ອ່ານດ່ວນ! ຂໍ້ມູນເອື້ອຍຮັກຂອງກໍລະນີ 59 ຮອບນີ້ແຈ້ງລະອຽດ ບ່ອນຢູ່ອາໃສຂອງເອື້ອຍຮັກ

ອ່ານດ່ວນ! ຂໍ້ມູນເອື້ອຍຮັກຂອງກໍລະນີ 59 ຮອບນີ້ແຈ້ງລະອຽດ ບ່ອນຢູ່ອາໃສຂອງເອື້ອຍຮັກ

21st April 2021 0 By Education

ເອີ້ນໄດ້ວ່າເປັນຂ່າວໃຫຍ່ໃນຮອບອາທິດນີ້ເລີຍກໍ່ວ່າໄດ້ ສໍາລັບຂ່າວການຕິດເຊື້ອໂຄວິດ-19 ຂອງສາວເສດຖະສາດ ຕີນ່າ ມອນມີນາ ສຸດທິດາ ເນື່ອງຈາກຜູ້ກ່ຽວໄປເລາະຫຼາຍບ່ອນ ເຮັດໃຫ້ປັດຈຸບັນມີຜູ້ຕິດເຊື້ອຍ້ອນຜູ້ກ່ຽວເຖິງ 26ຄົນ ໃນນະຄອນຫຼວງວຽງຈັນ.

ທັ້ງນີ້ ຕາມການໃຫ້ຂໍ້ມູນຂອງຜູ້ກ່ຽວ ກໍ່ຄື ຜູ້ຕິດເຊື້ອກໍລະນີທີ 59 ຕໍ່ຄະນະສະເພາະກິດແມ່ນໄດ້ມີການພົວພັນກັບຄົນໄທທີ່ລັກຂ້າມມາລາວ ແລ້ວຕິດເຊື້ອໂຄວິດ-19 ແລະ ແມ່ຍິງອີກ 1ຄົນທີ່ຜູ່ກ່ຽວແທນນາມໃຫ້ວ່າເອື້ອຍຮັກ ແຕ່ບໍ່ຍອມເຜີຍທາມລາຍຂອງເອື້ອຍຮັກຄົນນີ້, ຈົນເຮັດໃຫ້ສັງຄົມອອນລາຍ ຕ້ອງຮ່ວມໃຈກັນອອກມາກົດດັນໃຫ້ຜູ້ກ່ຽວບອກຂໍ້ມູນຂອງເອື້ອຍຮັກ.

ຫຼ້າສຸດ ໃນຕອນເຊົ້າຂອງວັນທີ 21 ເມສາ 2020 ຜູ້ຕິດເຊື້ອກໍລະນີ 59 ກໍ່ໄດ້ອອກມາເຜີຍພາບພ້ອມຂໍ້ຄວາມກ່ຽວກັບເອື້ອຍຮັກຂອງຜູ້ກ່ຽວວ່າ: ຂໍ້ມູນກ່ຽວກັບເອື້ອຍຮັກ ຫຼື ນາງພາວະດີ ວິພາກອນ ຜູ້ກ່ຽວແມ່ນຢູ່ ບ້ານນາເຫລັກ ເມືອງສາລະວັນ ແຂວງສາລະວັນ, ເຊິ່ງລາວໄດ້ໄປຫຼິ້ນຢູ່ສະຫວັນນະເຂດ ແລະ ພົບເຈີກັບຄົນໄທ  ເຊິ່ງປັດຈຸບັນນີ້ ໄດ້ປິ່ນປົວຕົນເອງຢູ່ໂຮງໝໍໜອງຄາຍ ປະເທດໄທ.

ແນວໃດກໍ່ຕາມ ໃນຕອນທ້າຍຂອງຂໍ້ຄວາມນີ້ ສາວຕີ່ນ່າຍັງໄດ້ຂໍໂທດທຸກຄົນໃນສັງຄົມ ທີ່ເຮັດໃຫ້ເກີດເຫດການແບບນີ້ຂຶ້ນ.

ແນວໃດກໍ່ຕາມ ແອັດຂໍເປັນກໍາລັງໃຈໃຫ້ຜູ້ທີ່ຕິດເຊື້ອປິ່ນປົວຕົນເອງວໃຫ້ຫາຍດີໄວໆ, ສ່ວນຜູ້ທີ່ຕິດເຊື້ອ ກໍ່ຂໍໃຫ້ມີຄວາມຮັບຜິດຊອບຕໍ່ສັງຄົມ ເຜີຍແຜ່ປະຫວັດການເຄື່ອນໄຫວຂອງຕົນເອງ ຢ່າປິດບັງເຊື່ອງອໍາ ເພື່ອບໍ່ໃຫ້ມັນສົ່ງຜົນກະທົບທາງລົບ ຫຼື ສ້າງຄວາມເດືອດຮ້ອນໃຫ້ຄົນອື່ນ.

ສຸດທ້າຍຂໍໃຫ້ພວກເຮົາທຸກຄົນທັງຊາດຮ່ວມໃຈກັນສູ້ຜ່ານຜ່າວິກິດໃນຄັ້ງນີ້ໄປໃຫ້ໄດ້ໂດຍໄວ.