ, ເອກະສານປະເທດລາວຄົນລາວເປັນເຈົ້າຂອງ, ເອກະສານມູນເຊື້ອຂອງກອງທັບປະຊາຊົນລາວ, ເອກະສານຂອງກົມການທະຫານທ້ອງຖິ່ນ ວ່າດ້ວຍການປົກປັກຮັກສາອາວຸດ-ລູກກະສູນຂອງກຳລັງກອງຫຼອນ.

ການສ້າງບ້ານປ້ອມໝັ້ນ-ສູ້ເອກະລາດ ແລະ ລົງປະຕິບັດຕົວຈິງໃນພາກສະໜາມ ເປັນຕົ້ນ: ອອກແບບແຜນວິທີສູ້ຮົບໃນເວລາພົບກັບສັດຕູ ແລະ ແບບແຜນວິທີປ້ອງກັນບ້ານ ແລະ ເຄື່ອນຍ້າຍປະຊາຊົນໄປລົບໄພຢູ່ບ່ອນປອດໄພ, ສອນວິທີເຮັດອາວຸດພື້ນເມືອງ ແລະ ກັບດັກ, ກຽມພ້ອມປ້ອງກັນເວລາເກີດອັກຄີໄພ ແລະ ອື່ນໆ.

ຜ່ານການຝຶກອົບຮົມສາມາດຕີລາຄາວ່າ: ສຳມະນະກອນມີຄວາມຮັບຮູ້-ຄວາມເຂົ້າໃຈໄດ້ດີສົມຄວນເປັນຕົ້ນ ຄວາມຮັບຮູ້ທາງດ້ານການເມືອງ- ແນວຄິດ 85%, ຄວາມຮັບຮູ້ທາງດ້ານການທະຫານ 88%, ຄວາມຮັບຮູ້ທາງດ້ານການບັນຊາຂອງນາຍບ້ານ 85%, ຄວາມຮັບຮູ້ທາງດ້ານການບັນຊາຂອງກອງຫຼອນ 85%, ຄວາມຮັບຮູ້ທາງດ້ານການບັນຊາຂອງ ປກສ ບ້ານ 85%, ຄວາມຮັບຮູ້ຂອງຂະແໜງການບ້ານ ແລະ ປະຊາຊົນ 81%. ສະເລ່ຍລວມຜົນໄດ້ຮັບທັງໝົດຂອງບ້ານ 85%.

ພາບ-ຂ່າວຈາກ News.XBL