ສະພາບໜ້າເປັນຫ່ວງ ນະຄອນຫຼວງເພີ່ມຈຸດເກັບຕົວຢ່າງໂຄວິດອີກ 4 ຈຸດ

ສະພາບໜ້າເປັນຫ່ວງ ນະຄອນຫຼວງເພີ່ມຈຸດເກັບຕົວຢ່າງໂຄວິດອີກ 4 ຈຸດ

21st April 2021 0 By Education

ນະຄອນຫຼວງວຽງຈັນຕອນນີ້ທຸກຄົນລ້ວນເປັນຫ່ວງ ແລະຂາດຄວາມໝັ້ນໃຈແມ່ນແຕ່ໂຕເອງ ເພາະກໍລະນີທີ 59 ເລາະໄປຫຼາຍບ່ອນຫຼາຍທີ່ໆຄາດວ່າຈະມີຜູ້ຕິດເຊື້ອຈຳນວນຫຼາຍ ຂະໜາດມື້ດຽວຍັງພົບຕັ້ງ 28 ຄົນ ແລະຍັງມ່ຜູ້ໃກ້ຊິດຈຳນວນນັ້ນອີກຈະເທົ່າໃດ.

ເພື່ອຫຼຸດຄວາມແອອັດຂອງປະຊາຊົນທີ່ຈະມາກວດຫາເຊື້ອໂຄວິດ-19 ໃນທົ່ວນະຄອນຫຼວງວຽງຈັນ ທັງເປັນການເພື່ອຄວາມສະດວກແກ່ຜູ້ຈະເຂົ້າໄປເກັບຕົວຢ່າງເພື່ອກວດວິເຄາະຫາເຊື້ອໂຄວິດ-19 ນະຄອນຫຼວງໄດ້ເພີ່ມສູນເກັບຕົວຢ່າງອີກ 4 ຈຸດດັ່ງນີ້:

– ເດີ່ນກິລາໃນຮົ່ມບຶງຂະຫຍອງ, ເມືອງສີສັດຕະນາກ
– ສະໜາມກິລາເດີ່ນເຈົ້າອານຸວົງ, ເມືອງຈັນທະບູລີ
– ມສ ໂຮຈີມີນ, ເມືອງສີໂຄດຕະບອງ
– ມສ ລາວຫວຽດ, ເມືອງໄຊເສດຖາ

ອີກເທື່ອໜຶ່ງ ເພື່ອຄວາມປອດໄພຂອງປະຊາຊົນທຸກຄົນ ເນື່ອງຈາກມີຜູ້ຕິດເຊື້ອໄປຫຼາຍບ່ອນ ແລະພົວພັນຄົນຈຳນວນຫຼາຍຕໍ່ໆໄປອີກ ສະນັ້ນ ຕອນນີ້ທຸກຄົນຕ້ອງໝັ່ນສັງເກດຕົນເອງ ຖ້າສົງໄສຕ້ອງເຂົ້າໄປກວດທັນທີ ເພື່ອຫຼຸດການແຜ່ເຊື້ອໄປສູ່ຄົນອື່ນໆ.