ດ່ວນ! ສະຫວັນນະເຂດແຈ້ງໂຈະການຮຽນການສອນໂຮງຮຽນທຸກແຫ່ງໃນນະຄອນໄກສອນ 21-30 ເມສານີ້

ດ່ວນ! ສະຫວັນນະເຂດແຈ້ງໂຈະການຮຽນການສອນໂຮງຮຽນທຸກແຫ່ງໃນນະຄອນໄກສອນ 21-30 ເມສານີ້

21st April 2021 0 By Education

ແຈ້ງການສົດໆຮ້ອນໆ ຈາກຄະນະສະເພາະກິດເພື່ອປ້ອງກັນ, ຄວບຄຸມ ແລະ ແກ້ໄຂການລະບາດຂອງພະຍາດໂຄວິດ-19 ແຂວງສະຫວັນນະເຂດ ອອກແຈ້ງການ ໂຈະການຮຽໜການສອນໃນສະຖານສຶກສາ ພາຍໃນຂອບເຂດນະຄອນໄກສອນ ພົມວິຫານ ແຂວງສະຫວັນນະເຂດ.

ອີງຕາມແຈ້ງການ ສະບັບເລກທີ 02/ສພກ.ສຂ, ລົງວັນທີ 21 ເມສາ 2021 ໃຫ້ຮູ້ວ່າ: ປັດຈຸບັນ ສະພາບການລະບາດຂອງພະຍາດອັກເສບປອດຮຸນແຮງສາຍພັນໃໝ່ໂຄວິດ-19 ໄດ້ສືບຕໍ່ແຜ່ຂະຫຍາຍເປັນວົງກວ້າງ, ໃນຂອບເຂດທົ່ວປະເທດ ສປປ ລາວ ເກີດມີກໍລະນີຜູ້ຕິດເຊື້ອເພີ່ມຂຶ້ນ ແລະ ເນື່ອງຈາກວ່າຜູ້ຕິດເຊື້ອພະຍາດໂຄວິດ-19 ກໍລະນີ 59 ໄດ້ເຄື່ອນໄຫວໄປມາຫຼາຍບ່ອນໃນນະຄອນໄກສອນພົມວິຫານ ເພື່ອປ້ອງກັນ ແລະ ຮັບມືການລະບາດຂອງພະຍາດດັ່ງກ່າວໃຫ້ແກ່ພະນັກງານ ຄູ-ອາຈານ, ນັກຮຽນ-ນັກສຶກສາ ແລະ ພໍ່ແມ່ຜູ້ປົກຄອງໃນຂອບເຂດທົ່ວນະຄອນໄກສອນພົົມວິຫານ ແຂວງສະຫວັນນະເຂດ.

ຫົວໜ້າຄະນະສະເພາະກິດ ເພື່ອປ້ອງກັນ, ຄວບຄຸມ ແລະ ແກ້ໄຂການລະບາດຂອງພະຍາດໂຄວິດ-19 ຂັ້ນແຂວງ ອອກແຈ້ງການດັ່ງນີ້:

1 ໃຫ້ໂຮງຮຽໜມະຫາວິທະຍາໄລສະຫວັນນະເຂດ, ວິທະຍາໄລພາກລັດ ແລະເອກະຊົນ, ອາຊີວະສຶກສາ, ໂຮງຮຽນສຶກສາສົງ, ໂຮງຮຽນ(ມັດທະຍົມຕົ້ໜ-ປາຍ, ປະຖົມ, ອະນຸບານ) ໃນຂອບເຂດທົ່ວນະຄອນໄກສອນພົມວິຫານ ແຂວງສະຫວັນນະເຂດ ໂຈະການຮຽນ-ການສອນຊົ່ວຄາວ ແຕ່ວັນທີ 21-30 ເມສາ 2021ນີ້

2 ມອບໃຫ້ຜູ້ບໍລິຫານສະຖານສຶກສາແຕ່ບະແຫ່ງໃຫ້ຄໍາແນະນໍາຄູ-ອາຈານ, ພໍ່-ແມ່ຜູ້ປົກຄອງ ແລະ ນັກຮຽນນັກສຶກສາ ໂດຍການມອບວຽກບ້ານ, ການຈັດການຮຽນ-ການສອນຜ່ານຮູບແບບຕ່າງໆຕາມທ່າແຮງ ແລະ ເງື່ອນໄຂຂອງແຕ່ລະສະຖານການສຶກສາ.

3 ສໍາລັບພະນັກງານລັດຖະກອນຜູ້ທີ່ມີລູກນ້ອຍ ຕ້ອງເບິ່ງແຍງຢ່າງໃກ້ຊິດ, ອະນຸຍາກໃຫ້ພໍ່ ຫຼືແມ່ ຜັດປ່ຽນກັນດູແລລູກ. ດັ່ງນັ້ນ, ຈຶ່ງແຈ້ງການມາຍັງທຸກພາກສ່ວນ ເພື່ອຊາບ ແລະ ຈັດຕັ້ງປະຕິບັດຢ່າງເຂັ້ມງວດ ນັບແຕ່ມື້ລົງລາຍເຊັນເປັນຕົ້ນໄປ.